ໂຍທາຊີ້​ແຈງ​ບັນຫາ​ການ​ຊົດ​ເຊີຍ​​ໂຄງການ​ກໍ່ສ້າງ​ເສັ້ນທາງ​ດອນ​ນົກ​ຂຸ້ມ​ຫາ​ທາງ 450 ປີ.

ໂຍທາຊີ້​ແຈງ​ບັນຫາ​ການ​ຊົດ​ເຊີຍ​​ໂຄງການ​ກໍ່ສ້າງ​ເສັ້ນທາງ​ດອນ​ນົກ​ຂຸ້ມ​ຫາ​ທາງ 450 ປີ. - advert banner 728 90 728x90 - ໂຍທາຊີ້​ແຈງ​ບັນຫາ​ການ​ຊົດ​ເຊີຍ​​ໂຄງການ​ກໍ່ສ້າງ​ເສັ້ນທາງ​ດອນ​ນົກ​ຂຸ້ມ​ຫາ​ທາງ 450 ປີ.

​ພາຍ​ຫລັງ​ທີ່ ສະມາຊິກ​ສະພາ​ແຫ່ງ​ຊາດ  ປະຈຳ​ເຂດ I ນະຄອນ ຫລວງ​ວຽງຈັນ ​ໄດ້​ລົງ​ພົບ​ປະຊາຊົນ ​ເຂດ​ເມືອງ ​ໄຊ​ເສດ​ຖາ ຊຶ່ງ​ໄດ້​ມີ​ຄຳສະ​ເຫ​ນີຫລາຍ​ບັນຫາ​ເພື່ອ​ໃຫ້ ສສຊ ຊ່ວຍ​ແກ້​ໄຂ, ​ໂດຍ​ສະ​ເພາະ​ກ່ຽວກັບ​ການ​ຈ່າຍ​ຄ່າ​ຊົດ​ເຊີຍ ທີ່​ດິນ​ຜູ້​ໄດ້​ຮັບ​ຜົນ​ກະທົບ​ໂຄງການ​ກໍ່ສ້າງ​ເສັ້ນທາງ​ດອນ​ນົກ​ຂຸ້ມ​ຫາ​ທາງ 450 ປີ, ຊຶ່ງ​ຍັງ​ມີ​ປະຊາຊົນ​ຈຳນວນ​ຫລາຍ ທີ່​ຍັງ​ບໍ່​ໄດ້​ຮັບ​ເງີ​ນຊົດ​​ເຊີຍ​ບ້ວງ​ດັ່ງກ່າວ, ຕໍ່ກັບ​ບັນຫາ​ນີ້, ໜັງສື​ພິມ​ລາວ​ພັດທະນາ ​ໄດ້ສຳພາດໜ່ວຍງານ​ກ່ຽວຂ້ອງ ຊຶ່ງ​ໄດ້​ຊີ້​ແຈງ​ວ່າ: ​ໂຄງການ​ກໍ່ສ້າງ​ທາງ​ດ່ວນ​ດອນ​ນົກ​ຂຸ້ມ​ຫາ​ທາງ 450 ປີ, ​ໃນ​ເບື້ອງຕົ້ນ ບໍລິສັດ ນ້ຳທາກໍ່ສ້າງ​ຂົວ-ທາງ ຈຳກັດ ​ໄດ້​ຮັບ​ອະນຸຍາດ​ສຳ​ຫລວດ​ອອກ​ແບບ ​ແລະ ລົງທຶນ​ຮັບ​ເຫມົາ​ກໍ່ສ້າງ​ເສັ້ນທາງ​ຕັດ​ໃໝ່ ​ແຕ່​ສາມ​ແຍກ​ໄຟ​ແດງ​ໂພນ​ທັນ ຂ້າມ​ບຶງ​ທາດຫລວງ, ​ໂນນ​ຫວາຍ, ບ້ານ ນາ​ຄວາຍ ​ແລະ ​ເຊື່ອມ​ຕໍ່​ເສັ້ນທາງ 450 ​ປີ, ຕໍ່ມາ ລັດຖະບານ​ໄດ້​ຕົກລົງ​ໃຫ້​ບໍລິສັດ ຫວ່ານ​ເພີງ​ຊ້ຽງ​ໄຮ້ ສປ ຈີນ, ​ເພື່ອ​ພັດທະນາ​ບຶງ​ທາດຫລວງ ​ເປັນ​ຜູ້​ຈັດ​ຕັ້ງ​ປະຕິບັດ ​ແລະ ​ໄດ້​ມອບ​ໂຄງການ​ກໍ່ສ້າງ​ເສັ້ນທາງ​ແຕ່​ບ້ານ​ດອນ​ນົກ​ຂຸ້ມ ​ໄປ​ຫາ ​ເສັ້ນທາງ​ກຳ​ແພງ​ເມືອງ ຜ່ານ​ບຶງ​ທາດຫລວງ, ບ້ານ ຊຽງດາ, ດົງ​ໂພ​ສີ, ​ເຊື່ອມ​ຕໍ່ ຫາ ທາງ 450 ປີ, ມີ​ຄວາມ​ຍາວ 9,5 ກິ​ໂລ​ແມັດ ​ແລະ ​ເສັ້ນທາງ​ມາ​ຈາກ​ຫລັກ 21 ບ້ານ ນາ​ຄວາຍ ​ເມືອງ ​ໄຊ​ເສດ​ຖາ ນະຄອນຫລວງ​ວຽງຈັນ ​ແທນ, ​ໃຫ້​ເປັນ​ທາງ​ປູ​ຍາງ​ອາດສະ​ຟານ 2 ຊັ້ນ ມູນ​ຄ່າຫລາຍ​ກ່ວາ 76 ​ໂດລາ​ສະຫະລັດ ​ແລະ ສະຫງວນ​ດິນ​ສອງ​ຟາກ​ທາງ 200 ​ແມັດ, ​ເພື່ອ​ໃຫ້​ບໍລິສັດ​ຂາຍ​ຊຳລະໜີ້ ​ໃຫ້​ແກ່​ການກໍ່ສ້າງ​ທາງ, ​ແຕ່​ຕໍ່ມາ​ໂຄງການ​ດັ່ງກ່າວ ​ໄດ້​ຖືກ​ຍົກ​ລະດັບ​ໃຫ້​ເປັນ​ທາງ​ເບ​ຕົງ ຊຶ່ງ​ມີ​ມູນ​ຄ່າ​ເພີ່ມ​ເປັນ 78 ລ້ານ​ກ່ວາໂດ​ລາ​ສະຫະລັດ, ເພື່ອ​ສາມາດແກ້​ໄຂ​ບັນຫາ​ລົດ​ຕິດ, ມີ​ເສັ້ນທາງ​ຂະຫນາດ​ໃຫຍ່​ອອກ​ສູ່​ເສັ້ນທາງ 450 ປີ, ​ເສັ້ນທາງ​ລົດ​ໄຟ ​ແລະ ​ເຊື່ອມ​ຕໍ່​ໃສ່​ເມືອງ​ອັດ​ສະ​ລິ​ຍະ.

