ສູນກາງສະຫະພັນແມ່ຍິງລາວສະຫລອງວັນແມ່ຍິງສາກົນ

ສູນກາງສະຫະພັນແມ່ຍິງລາວສະຫລອງວັນແມ່ຍິງສາກົນ - advert banner 728 90 728x90 - ສູນກາງສະຫະພັນແມ່ຍິງລາວສະຫລອງວັນແມ່ຍິງສາກົນ

​ເຊົ້າໃນວັນທີ 7 ມີນານີ້, ສູນກາງສະຫະພັນແມ່ຍິງລາວ ຮ່ວມກັບກະຊວງ ແຜນການ ແລະ ການລົງທຶນ ໄດ້ຈັດສໍາມະນາພາຍໃຕ້ຄໍາຂວັນ “ຄິດຢ່າງສະ  ເໝີພາບ, ສ້າງຄວາມສະຫລາດ ແລະ ປະດິດສ້າງເພື່ອການປ່ຽນແປງ” ພ້ອມ​ ​ຖື​ໂອກາດນີ້ສະເຫລີມສະຫລອງວັນແມ່ຍິງສາກົນ ວັນທີ 8 ມີນາ ຄົບຮອບ 109 ປີ ຂຶ້ນ​ຢູ່​ສູນ​ອົບຮົມ​ແມ່ຍິງ​ລາວ ​ໃນນະຄອນຫລວງ​ວຽງຈັນ, ​ໂດຍການ​ເຂົ້າ​ຮ່ວມ​ຂອງ​ທ່ານ ນາງ ອິນ​ລາ​ວັນ ​ແກ້ວ​ບຸນ​ພັນ ປະທານ​ຄະນະ​ບໍລິຫານ​ງານ​ສູນ​ກາງ​ສະຫະພັນ​ແມ່ຍິງ​ລາວ ພ້ອມ​ດ້ວຍ​ເອື້ອຍ​ນ້ອງ​ແມ່ຍິງ​ເຂົ້າ​ຮ່ວມ​​ເປັນ​ຈໍານວນ​ຫລາຍ.

ສູນກາງສະຫະພັນແມ່ຍິງລາວສະຫລອງວັນແມ່ຍິງສາກົນ - new3 - ສູນກາງສະຫະພັນແມ່ຍິງລາວສະຫລອງວັນແມ່ຍິງສາກົນ
ສູນກາງສະຫະພັນແມ່ຍິງລາວສະຫລອງວັນແມ່ຍິງສາກົນ - IMG 0097 - ສູນກາງສະຫະພັນແມ່ຍິງລາວສະຫລອງວັນແມ່ຍິງສາກົນ

    ​ໃນ​ພິທີ, ທ່ານ ປະທານ​ສູນ​ກາງ​ສະຫະພັນ​ແມ່ຍິງ​ລາວ ​ໄດ້​ຍົກ​ໃຫ້​ເຫັນມູນ​ເຊື້ອ​ແຫ່ງ​ການ​ຕໍ່ສູ້​ຢ່າງ​ພິລະ​ອາດ​ຫານ​ຂອງ​ແມ່ຍິງ​ໃນ​ທົ່ວ​ໂລກ ​ເພື່ອ​ທວງ​​ເອົາ​ສິດທິ​ດຂອງ​ຕົນ​ຄື: ສິດທິ​ດ​ໃນ​ການ​ອອກ​ແຮງ​ງານ, ສິດທິ​ການ​ສຶກສາ ​ແລະ ​ເວລາ​ພັກ​ຜ່ອນ​ໃຫ້​ເທົ່າ​ທຽມ​ເພດ​ຊາຍ, ຈາກ​ນັ້ນ​ໄດ້​ເຮັດ​ໃຫ້​ບົດບາດ​ຂອງ​ແມ່ຍິງ​ນັບ​ມື້​ພົ້ນ​ເດັ່ນຂຶ້ນ​ໃນ​ທຸ​ກຂົງ​ເຂດ​ວຽກງານ ​ແລະ ຈາກ​ຂະ​ບວນການ​ດັ່ງກ່າວ​ນັ້ນ, ສະຫະພັນ​ແມ່ຍິງ​ລາວ​ໃນ​ຖານະ​ຕົວ​ແທນ​ແມ່ຍິງ​ບັນດາ​ເຜົ່າ​ໃນ​ທົ່ວ​ປະ​ເທດ​ກໍ​ໄດ້​ປະກອບສ່ວນ​ເຂົ້າ​ໃນ​ການ​ເຄື່ອນ​ໄຫວ​ພັດທະນາ ​ແລະ ປົກ​ປ້ອງ​ສິດ​ຜົນ​ປະ​ໂຫຍ​ດອັນ​ເປັນ​ທໍາ​ຂອງ​ແມ່ຍິງ​ໃນ​ລະດັບ​ຕ່າງໆທັງ​ໃນ​ພາກ​ພື້ນ ​ແລະ ສາກົນ ​ເຊິ່ງສະ​ແດງ​ອອກ​ໃຫ້​ເຫັນ​ໃນ​ການ​ນໍາ​ເອົາ​ເປົ້າໝາຍພັດທະນາ​ແບບ​ຍືນ​ຍົງ​ເປັນ​ແຜນ​ງານ​ໂຄງການ​ລະອຽດຕໍ່ການ​ພັດທະນາ​ແມ່ຍິງ​ລາວ​ໃນ​ແຕ່ລະ​ໄລຍະ​ໄດ້​ເຕີບ​ໃຫຍ່​ເຂັ້ມ​ແຂງ, ປະກອບສ່ວນ​ເຂົ້າ​ໃນ​ການ​ປະຕິບັດ​ສອງໜ້າທີ່​ຍຸດ​ທະ​ສາດ​ຄື: ປົກ​ປັກ​ຮັກສາ ​ແລະ ສ້າງສາ​ປະ​ເທດ​ຊາດ​ຢ່າງ​ມີ​ຜົນ​ສໍາ​ເລັດຕະຫລອດ​ມາ.

