ຜູ້ອຳນວຍການ​ໃຫຍ່​ການບິນ​ລາວ​ຊີ້ແຈງ​ຕໍ່​ຖ້ຽວບິນ QV 865 ລົງຈອດສຸກເສີນ

ຜູ້ອຳນວຍການ​ໃຫຍ່​ການບິນ​ລາວ​ຊີ້ແຈງ​ຕໍ່​ຖ້ຽວບິນ qv 865 ລົງຈອດສຸກເສີນ - advert banner 728 90 728x90 - ຜູ້ອຳນວຍການ​ໃຫຍ່​ການບິນ​ລາວ​ຊີ້ແຈງ​ຕໍ່​ຖ້ຽວບິນ QV 865 ລົງຈອດສຸກເສີນ

  ຕາມແຫລ່ງຂ່າວ ຂປລ ໃຫ້ຮູ້ວ່າ: ​ໃນ​ວັນ​ທີ 11 ມີນານີ້, ທ່ານ ບຸນ​ມາ ຈັນທະ​ວົງສາ ຜູ້ອຳນວຍ​ການ​ໃຫຍ່​ລັດ​ວິ​ສາ​ຫະກິດ​ການບິນ​ລາວ ​ໄດ້​ຊີ້​ແຈງ​ຕໍ່​ເຫດຖ້ຽວ​ບິນ QV865 ເຮືອບິນຮຸ້ນ Airbus 320-214 ລະຫັດຖະບຽນ RDPL-34188 ​ໄດ້​ລົງ​ຈອດ​ສຸກ​​ເສີນ​ ​ໃນ​ຕອນ​ຄໍ່າ​ຂອງວັນ​ທີ 10 ມີນານີ້ ວ່າ: ຖ້ຽວບິນ QV865 ​ມີ​ຜູ້​ໂດຍສານທັງ​ໝົດ 129 ຄົນ ໄດ້ບິນຈາກສະ

ຜູ້ອຳນວຍການ​ໃຫຍ່​ການບິນ​ລາວ​ຊີ້ແຈງ​ຕໍ່​ຖ້ຽວບິນ qv 865 ລົງຈອດສຸກເສີນ - lattana 1 - ຜູ້ອຳນວຍການ​ໃຫຍ່​ການບິນ​ລາວ​ຊີ້ແຈງ​ຕໍ່​ຖ້ຽວບິນ QV 865 ລົງຈອດສຸກເສີນ

ໜາມບິນວັດໄຕ ນະຄອນຫລວງວຽງຈັນ ສູ່ ນະຄອນຊຽງໄຮ້, ສປ ຈີນ ​​ເມື່ອ​ບິນ​ຂຶ້ນ​ໄປປະມານ 15 ນາທີ, ນັກບິນສັງເກດເຫັນລະບົບ​ໄຟ​ແຈ້ງເຕືອນ ຂອງ​ຕີນ​ໜ້າ​ເຮືອບິນອາດ​ມີ​ບັນຫາບັນຊາ​ລ໋ອກບໍ່​ໄດ້, ​ເພື່ອ​ຄວາມ​ປອດ​ໄພ​ ນັກ​ບິນຈຶ່ງ​ຕັດສິນ​ໃຈ​ນຳ​ເຮືອບິນກັບ​ຄືນ​ລົງ​ມາ​ເພື່ອ​ກວດ​ສອບ, ​ແຕ່​ເນື່ອງ​ຈາກນໍ້າໜັກ​ຂອງ​ເຮືອບິນເກີນ​ກວ່າ​ມາດຕະຖານ​ທີ່​ຈະ​ພາ​ເຮືອ​ບິນ​ລົງ​ຈອດ​ໄດ້ ນັກ​ບິນ​ຈຶ່ງ​ຈຳ​ເປັນ​ຕ້ອງ​ໄດ້​ບິນ​ເວີ່ນຢູ່​ເຂດ​ອ່າງນໍ້າ​ງື່ມປະມານຊົ່ວ​ໂມງ​ເຄິ່ງ ​ເພື່ອ​ຈູດ​ນ້ຳມັນ​ໃຫ້​ນໍ້າໜັກ​ຫລຸດ​ລົງ ​ແລ້ວ​ຈຶ່ງ​ລົງ​ຈອດ​ດ້ວຍ​ຄວາມ​ປອດ​ໄພ.

   ທ່ານ ບຸນ​ມາ ຈັນທະ​ວົງສາ ​ໃຫ້​ຮູ້​ວ່າ: ຕໍ່​ເຫດການ​ດັ່ງກ່າວ, ນັກ​ບິນ​ບໍ່​ໄດ້​ຂໍ​ສັນຍານ​ລົງຈອດ​ສຸກ​ເສີນ ​ເນື່ອງ​ຈາກ​ເຮືອບິນ​ຍັງ​ສາມາດ​ບິນ​ໄດ້​ຕາມ​ປົກກະ​ຕິ​, ​ແຕ່​ພະນັກງານ​ພາຍ​ໃນ​ສະໜາມ​ບິນ​ມີ​ຄວາມສະ​ດຸ້ງ​ໄວ​ ຈຶ່ງ​​ໄດ້ແຈ້ງລົດ​ດັບ​ເພີງ ​ແລະ ທີ​ມງາມ​ກູ້​ໄພ ​ເພື່ອ​ກຽມ​ຄວາມ​ພ້ອມ​ໄວ້​ໃນ​ເວລາ​ສຸກ​ເສີນ ຈຶ່ງ​ເຮັດ​ໃຫ້​ສັງຄົມເກີດ​ມີ​ຄວາມ​ເຂົ້າ​ໃຈ​ຜິດ​ເກີນ​ເຫດ ຜ່ານ​ສື່​ສັງຄົມ​ອອນ​ລາຍ.

ສຳລັບ​ຜູ້​ໂດຍສານ​ຂອງ​ຖ້ຽວ​ບິນ QV865 ​ແມ່ນ​ໄດ້​ປ່ຽນ​ຖ່າຍ​ຜູ້​​ໂດຍສານ​ໄປ​ໃສ່​ຖ້ຽວ​ບິນອື່ນ ​ແລະ ປັດຈຸບັນ​ເຮື​ອບິນ ຮຸ້ນ Airbus 320-214 ລະຫັດຖະບຽນ RDPL-34188 ​ໄດ້​ຜ່ານ​ການ​ກວດສອບ​ລະບົບ​ຢ່າງ​ລະອຽດ​ແລ້ວ ​ແລະ ສາມາດ​ນຳ​ໃຊ້​ບິນ​ໄດ້​ຢ່າງ​ເປັນ​ປົກກະຕິ.

ຜູ້ອຳນວຍການ​ໃຫຍ່​ການບິນ​ລາວ​ຊີ້ແຈງ​ຕໍ່​ຖ້ຽວບິນ qv 865 ລົງຈອດສຸກເສີນ - 1 1 - ຜູ້ອຳນວຍການ​ໃຫຍ່​ການບິນ​ລາວ​ຊີ້ແຈງ​ຕໍ່​ຖ້ຽວບິນ QV 865 ລົງຈອດສຸກເສີນ