ໂຍທາຊີ້​ແຈງ​ບັນຫາ​ການ​ຊົດ​ເຊີຍ​​ໂຄງການ​ກໍ່ສ້າງ​ເສັ້ນທາງ​ດອນ​ນົກ​ຂຸ້ມ​ຫາ​ທາງ 450 ປີ. - lattana 1 - ໂຍທາຊີ້​ແຈງ​ບັນຫາ​ການ​ຊົດ​ເຊີຍ​​ໂຄງການ​ກໍ່ສ້າງ​ເສັ້ນທາງ​ດອນ​ນົກ​ຂຸ້ມ​ຫາ​ທາງ 450 ປີ.

     ປັດຈຸບັນ​ວຽກງານ​ກໍ່ສ້າງ​ເສັ້ນທາງ​ໄດ້​ສຳ​ເລັດ​​ແລ້ວປະມານ 65%, ສ້າງ​ຂົວ​ຂ້າມ​ບຶງ​ທາດຫລວງ ສຳ​ເລັດ ປະມານ 90% ​ແລະ ຂົວ​ນາ​ຄວາຍ ປະມານ 80%.

     ທ່ານ ຫົວໜ້າພະ​ແນ​ກ ​ໂຍທາ​ທິການ ​ແລະ ຂົນ​ສົ່ງ ນະຄອນ​ຫລວງ​ວຽງຈັນ ​ໃຫ້​ຮູ້​ວ່າ: ​ໃນ​ຜ່ານ​ມາ ​ໄດ້​ຊຳລະ​ຊົດ​​ເຊີຍຜູ້​ໄດ້​ຮັບ​ຜົນ​ກະທົບ​ຈາກ​ໂຄງການ​ດັ່ງກ່າວ​ແລ້ວ ​ເປັນ ​ເງີ​ນ 103 ຕື້ກີບ ​ແລະ ຍັງ​ສະຫງວນ​ດິນ​ຕາມ​ການ​ສຳ​ຫລວດ​ເກັບ​ກຳ​ຂໍ້ມູນ​ດິນ​ເບື້ອງຕົ້ນ​ຄື: ດິນ​ຖືກ​ຜົນ​ກະທົບ​ທັງໝົດ 691 ຕອນ, ມີ​ເນື້ອທີ່ 3 ລ້ານ​ກ່ວາຕາ​ແມັດ, ​ໃນ​ນີ້ ຕອນ​ດິນ​ທີ່​ຖືກ​ແລວ​ທາງມີ 210 ຕອນ, ມີ​ເນື້ອທີ່ 4 ​ແສນ​ກ່ວາຕາ​ແມັດ, ຕອນ​ດິນ​ຖືກ​ເຂດ​ສະຫງວນ 200 ຕາ​ແມັດ, ​ໄດ້​ຈ່າຍ​ຄ່າ​ຊົດ​ເຊີຍ​ແລ້​ວ 265 ຕອນ, ​ແລະ ຍັງ​ບໍ່ທັນ​ຊົດ​ເຊີຍ 426 ຕອນ.

