ປາບຜູ້ໜຶ່ງ ແຕ່ປ້ອງກັນໄດ້ຫລາຍຄົນ
ໂດຍ: ຣັດສະໝີ ດວງສັດຈະ
ສະບາຍດີ ເພື່ອນຜູ້ອ່ານ ທີ່ຮັກແພງດັ່ງທີ່ຮູ້ແລ້ວວ່າ: ປັດຈຸບັນ ທົ່ວໂລກພວມປະ ກາດສົງຄາມຕ້ານການສໍ້ ລາດ ບັງຫຼວງຢ່າງເອົາຈິງເອົາຈັງ ດ້ວຍຍຸດທະສາດ, ຍຸດໂທບາຍ ແລະ ວິທີການຕ່າງໆ ເຊິ່ງມີຫຼາຍປະເທດໄດ້ຮັບຜົນ ສຳເລັດສູງດັ່ງປະເທດສິງກະໂປ ເຊິ່ງສາມາດກາຍເປັນ ແມ່ແບບທີ່ດີໃນການນຳສັງ ຄົມສູ່ຄວາມໂປ່ງໃສ; ສໍາລັບ ສປ ຈີນ ໄດ້ວາງທັດສະນະພື້ນຖານວ່າ: ການຕ້ານການສໍ້ລາດບັງຫຼວງ, ແມ່ນໜ້າທີ່ ທາງດ້ານການເມືອງທີ່ພັກຢຶດໝັ້ນຕະຫຼອດມາ, ຖ້າບໍ່ແກ້ໄຂບັນຫານີ້ໃຫ້ດີ ກໍຈະສ້າງ ຄວາມເສຍຫາຍໃຫ້ແກ່ພັກ ແລະ ຈະເສຍພັກ, ເສຍຊາດ.
ຢືນຢູ່ຕໍ່ໜ້າສະພາບການ ໃໝ່ຍຸກແຫ່ງການເຊື່ອມ ໂຍງ; ລັດຖະບານເຮົາໄດ້ດຳ ເນີນການຕໍ່ສູ້ຕ້ານ ການສໍ້ ລາດບັງຫຼວງ ໂດຍບໍ່ໃຫ້ຊັບ ສິນຂອງລັດ, ລວມໝູ່, ສັງຄົມ ຫຼື ສິດ ແລະ ຜົນປະໂຫຍດອັນ ຊອບທຳຂອງພົນລະເມືອງ ຖືກເສຍຫາຍ, ຖືກຍັກຍອກ ຫຼື ສໍ້ໂກງເຊິ່ງໃນຜ່ານມາ ກໍໄດ້ ນຳເອົາຜູ້ກະທຳຜິດມາດຳ ເນີນຄະດີ ແລະ ປົກປ້ອງຜູ້ບໍລິສຸດແນໃສ່ເຮັດໃຫ້ອົງການ ລັດມີຄວາມໂປ່ງໃສ, ເຂັ້ມ ແຂງສາມາດກວດກາໄດ້ທຸກ ເວລາ ປະກອບສ່ວນຮັກສາສະຖຽນລະພາບທາງດ້ານ ການເມືອງ-ເສດຖະກິດ ມີການຂະຫຍາຍຕົວ ແລະ ໝັ້ນຄົງ, ສັງຄົມມີຄວາມສະ ຫງົບ, ເປັນລະບຽບຮຽບຮ້ອຍ ແລະຍຸຕິທຳ ໂດຍສະເພາະໄດ້ດຳເນີນການເອົາຜິດຕາມ 14 ຂໍ້ຫ້າມທີ່ຢູ່ໃນມາດຕາ 27 (ສະບັບປັບປຸງ) ຂອງກົດໝາຍສະບັບນີ້ຢ່າງເຂັ້ມງວດ ແລະ ສັກສິດ.
