ອາເມລິກາຈະຮຽກທູດທີ່ເຫລືອ ຢູ່ເວເນຊູເອລາກັບພາຍໃນອາທິດນີ້

ອາເມລິກາຈະຮຽກທູດທີ່ເຫລືອ ຢູ່ເວເນຊູເອລາກັບພາຍໃນອາທິດນີ້ - advert banner 728 90 728x90 - ອາເມລິກາຈະຮຽກທູດທີ່ເຫລືອ ຢູ່ເວເນຊູເອລາກັບພາຍໃນອາທິດນີ້

      ກະຊວງ​ຕ່າງປະ​ເທດ​ອາ​ເມ​ລິ​ກາ ​ຖະ​ແຫລ​ງວ່າ: ຈະ​ຮຽກ​ເຈົ້າໜ້າ​ທີ່​ທູດ​ທີ່​ເຫລືອ​ຢູ່​ເວ​ເນ​ຊູ​ເອລາ​ກັບປະ​ເທດ​ໃຫ້​ໝົດ​ພາຍ​ໃນ​ອາທິດ​ນີ້ ​ເນື່ອງ​ຈາກ​ສະຖານະ​ການ​ຢູ່​ເວ​ເນ​ຊູ​ເອລາ​ຮຸນ​ແຮງ ຫລັງ​ເກີດ​ເຫດ​ບໍ່​ສະຫງົບ​ທາງ​ການ​ເມືອງ​ມາ​ຫລາຍ​ເດືອນ.

ອາເມລິກາຈະຮຽກທູດທີ່ເຫລືອ ຢູ່ເວເນຊູເອລາກັບພາຍໃນອາທິດນີ້ - lattana 1 - ອາເມລິກາຈະຮຽກທູດທີ່ເຫລືອ ຢູ່ເວເນຊູເອລາກັບພາຍໃນອາທິດນີ້

      ກະຊວງ​ຕ່າງປະ​ເທດ​ອາ​ເມ​ລິ​ກາ​ ຖະ​ແຫລ​ງວ່າ: ການ​ຕັດສິນ​ໃຈ​ນີ້​ສະທ້ອນ​ເຖິງ​ສະຖານະ​ການ​ຢູ່​ເວ​ເນ​ຊູ​ເອລາ​ທີ່​ຮຸນ​ແຮງ ​ແລະ ​ເປັນ​ໄປ​ຕາມຂໍ້​ສະຫລຸບ​ທີ່​ວ່າ​ການ​ມີ​ເຈົ້າໜ້າ​ທີ່​ທູດ​ຢູ່​ສະຖານທູດ​ອາ​ເມ​ລິ​ກາ​ໃນ​ນະຄອນຫລວງ​ກາຣາກັດ​ໄດ້​ກາຍ​ເປັນ​ຂໍ້​ຈຳກັດ​ໃນ​ການ​ດຳ​ເນີນ​ນະ​ໂຍບ​າຍອາ​ເມ​ລິ​ກາ, ​ແຕ່​ບໍ່​ໄດ້​ເປີດ​ເຜີຍ​ລາຍ​ລະອຽດ ຫລື ວັນ​ກຳນົດ​ກັບປະ​ເທດ, ຫລັງ​ຈາກ​ອອກ​ຖະ​ແຫລ​ງການ​ໃນ​ວັນ​ທີ 24 ມັງກອນ ຮຽກພະນັກງານ​ລັດ​ທີ່​ບໍ່​ໄດ້​ປະຕິບັດ​ໜ້າ​ທີ່​ຮີບ​ດ່ວນ​ເດີນທາງ​ອອກ​ຈາກ​ເວ​ເນ​ຊູ​ເອລາ ​ແລະ ຍົກ​ລະດັບ​ເຕືອນ​ໄພ​ການ​ເດີນທາງ​ເປັນ​ລະດັບ 4 ​ໃນ​ວັນ​ທີ 29 ມັງກອນ, ຂໍ​ໃຫ້​ພົນລະ​ເມືອງ​ອາ​ເມ​ລິ​ກາ​ຫລີກ​ເວັ້ນການ​ເດີນທາງ​ໄປ​ເວ​ເນ​ຊູ​ເອລາ ​ເພາະ​ມີ​ອາ​ຊະ​ຍາ​ກຳ, ມີ​ເຫດ​ບໍ່​ສະຫງົບ​ທາງ​ພົນລະ​ເຮືອນ, ​ໂຄງ​ລ່າງ​ພື້ນຖານ​ດ້ານ​ສາທາລະນະ​ສຸກ​ບໍ່ຄ່ອຍ​ດີ, ມີ​ການ​ຕັ້ງ​ໃຈ​ຈັບ​ກຸມ ​ແລະ ກັກ​ຂັງ​ຊາວ​ອາ​ເມ​ລິ​ກາ.

       ລັດຖະສະພາ​ເວ​ເນ​ຊູ​ເອລາ​ປະກາດ​ສະຖານະ​ການ​ເຕືອນ​ໄພ​ໃນ​ວັນ​ທີ 11 ມີນາ​ຕາມ​ເວລາ​ທ້ອງ​ຖິ່ນ ຫລັງ​ຈາກ​ໄຟຟ້າ​ມອດ​ຕິດ​ຕໍ່​ກັນ 5 ວັນ, ປະຊາຊົນ​ປະສົບ​ບັນຫາ​ໃນ​ກາ​ນຫາ​ອາຫານ ​ແລະ ນ້ຳດື່ມ. ນອກຈາກ​ນີ້ ຍັງ​ສັ່ງ​ຍົກ​ເລີກ​ການ​ເຮັດ​ກິດຈະກຳ​ທຸກ​ຢ່າງ​ຂອງ​ໂຮງຮຽນ ​ແລະ ຂະ​ແໜງ​ທຸລະ​ກິດ​ໃນ​ວັນ​ທີ 12 ມີນາ ​ເປັນ​ການ​ຍົກ​ເລີກ​ຄັ້ງທີ 3 ​ແລ້ວ​ຫລັງ​ຈາກ​ໄຟຟ້າ​ມອດ​ທົ່ວ​ປະ​ເທດ​ນັບ​ແຕ່​ອາທິດ​ກ່ອນ.

ອາເມລິກາຈະຮຽກທູດທີ່ເຫລືອ ຢູ່ເວເນຊູເອລາກັບພາຍໃນອາທິດນີ້ - 1 1 - ອາເມລິກາຈະຮຽກທູດທີ່ເຫລືອ ຢູ່ເວເນຊູເອລາກັບພາຍໃນອາທິດນີ້