ຕາຊິງ ຕາຊັງ

ຕາຊິງ ຕາຊັງ - advert banner 728 90 728x90 - ຕາຊິງ ຕາຊັງ

ໂດຍ : ມຶກບໍ່ແຫ້ງ

ຕາຊິງ ຕາຊັງ - new3 - ຕາຊິງ ຕາຊັງ

ພວກເຮົາໃຜກໍຮູ້ສຶກວ່າຄ່າຄອງຊີບສູງຂຶ້ນເມື່ອທຽບກັບລາຍຮັບແຕ່ຊໍ້າຮ້າຍເມື່ອໄປຊື້ເຄື່ອງຢູ່ຕະຫຼາດຍັງຖືກບັນດາແມ່ຄ້າພໍ່ຄ້າເອົາປຽບຕຶ່ມອີກເພາະຊິງບໍ່ໄດ້ມາດຖານ.

ຕາຊິງ ຕາຊັງ - 37880241 211973369510699 2857075819405115392 n - ຕາຊິງ ຕາຊັງ

ໃຜກໍບໍ່ປະຕິເສດໄດ້ວ່າຄ່າຄອງຊີບສູ່ມື້ນີ້ ຈັ່ງແມ່ນຖີບສູງຂຶ້ນເມື່ອທຽບໃສ່ ລາຍຮັບຂອງປະຊາຊົນຈຳນວນຫຼາຍເຊັ່ນລາຍຮັບຂອງແຮງງານຂັ້ນຕໍ່າໃນປັດຈຸບັນ 1.1-1.2 ລ້ານກີບແລະເງິນເດືອນພະນັກງານລັດກໍຕົກຢູ່ປະມານ 1.5-2 ລ້ານກີບໂດຍສະເລ່ຍແຕ່ ເມື່ອຢາກກິນຊີ້ນງົວເຊິ່ງໂລໜຶ່ງກໍປະມານເກືອບ 70 ພັນກີບ, ນັ້ນກໍສະແດງວ່າພະນັກງານລັດຕ້ອງເຮັດວຽກມື້ໜຶ່ງເພື່ອຊີ້ນ 1 ໂລ (ເດືອນໜຶ່ງສະເລ່ຍ 22 ມື້ເຮັດວຽກ) ແລະແຮງງານຂັ້ນຕໍ່າຕ້ອງເຮັດວຽກມື້ປາຍພຸ້ນລະຈຶ່ງຈະກຸ້ມຊີ້ນ 1 ກິໂລ.

ແຕ່ຮ້າຍແຮງໄປກວ່ານັ້ນບັນດາແມ່ຄ້າພໍ່ຄ້າຈຳນວນຫຼາຍທົ່ວປະເທດຍັງເຮັດຄືບໍ່ຮູ້ບໍ່ເຫັນໂດຍການດັດແປງຊິງຊັ່ງເພື່ອເຮັດໃຫ້ ຊິງເຂົາເຈົ້າອ່ອນລົງນັ້ນໝາຍວ່ານໍ້າໜັກ 1 ກິໂລແທ້ໆນັ້ນເມື່ອໄປຊັ່ງຊິງອ່ອນກໍຈະກາຍແລະກໍໝາຍວ່າຖ້າຊື້ຊີ້ນພໍແຕ່ໜ້ອຍດຽວກໍຮອດໂລເລີຍ, ເປັນອັນວ່າບໍ່ພຽງແຕ່ ລາຄາອາຫານແພງແຕ່ຫາກການເອົາປຽບຜ່ານຕາຊິງນັ້ນຈັ່ງແມ່ນຄືຈັ່ງມົດແດງຊາຍກັດທີ່ເຈັບໆ ຄັນໆ ເປັນຕາເຫຼືອໃຈວາດໃດວາດໜຶ່ງ.