ເຖິງຢ່າງ ໃດກໍຕາມ; ໃນ ປີຜ່ານມາ, ພັກ, ສະພາແຫ່ງຊາດ ແລະ ລັດຖະບານເຮົາໄດ້ ມີຄວາມຈິງໃຈປາບປາມ ການສໍ້ລາດບັງຫຼວງຢ່າງມີ ຜົນຄືບໜ້າ ເຊິ່ງໃນວັນຕ້ານການສໍ້ລາດບັງຫຼວງສາກົນ ຄົບຮອບ 15 ປີ (9/12/ 2003-9/12/2018); ສະຫາຍສີໃນ ມຽງລາວັນຮອງປະທານອົງການກວດກາລັດຖະບານ ແລະ ຕ້ານການສໍ້ລາດບັງຫຼວງໄດ້ຢືນຢັນວ່າ: …ໄດ້ພົບເຫັນການໃຫ້ ແລະ ຮັບສິນບົນ; ການສວຍໃຊ້ຖານະຕຳແໜ່ງ, ສິດອຳນາດ, ໜ້າທີ່ເກີນຂອບເຂດ; ການລັກໂລບປອມແປງມາດຕະຖານເຕັກນິກກໍ່ສ້າງ, ການ ອອກແບບຄິດໄລ່; ໂກງການປະມູນ ຫຼື ການສຳປະທານ; ການປອມແປງເອກະສານ, ການນຳໃຊ້ເອກະສານປອມ, ການປະຕິບັດແຜນການນອກແຜນ, ໂຄງການບໍ່ໄດ້ຕີລາຄາ, ໂຄງການຕີລາຄາປະເພດ F, ໂຄງການຈ່າຍເງິນເກີນແຜນ, ໂຄງການບໍ່ມີຕົວຕົນ, ໂຄງການຊຳລະເງິນເກີນບໍລິມາດໜ້າວຽກທີ່ເຮັດໄດ້ຕົວຈິງ, ຊຳລະເງິນຄ່າໂຄງການຊ້ຳຊ້ອນ, ຄິດໄລ່ມູນຄ່າໂຄງການ ສູງກ່ວາຄວາມເປັນຈິງ, ການ ຂາຍໄມ້ຫຼຸດລາຄາກາງ- ການຂາຍໄມ້ບໍ່ໄດ້ປະມູນ, ການເກັບລາຍຮັບມີການຮົ່ວ ໄຫຼ ແລະ ອຶ່ນໆ. ແຕ່ປີ 2017- 2018 ກວດພົບເຫັນຜົນເສຍ ຫາຍຈຳນວນຫຼວງຫຼາຍ; ຕໍ່ເປົ້າໝາຍທີ່ກະທຳຜິດ ແລະ ສ້າງຄວາມເສຍຫາຍຄືດັ່ງ ກ່າວ ຜູ້ກະທຳຜິດເບົາກໍ່ໄດ້ ສຶກສາອົບຮົມ, ກ່າວເຕືອນ, ປະຕິບັດວິໄນດ້ານບໍລິຫານ; ຕໍ່ຜູ້ກະທຳຜິດໜັກໄດ້ດຳ ເນີນຄະດີ 160 ຄົນ ໃນນີ້ ໄດ້ ສົ່ງສຳນວນຄະດີໃຫ້ໄອຍະການ 62 ຄົນ ແລະ ສານຕັດ ສິນແລ້ວ 55 ຄົນ.
ສະຫາຍ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ກ່າວຕໍ່ກອງປະຊຸມເປີດກວ້າງຄົບຄະນະພັກກະຊວງການ ເງິນ (ວັນທີ 13 ກຸມພາ 2019) ໂດຍຊີ້ໃຫ້ເຫັນປະກົດການຫຍໍ້ທໍ້ຂອງພະນັກ ງານທີ່ປະພຶດຕົວບໍ່ດີລະເມີດກົດໝາຍ, ລະບຽບການ ແລະ ຂໍ້ຫ້າມຂອງຂະແໜງ ການເງິນ ໂດຍໄດ້ລົງວິໄນ ເບື້ອງລັດທັງໝົດ 35 ຄົນ. ໃນນີ້, ໄດ້ລຶບຊື່ອອກຈາກ ການເປັນລັດຖະກອນ 10 ຄົນ, ໂຈະການເລື່ອນຊັ້ນ- ຂັ້ນ ເງິນເດືອນ 13 ຄົນ, ຫຼຸດຕຳ ແໜ່ງບໍລິຫານ 3 ຄົນ, ໂຈະ ວຽກຊົ່ວຄາວ 5 ຄົນ, ກ່າວ ເຕືອນຄວາມຜິດ 4 ຄົນ ແລະ ອີກຈຳນວນໜຶ່ງຍັງຈະສືບ ຕໍ່ດຳເນີນການຕາມຂັ້ນ ຕອນຂອງກົດໝາຍ.