​ເນື່ອງ​ໃນ​ໂອກາດ​ວັນ​ປະຫວັດສາດ​ອັນ​ມີ​ຄວາມໝາຍ ແລະ ສໍາຄັນດັ່ງ ກ່າວ, ສູນກາງສະຫະພັນ​ແມ່ຍິງ​​ກໍ​ໄດ້ມີແຈ້ງການເຖິງສະຫະພັນແມ່ຍິງບັນດາ ແຂວງ, ກະຊວງ, ອົງການ ແລະ ນະຄອນຫລວງ ໃນທົ່ວປະເທດສ້າງຂະບວນ ການ ແລະ ການຈັດຕັ້ງສະເຫລີມສະຫລອງວັນສໍາຄັນດັ່ງກ່າວ ຕາມເງື່ອນໄຂ ຕົວຈິງຂອງກົມກອງທ້ອງຖິ່ນ ໃຫ້ມີເນື້ອໃນເລິກເຊິ່ງ ແລະ ເປັນຂະບວນ ການຟົດຟື້ນກວ້າງຂວາງ. ສໍາລັບການສະເຫລີມສະຫລອງວັນແມ່ຍິງສາກົນຂັ້ນ ສູນກາງໃນປີນີ້ ໂດຍພາໃຕ້ການປະກອບສ່ວນຈັດຕັ້ງປະຕິບັດຕາມຄໍາຂວັນຂອງ ສາກົນວ່າ: “ຄິດຢ່າງສະເໝີພາບ, ສ້າງຄວາມສະຫລາດ, ປະດິດສ້າງເພື່ອ ການປ່ຽນແປງ” ໄດ້ກະກຽມ ແລະ ຈັດຕັ້ງປະຕິບັດກິດຈະກໍາບັນດາກິດ ຈະກໍາຕ່າງໆເຊັ່ນ: ພິທີໂຮມຊຸມນຸມໃນຄັ້ງນີ້, ການຫັດກາຍບໍລິຫານ, ກອງປະ ຊຸມສໍາມະນາ ພາຍໃຕ້ 2 ຫົວຂໍ້: 1). “​ການ​ສ້າງ​ຄວາມ​ເຂັ້ມ​ແຂງ​ໃຫ້​ແມ່ຍິງ​ມີ​ຄວາມ​ຮູ້ຄວາມ​ສາມາດ, ປະດິດ​ສ້າງ​ເພື່ອ​ໃຫ້​ເກີດ​ມີ​ການ​ປ່ຽນ​ແປງ ​ແລະ ກ້າວ​ໄປ​ສູ່​ຄວາມ​ສະ  ​ເໝີພາບ​ຍິງ-​ຊາຍ”, 2). “ການປະກອບສ່ວນຂອງເພດຊາຍ, ຄອບຄົວ, ຊຸມຊົນ ແລະ ສັງຄົມ ເພື່ອໃຫ້ແມ່ຍິງມີຄວາມຮູ້ຄວາມສາມາດ, ປະດິດສ້າງໃຫ້ເກີດມີການປ່ຽນແປງ ແລະ ກ້າວໄປສູ່ຄວາມສະເໝີພາບຍິງ-ຊາຍ; ຕະຫລາດນັດ, ກິດຈະກໍາຂີ່ລົດຖີບເພື່ອການກຸສົນ ແລະ ກິລາມວນ ຊົນຊິງຂັນປະທານສູນກາງສະຫະພັນແມ່ຍິງໃຫ້ມີບັນຍາກາດຟົດຟື້ນ.

ສູນກາງສະຫະພັນແມ່ຍິງລາວສະຫລອງວັນແມ່ຍິງສາກົນ - lattana 1 - ສູນກາງສະຫະພັນແມ່ຍິງລາວສະຫລອງວັນແມ່ຍິງສາກົນ
error: Content is protected !!