ຜູ້ຂຽນກໍພົບພໍ້ກັບການເອົາປຽບຂອງແມ່ຄ້າຂາຍປາ (ນໍ້າຂອງ)ຢູ່ຕະຫຼາດປາກເຊ, ພໍແຕ່ຍ່າງຜ່ານໜ້ອຍດຽວກໍຊັກຊວນໃຫ້ຊື້ ປາເພິ່ນທີ່ພະຍາຍາມອະທິບາຍວ່າ“ປາຍັງສົດ, ບໍ່ໄດ້ຂາຍຊິຂາຍເລໃຫ້…” ເວົ້າແລ້ວກໍຈັບປາໃສ່ຊາມຊັ່ງແບບໄວວາໂດຍດຶງເອົາຊິງຈາກກ້ອງຕຽງທີ່ລຽນກັນ 2-3 ໜ່ວຍ, ເມື່ອເບິ່ງຊິງກໍເຫັນຄັກໆວ່າ 8 ໂລແຕ່ກໍແປກໃຈຢູ່ ເມື່ອຫິ້ວຂຶ້ນແລ້ວມາຊັ່ງຢູ່ເຮືອນກໍປະກົດວ່າມີພຽງ 5 ກິໂລປາຍເທົ່ານັ້ນລະ!

ພໍແຕ່ຮູ້ຂ່າວວ່າເມື່ອເດືອນກຸມພາ 2019 ທີ່ຜ່ານມາເຈົ້າໜ້າທີ່ ເພິ່ນໄດ້ລົງກວດກາແລະຢຶດຊິງທີ່ບໍ່ໄດ້ມາດຖານຢູ່ເມືອງປາກເຊກໍຮູ້ສຶກວ່າມັນສົມຄວນແລ້ວແລະຄວນມີການກວດກາເປັນປົກກະຕິຈິງຈັງ, ເຊິ່ງແນ່ນອນປະກົດການການນຳໃຊ້ ຊິງທີ່ບໍ່ໄດ້ມາດຖານເພື່ອຫວັງຜົນກຳໄລແລະເອົາລັດເອົາປຽບລູກຄ້ານັ້ນຍັງມີແຜ່ຫຼາຍທົ່ວປະເທດໂດຍສະເພາະຢູ່ນະຄອນຫຼວງວຽງຈັນກໍຄວນມີການກວດກາເປັນປົກກະຕິຕຶ່ມອີກ.

ຕາຊິງ ຕາຊັງ - lattana 1 - ຕາຊິງ ຕາຊັງ

ເມື່ອຈັບໄດ້ໄລ່ທັນກໍຄວນມີການສຶກສາອົບຮົມປັບໄໝຢ່າງຈິງຈັງເພື່ອສ້າງຄົນໃຫ້ໄດ້ມາດຖານກ່ອນຈະມີຊິງທີ່ໄດ້ມາດຖານ.

ໃນຄວາມຈິງແລ້ວຕະຫຼາດຫຼາຍແຫ່ງເພິ່ນໄດ້ຕິດຕັ້ງຊິງກາງຫຼືຊິງທີ່ໄດ້ມາດຖານແທ້ ແຕ່ສ່ວນຫຼາຍບໍ່ໄດ້ຖືກນຳໃຊ້ ຍ້ອນຄວາມມັກງ່າຍຂອງພວກເຮົາບວກໃສ່ ຄວາມບໍ່ສັດຊື່ ຂອງພໍ່ຄ້າແມ່ຄ້າບາງຈຳນວນຈຶ່ງເຮັດໃຫ້ ປະກົດການນຳໃຊ້ ຊິງບໍ່ໄດ້ມາດຖານຈຶ່ງມີຢູ່ທົ່ວໄປ.

ເພາະສະນັ້ນ, ເພື່ອເຮັດໃຫ້ແນ່ໃຈວ່າພວກເຮົາຈະບໍ່ຖືກເອົາລັດເອົາປຽບນັ້ນການນຳໃຊ້ຊິງກາງຈຶ່ງແມ່ນຄວາມຮັບຜິດຊອບຂອງພວກເຮົາທຸກຄົນ, ຖ້າທຸກຄົນຈິງຈັງຕື່ນຕົວໃນການປະຕິບັດກໍຈະເຮັດໃຫ້ ແມ່ຄ້າພໍ່ຄ້າມີຄວາມຢ້ານກວາແລະບໍ່ຄິດທີ່ຈະເອົາລັດເອົາປຽບພວກເຮົາອີກ.

ໃນເມື່ອຄ່າຄອງຊີບຖີບສູງຂຶ້ນແລ້ວກໍຂໍໃຫ້ຕາຊິງຢ່າງເພີ່ມຂຶ້ນເທາະເພາະວ່າເງິນເດືອນໜ້ອຍກໍຢາກໃຫ້ໄດ້ ຊີ້ນເຕັມກິໂລຄັກໆແດ່.

error: Content is protected !!