ຄັ້ງຫຼ້າສຸດ; ຄະນະຈັດຕັ້ງ ສູນກາງພັກໄດ້ອອກແຈ້ງ ການ ເລກທີ 48/ຄຈສພ; ລົງວັນທີ 22/2/2019 ກ່ຽວ ກັບການລົງວິໄນຕໍ່ພະນັກ ງານຂັ້ນສູນກາງຄຸ້ມຄອງ ຢູ່ອົງຄະນະພັກແຂວງວຽງ ຈັນ ມີ 7 ສະຫາຍທີ່ມີຕຳແໜ່ງ ສາຍພັກ ຂັ້ນຮອງເລຂາຄະ ນະພັກແຂວງ ຫາກຳມະການ ພັກແຂວງ; ສາຍລັດ: ຮອງ ເຈົ້າແຂວງ 3 ຄົນ (ອະດີດ 1 ຄົນ) ລົງຮອດຫົວໜ້າພະແນກ ແລະ ເຈົ້າເມືອງ; ຍ້ອນຄວາມ ລະເຫຼີງໃນການປະຕິບັດວຽກງານ ໂດຍການຈ່າຍເງິນ ໃນການສຳຫຼວດແຫຼ່ງ ທ່ອງທ່ຽວເກີນວົງເງິນ 4 ຕື້ກວ່າກີບ, ປັດຈຸບັນສາມາດ ເກັບກູ້ເງິນໄດ້ຄືນຈຳນວນໜຶ່ງແລ້ວ.
ຕໍ່ບັນຫາດັ່ງກ່າວ ໄດ້ເລັ່ງ ທວງໃຫ້ອົງການຂອງພັກ ແລະ ລັດຖະບານ, ພະນັກ ງານ-ລັດຖະກອນທັງພາກ ລັດ-ເອກະຊົນລວມ ເຖິງປະ ຊາຊົນຊັ້ນຄົນຕ່າງໆໃນທົ່ວ ປະເທດ ຈົ່ງເປັນເຈົ້າການ ຕ້ານ ແລະ ສະກັດກັ້ນການ ຟຸມເຟືອຍທຸກຮູບແບບ, ການ ໄດ້ມາໜ້າທີ່ຕໍາແໜ່ງທີ່ສັງ ຄົມບໍ່ຍອມຮັບ, ການສວຍໃຊ້ ອໍານາດບາດໃຫຍ່-ອາຍາສິດຂຸນເສິກ, ການລ່ວງລະເມີດ ກົດລະບຽບພັກ, ກົດໝາຍ ບ້ານເມືອງ ແລະ ເພີ່ມທະວີ ການ ຈັດຕັ້ງປະຕິບັດກົດໝາຍ ວ່າດ້ວຍການຕ້ານການສໍ້ ລາດບັງຫຼວງໃຫ້ເຂັ້ມງວດ, ຊອກໃຫ້ເຫັນ, ເກັບໃຫ້ໄດ້ຂໍ້ ມູນ ທີ່ມີຄວາມກ່ຽວພັນກັບ ການສໍ້ລາດບັງຫຼວງແລ້ວ ລາຍງານໃຫ້ອົງການກວດ ກາລັດຖະບານ, ອົງການປົກ ປ້ອງກົດໝາຍ ແລະ ພາກ ສ່ວນທີ່ກ່ຽວຂ້ອງ ເພື່ອສະກັດກັ້ນໃຫ້ທັນການ ເພາະການ ສໍ້ລາດບັງຫຼວງຄື: ພະຍາດ ມະເຮັງມັນແມ່ນເສັ້ນທາງ ສູ່ ຄວາມຫາຍຍະນະ./.
