ຫວຽດນາມເລັ່ງຫ້າມໃຊ້ລົດຈັກ ຫລຸດມົນລະພິດ

ຫວຽດນາມເລັ່ງຫ້າມໃຊ້ລົດຈັກ ຫລຸດມົນລະພິດ - advert banner 728 90 728x90 - ຫວຽດນາມເລັ່ງຫ້າມໃຊ້ລົດຈັກ ຫລຸດມົນລະພິດ

       ທ່ານ ວູ ວັນ​ ຫງວຽນ ຫົວໜ້າ​ກົມຂົນ​ສົ່ງ​ນະຄອນຫລວງ​ຮ່າ​ໂນ້ຍ ​ເປີດ​ເຜີຍ​ວ່າ: ທາງ​ກົມ​ກຳລັງ​ພິຈາລະນາ 2 ທາງ​ເລືອກ​ຫລຸດ​ຈຳນວນ​ລົດ​ສ່ວນ​ຕົວ ທາງ​ເລືອກ​ທຳ​ອິດ​ໃຊ້​ວິທີ​ຈຳກັດ​ຈຳນວນ​ລົດຈັກ​ໃນ​ເຂດ​ເມືອງ​ແລ້ວ​ຄ່ອຍໆ​ຫ້າມ​ແລ່ນ​ພາຍ​ໃນ​ປີ 2030. ປັດຈຸບັນ ກົມ​ຂົນ​ສົ່ງ​ນະຄອນຫລວງ​ຮ່າ​ໂນ້ຍ ​ໄດ້​ຮ່ວມ​ມື​ກັບ​ສະ​ຖາ​ບັນ​ພັດທະນາ ​ແລະ ຍຸດ​ທະ​ສາດ ​ແລະ ພັດທະນາ​ການ​ຂົນ​ສົ່ງ ກະຊວງ​ຄົມມະນາຄົມ ​ເຊິ່ງຕໍ່​ໄປ​ຈະ​ຢຸດ​ການ​ອອກ​ໃບ​ອະນຸຍາດ​ໃຫ້​ລົດຈັກ​ໃໝ່. ສ່ວນ​ອີກ​ທາງ​ເລືອກ​ໜຶ່ງ ຄື​ການ​ເກັບ​ຄ່າ​ທຳນຽມ​ຍານພາຫະນະ​ທີ່​ແລ່ນ​ເຂົ້າຕົວ​ເມືອງ​ຊັ້ນ​ໃນ. ທັງ​ສອງ​ແຜນ​ຈະ​ຖືກ​ສົ່ງ​ຕໍ່​ໃຫ້​ຄະນະ​ກຳມະ​ການ​ປະຊາຊົນ ​ແລະ ສະພາ​ນິຕິບັນຍັດ​ນະຄອນຫລວງ​ຮ່າ​ໂນ້ຍ, ກ່ອນ​ນຳ​ສະ​ເໜີ​ຕໍ່​ລັດຖະບານ ​ແລະ ສະມັດຊາ​ແຫ່ງ​ຊາດ​ພິຈາລະນາ​ຕໍ່​ໄປ.

ຫວຽດນາມເລັ່ງຫ້າມໃຊ້ລົດຈັກ ຫລຸດມົນລະພິດ - lattana 1 - ຫວຽດນາມເລັ່ງຫ້າມໃຊ້ລົດຈັກ ຫລຸດມົນລະພິດ

       ທ່ານ ຫງວຽນ ຕົງ ດອງ ອຳນວຍ​ການ​ດ້ານ​ສິ່ງ​ແວດ​ລ້ອມ​ຂອງ​ຮ່າ​ໂນ້ຍ ​ເຫັນ​ພ້ອມ​ຕໍ່​ແຜນ​ຄວບ​ຄຸມ ​ແລະ ຫ້າມ​ລົດຈັກ​ແລ່ນ ​ເນື່ອງ​ຈາກ​ຍັງ​ບໍ່​ມີ​ມາດຕະຖານ​ກຳນົດ​ການ​ປ່ອຍ​ມົນ​ລະ​ພິດ​ສຳລັບ​ລົດຈັກ​ຄື​ກັບ​ລົດ​ໃຫຍ່. ຜົນ​ການກວດ​ສອບ​ຄຸນ​ນະພາ​ບອາກາດ​ໄລຍະ 3 ປີຜ່ານມາ ພົບ​ວ່າ: ຄຸນ​ນະພາ​ບຕໍ່າ​ໃນ​ໄລຍະ​ການ​ຈະລາຈອນ​ໜາ​ແໜ້ນ.

      ​ເຊັ່ນ​ດຽວ​ກັບ​ທ່ານ ​ໄຮ ປະທານ​ພັກ​ກອມ​ມູນິດ​ສາຂາ​ຮ່າ​ໂນ້ຍ ທີ່​ເຫັນ​ພ້ອມ​ຕໍ່​ທັງ​ສອງ​ແຜນ ລະບຸ​ວ່າ: ຈຳນວນ​ລົດ​ໃນ​ນະຄອນຫລວງ​ຮ່າ​ໂນ້ຍ​ເພີ່ມ​ຂຶ້ນຕະຫລອດ, ລົດ​ໃຫຍ່ ​ແລະ ລົດຈັກ​ທີ່​ຈົດ​ທະບຽນ​ມີ 6 ລ້ານ​ຄັນ, ອີກ 2 ລ້ານ​ມາ​ຈາກ​​ແຂວງ​ອື່ນ ລວມທັງ​ລົດ​ຕຳຫລວດ ​ແລະ ທະຫານ​ອີກ 1 ລ້ານ​ຄັນ.

ຫວຽດນາມເລັ່ງຫ້າມໃຊ້ລົດຈັກ ຫລຸດມົນລະພິດ - 1 1 - ຫວຽດນາມເລັ່ງຫ້າມໃຊ້ລົດຈັກ ຫລຸດມົນລະພິດ