     ຫົວໜ້າພະ​ແນ​ກດັ່ງກ່າວ ​ໃຫ້​ເຫດຜົນ​ວ່າ: ສາ​ເຫດ​ໂຄງການ​ດຳ​ເນີນ​ຊັກ​ຊ້າ ​ແລະ ການ​ຈ່າຍ​ຄ່າ​ຊົດ​ເຊີຍ​ຍັງ​ມີ​ບັນຫາ ​ເນື່ອງ​ຈາກ​ວ່າ: ​ໂຄງການ​ຂາດ​ການ​ສຶກສາ​ຄົ້ນ​ຄ້ວາ​ວິທີ​ການ ​ແລະ ມາດ​ຕະການ​ຢ່າງ​ລະອຽດ, ບໍລິສັດ​ບໍ່ມີ​ງົບປະມານ​ພຽງພໍ​ໃນ​ການກໍ່ສ້າງ, ການ​ຊົດ​ເຊີຍ​ຈຳນວນໜຶ່ງຍັງ​ຊັກ​ຊ້າ​ເຮັດ​ໃຫ້​ປະຊາຊົນ​ບໍ່ພໍ​ໃຈ, ​ເກີດ​ຄວາມ​ບໍ່​ເຂົ້າ​ໃຈ ລະຫວ່າງ ນະຄອນຫລວງ​ວຽງຈັນ, ກະຊວງ ທີ່​ກ່ຽວຂ້ອງ ກັບ ບໍລິສັດ ​ແລະ ປະຊາຊົນ​ທີ່​ມີ​ດິນ​ຖືກ​ໂຄງການ, ຍ້ອນ​ພາກ​ລັດ​ເຮົາ​ປ່ຽນ​ແລວ​ທາງ, ​ເພາະ​ເສັ້ນທາງ​ເກົ່າ ທີ່​ໄດ້​ຕົກລົງ​ມອບ​ໃຫ້​ບໍລິສັດ​ສຳ​ຫລວດ​ນັ້ນ ບໍລິສັດ ນ້ຳທາ​ໄດ້​ຊື້ສິດ​ນຳ​ໃຊ້​ແລ້ວ, ​ແຕ່​ລັດ​ພັດ​ໄປ​ມອບ​ໃຫ້ ບໍລິສັດ ຫວ້ານ​ເພີງ ​ເປັນ​ຜູ້ກໍ່ສ້າງ ​ແລະ ມາ​ຮອດ​ປັດຈຸບັນ, ດິນ​ທີ່ ບໍລິສັດ​ໄດ້​ຊົດ​ເຊີຍ​ແລ້ວ ​ເພື່ອ​ຂາຍ​ມາ​ເປັນ​ທຶນ​ກໍ່ສ້າງ ​ແມ່ນ​ຂາຍ​ບໍ່​ໄດ້, ບໍ່ສາມາດ​ຊົດ​ເຊີຍ​ໄດ້ຕາມ​ທີ່​ຕົກລົງ​ກັນ, ​ເນື່ອງ​ຈາກ ປະຊາຊົນ ຜູ້​ມີ​ສິດ​ນຳ​ໃຊ້​ທີ່​ດິນ ກໍ​ຮຽກຮ້ອງ ​ເອົາ​ຄ່າ​ຊົດ​ເຊີຍ​ສູງ, ຢາກ​ນ້ຳ​ໃຊ້​ທີ່​ດິນ​ເຂດ​ສະຫງວນ​ເບື້ອງລະ 200 ​ແມັດ, ມີ​ການ​ອອກ​ໃບ​ຕາດິນ​ທັບ​ຊ້ອນ ​ແລະ ອື່ນໆ.

ໂຍທາຊີ້​ແຈງ​ບັນຫາ​ການ​ຊົດ​ເຊີຍ​​ໂຄງການ​ກໍ່ສ້າງ​ເສັ້ນທາງ​ດອນ​ນົກ​ຂຸ້ມ​ຫາ​ທາງ 450 ປີ. - 1 1 - ໂຍທາຊີ້​ແຈງ​ບັນຫາ​ການ​ຊົດ​ເຊີຍ​​ໂຄງການ​ກໍ່ສ້າງ​ເສັ້ນທາງ​ດອນ​ນົກ​ຂຸ້ມ​ຫາ​ທາງ 450 ປີ.