ທອບໄທແບຣນຊຸກຍູ້ມູນຄ່າການຄ້າສອງຝ່າຍ ລາວ-ໄທ ຫລາຍຂຶ້ນ

   ງານວາງສະແດງສຸດຍອດສີນຄ້າໄທ ແລະ ເຄືອຂ່າຍສີນຄ້າລາວ-ໄທ (Top Thai Brands 2019) ທີ່ໄດ້ຈັດຂຶ້ນໃນວັນທີ 6-10 ມີນາຜ່ານມານີ້ທີ່ສູນການຄ້າລາວ-ໄອເຕັກ ນະຄອນຫລວງວຽງຈັນ, ນັບວ່າເປັນງານວາງສະ

ແດງສີນຄ້າທີ່ໄດ້ຮັບຄວາມສົນໃຈຈາກມວນຊົນຫລາຍສົມຄວນ, ເນື່ອງຈາກມີສີນຄ້າອຸປະໂພກ-ບໍລິໂພກ ທີ່ມີຄຸນນະພາບສົ່ງອອກທົ່ວໂລກກວ່າ 200 ບໍລິສັດເຂົ້າຮ່ວມ ແລະ ເປັນໂອກາດຫາຄູ່ຮ່ວມທຸລະກິດ ຫລື ຕົວແທນຈໍາໜ່າຍໃນ ສ ປປ ລາວຫລາຍຂຶ້ນ.

   ໃນໂອກາດເຂົ້າຮ່ວມເປີດງານຂອງທ່ານຮອງລັດຖະມົນຕີກະຊວງອຸດສາຫະກໍາ ແລະ ການຄ້າ ພານທອງ ພິດທຸມມາ ໄດ້ຍົກໃຫ້ເຫັນວ່າ: ລາວ ແລະ ໄທ ໄດ້ມີຄວາມສະໜິດສະໜົມຮັກແພງກັນມາແຕ່ດົນນານ, ປະຊາຊົນໄດ້ໄປມາຫາສູ່ຢ້ຽມຢາມເຊິ່ງກັນ ແລະ ກັນຢ່າງເປັນປົກກະຕິ, ຊຶ່ງກາຍເປັນພື້ນຖານສໍາຄັນໃນການພົວພັນດ້ານການຄ້າ ແລະ ການລົງທຶນທີ່ນັບມື້ເພີ່ມຂຶ້ນ, ເຊິ່ງໃນປີ 2017 ຜ່ານມາ ມູນຄ່າການຄ້າ-ການລົງທຶນສອງຝ່າຍລາວ-ໄທ ບັນລຸກວ່າ 6,1 ຕື້ໂດ

ລາສະຫະລັດ ແລະ ຈະໃຫ້ບັນລຸເຖິງ 12-14 ຕື້ໂດລາສະຫະລັດຮອດປີ 2021 ແລະ ການຈັດງານວາງສະແດງສີນຄ້າຮ່ວມກັນນີ້ ຈະເປັນຊ່ອງທາງສໍາຄັນຊ່ວຍ

ໃຫ້ພວກເຮົາສາມາດບັນລຸເປົ້າໝາຍດັ່ງກ່າວ.

  ທ່ານຮັກສາການອັກຄະລາຊະທູດໄທ ປະຈໍາລາວ ຊັດຊະວັນ ສາຄອນສີນ ມີຄໍາເຫັນວ່າ: ທອບໄທແບຣນ ເປັນງານວາງສະແດງທີ່ໃຫຍ່ເພື່ອເສີມສ້າງສາຍ

ສໍາພັນທາງດ້ານເສດຖະກິດ, ການຄ້າ ແລະ ການລົງທຶນລະຫວ່າງລາວ-ໄທ ບົນພື້ນຖານຄວາມເທົ່າທຽມ, ຄວາມຈິງໃຈ ແລະ ຕ່າງຝ່າຍມີຜົນປະໂຫຍດ, ເຊິ່ງຈະຊ່ວຍປະກອບສ່ວນຊຸກຍູ້ໃຫ້ມູນຄ່າການຄ້າສອງຝ່າຍເພີ່ມຂຶ້ນ, ທັງເປັນ

ໂອກາດໃຫ້ຜູ້ປະກອບການສອງປະເທດໄດ້ພົບປະແລກປ່ຽນປະສົບການຕ່າງໆ

ໃນການເນີນທຸລະກິດ, ການຜະລິດ, ການຮ່ວມມືທາງການຄ້າ ແລະ ການລົງ

ທຶນຕ່າງໆອີກດ້ວຍ.