ເປ໊ປ ພ້ອມຂະຫຍາຍສັນຍາຢູ່ຄຸມ ແມນຊິຕີ້

- advert banner 728 90 728x90 - ເປ໊ປ ພ້ອມຂະຫຍາຍສັນຍາຢູ່ຄຸມ ແມນຊິຕີ້

     ​ເດິ ​ເທ​ເລກຣາບ ສື່​ຂອງ​ອັງກິດ ລາຍ​ງານ​ວ່າ: ​ໂຈ​ເຊບ ກວາ​ດິ​ໂອ​ລາ ຜູ້​ຈັດການ​ທີ​ມ​ແມນ​​ເຊັສ​ເຕີ ຊິ​ຕີ້ ​ເປີດ​ໃຈ​ຕໍ່ຄົນ​ໃກ້ຊິດ​ວ່າ: ພ້ອມ​ຈະ​ຂະຫຍາຍ​ສັນຍາ​ກັບ​ທີ​ມ​ໄປ​ຮອດ​ປີ 2023. ຂະນະ​ທີ່​ຜູ້​ບໍລິຫານ​ຂອງ ​ແມນ​ຊິ​ຕີ້ ຢາ​ກ​ໃຫ້​ລາວ​ຢູ່​ກັບ​ທີ​ມດົນໆ ​ເພື່ອ​ໃຫ້​ລາວ​ເຮັດ​ໃຫ້ ​ແມນ​ເຊັສ​ເຕີ ຊິ​ຕີ້ ​ເປັນ​ທີ​ມ​ໄຮ້​ທຽບ​ທານ​.

- lattana 1 - ເປ໊ປ ພ້ອມຂະຫຍາຍສັນຍາຢູ່ຄຸມ ແມນຊິຕີ້

      ຫລັງ​ຈາກ​ເຂົ້າມາ​ຮັບ​ວຽກ​ຄຸມ​ທີ​ມ​ໃນ​ປີ 2016 ກວາ​ດິ​ໂອລາ ​ເຮັດ​ໃຫ້ ​ແມນ​ເຊັສ​ເຕີ ຊິ​ຕີ້ ຫລິ້ນ​ເກ​ມບຸກ​ໄດ້​ຢ່າງ​ດຸ​ເດືອດ ພ້ອມ​ເຮັດ​ໃຫ້​ທັງ​ແຊ້ມລີກ ​ແລະ ຄາຣາບາ​ວ ຄັບ ​ໃນ​ລະດູ​ການ​ກ່ອນ. ຂະນະ​ທີ່​ໃນ​ລະດູ​ການ​ນີ້ ທີ​ມຂອງ​ລາວ​ມີ​ລຸ້ນ​ໄດ້​ແຊ້ມຄົບ​ທັງ 4 ລາຍການ ​ໂດຍ​ກ່ອນ​ໜ້າ​ນີ້​ພວກ​ເຂົາຄວ້າ​ແຊ້ມ ຄາຣາບາ​ວ ຄັບ ​ໄປ​ຮຽບຮ້ອຍ​ແລ້ວ.

      ກ່ອນ​ໜ້າ​ນີ້ ນັກ​ຂ່າວ​ຂອງ​ອີ​ຕາ​ລີ​ເປີດ​ເຜີຍ​ວ່າ: ກວາ​ດິ​ໂອລາ ຕອບ​ຕົກລົງ​ແບບ​ປາກ​ເປົ່າ​ທີ່​ຈະ​ໄປ​ຄຸມ ຢູ​ເວນ​ຕຸ​ສ ​ແລ້ວ ຫລັງ​ຈາກ​ອະດີດ​ຜູ້​ຈັດການ​ທີ​ມ ບາ​ເຊ​ໂລ​ນາ ກັບ ບາ​ເຢິນ ມິ​ວນິກ ບໍ່​ເຄີຍ​ຢູ່​ຄຸມ​ທີ​ມ​ໃດ​ດົນ​ເກີນ​ໄປ.

      ປັດຈຸບັນ ກວາ​ດິ​ໂອລາ ມີ​ສັນຍາ​ກັບ​ທີ​ມຈົນ​ຮອດ​ເດືອນ​ມິຖຸນາ 2021 ​ແຕ່​ຫລ້າ​ສຸດ ​ເດິ ​ເທ​ເລກຣາບ ບອກ​ວ່າ​ລາວ​ພ້ອມ​ຈະ​ຂະຫຍາຍ​ສັນຍາ​ອອກ​ໄປ​ອີກ 2 ປີ ​ເຊິ່ງກົງ​ກັບ​ຄວາມ​ຕ້ອງການ​ຂອງ​ຜູ້​ບໍລິຫານ​ ​ແມນ​ເຊັສ​ເຕີ ຊິ​ຕີ້ ຄື​ກັນ ຫລັງ​ຈາກ​ພວກ​ເຂົາ​ຢາກ​ໃຫ້​ ກວາ​ດິ​ໂອລາ ຢູ່​ກັບ​ທີ​ມ​ເປັນ​ເວລາ​ເຖິງ 1 ທົດ​ສະ​ວັດ ​ເພື່ອ​ຈະ​ເຮັດ​ໃຫ້​ຍອດ​ທີ​ມ​ແຫ່ງ​ຖິ່ນ ​ເອຕິ​ຮັດ ສະ​ເຕດ້ຽມ ​ເປັນ​ທີ​ມ​ທີ່​ແຂງ​ແກ່ນ​ຊໍ່າກັບ​ບັນດາ​ຍັກ​ໃຫຍ່​ທົ່ວ​ທະວີບ​ເອີຣົບ.