ຈີນ ເຊີນ ອົດສະຕຣາລີ ແລະ ນິວຊີແລນ ຮ່ວມແຂ່ງຂັນເອຊຽນເກມ 2022
March 12, 2019 - 5:33 PM
ຄະນະກຳມະການຈັດການແຂ່ງຂັນກິລາ ຄັ້ງທີ 19 ໃນປີ 2022 ທີ່ຫາງໂຈວ ປະເທດຈີນ ໄດ້ເຊີນປະເທດອົດສະຕຣາລີ ແລະ ນິວຊີແລນ 2 ປະເທດຊັ້ນນຳໃນຂົງເຂດໂອເຊອານີ ມາຮ່ວມການແຂ່ງຂັນໃນງານຄັ້ງນີ້ ເພື່ອສ້າງຄວາມສາມັກຄີ, ມິດຕະພາບ ແລະ ສີສັນຄວາມຄຶກຄື້ນອັນໃໝ່ໃຫ້ແກ່ການແຂ່ງຂັນ ເຊິ່ງທັງສອງປະເທດໄດ້ຕົກລົງຈະເຂົ້າຮ່ວມງານໃນຫລາຍປະເພດກິລາ ລວມທັງກິລາບານເຕະ ແລະ ບານບ້ວງ.
ສຳລັບມະຫາກຳກິລາອາຊີ ຫລື ເອຊຽນເກມ ຄັ້ງທີ 19 ຈະຈັດຂຶ້ນໃນປີ 2022 ທີ່ຫາງໂຈວ ປະເທດຈີນ ຈະມີຂຶ້ນໃນວັນທີ 10-25 ກັນຍາ 2022. ຄາດວ່າຈະມີນັກກິລາ ແລະ ການຊີງຫລຽນຫລາຍກວ່າທຸກຄັ້ງຜ່ານມາ. ນີ້ເປັນຄັ້ງທີ 3 ທີ່ ສປ ຈີນ ໄດ້ຮັບກຽດເປັນເຈົ້າພາບຕໍ່ຈາກປີ 1990 ແລະ ປີ 2010.
