ເກີດເຫດລະເບີດຢູ່ແມນເຊສເຕີຂອງອັງກິດ ມີຜູ້ເສຍຊີວິດ 19 ຄົນ, ບາດເຈັບ 50 ຄົນ

- advert banner 728 90 728x90 - ເກີດເຫດລະເບີດຢູ່ແມນເຊສເຕີຂອງອັງກິດ ມີຜູ້ເສຍຊີວິດ 19 ຄົນ, ບາດເຈັບ 50 ຄົນ

- 96167472  96167220 hi039644475 - ເກີດເຫດລະເບີດຢູ່ແມນເຊສເຕີຂອງອັງກິດ ມີຜູ້ເສຍຊີວິດ 19 ຄົນ, ບາດເຈັບ 50 ຄົນ

 

​ເກີດ​ເຫດ​ລະ​ເບີດ​ຢູ່​ຫໍສະ​ແດງ​ຄອນ​ເສີດ​ໃນ​ເມືອງ​ແມນ​ເຊ​ສ​ເຕີ​ຂອງ​ອັງກິດ ​ເຮັດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 19 ຄົນ ​ແລະ ​ໄດ້​ຮັບ​ບາດ​ເຈັບ​ອີກ​ຢ່າງໜ້ອຍ 50 ຄົນ ໂດຍເຈົ້າໜ້າທີ່ໄດ້ນຳສົ່ງຜູ້ບາດເຈັບໄປໂຮງໝໍ 6 ແຫ່ງຢູ່ເມືອງ ແມນເຊສເຕີແລ້ວ.

 

​ເຫດ​ລະ​ເບີດ​ຄັ້ງນີ້​ເກີດ​ຂຶ້ນກ່ອນ​ເວລາ​ປະມານ 23:00 ​ໂມງ ຕາມ​ເວລາ​ທ້ອງ​ຖິ່ນ​ຢູ່​ອັງກິດ ຫລື 4:45 ໂມງ ຕາມ ເວລາຢູ່ລາວ ຂອງວັນທີ 23 ພຶດສະພານີ້ ​ແລະ ຫລ້າ​ສຸດ​ມີ​ລາຍ​ງານ​ວ່າ​ພົບ​ວັດຖຸ​ຕ້ອງ​ສົງ​ໄສ ​ເຊິ່ງອາດ​ຈະ​ເປັນ​ລະ​ເບີດ​ລູກ​ທີ 2 ​ເຈົ້າໜ້າ​ທີ່​ໄດ້​ເຮ​ັດ​ໃຫ້​ເກີດ​ລະ​ເບີດ​ຂຶ້ນພາຍ​ໃຕ້​ການ​ຄວບ​ຄຸມ​ຂອງ​ເຈົ້າໜ້າ​ທີ່​ໜ່ວຍ​ເກັບ​ກູ້​ວັດຖຸ​ລະ​ເບີດ ຈຶ່ງ​ພົບ​ວ່າ​ວັດຖຸ​ຕ້ອງ​ສົງ​ໄສ​ເປັນ​ພຽງ​ເສື້ອຜ້າ​ທີ່​​ເອົາ​ມາ​ຖິ້ມ​ໄວ້.

 

​ເຈົ້າໜ້າ​ທີ່​ໜ່ວຍ​ປາບ​ປາມ​ການ​ກໍ່​ການ​ຮ້າຍ​ເຂດ​ຕາ​ເວັນ​ອອກສຽງ​ເໜືອ​ຂອງ​ອັງກິດ​ ລະບຸ​ວ່າ: ມີ​ຄວາມ​ເປັນ​ໄປ​ໄດ້​ວ່າ​ຈະ​ເປັນ​ການ​ກໍ່​ການ​ຮ້າຍ.

 

+ ກໍ່ການຮ້າຍບໍລິເວນສະພາກາງ ອັງກິດ ເສຍຊີວິດ 2ບາດເຈັບສາຫັດຈຳນວນຫລາຍ

+ (ອັບເດດ) ຜູ້ກໍ່ການຮ້າຍໂຈມຕີບໍລິເວນສະພາ ອັງກິດ, 4 ຄົນເສຍຊີວິດ, 40 ກ່ວາຄົນບາດເຈັບ

 

ທ່ານ ​ແດ​ນຽວ ​ແຊນ​ຟອດ ນັກ​ຂ່າວ​ຂອງ BBC ລາຍ​ງານ​ວ່າ: ປັດຈຸບັນ​ນີ້​ເຈົ້າໜ້າ​ທີ່​ລະດັບ​ສູງ​ຂອງ​ໜ່ວຍ​ປາບ​ປາມ​ການ​ກໍ່​ການ​ຮ້າຍ​ໄດ້​ຮ່ວມ​ປະຊຸມ​ກັນ​ຢູ່​ນະຄອນຫລວງ​ລອນ​ດອນ ​ແລະ ປະສານ​ງານ​ກັບ​ກະຊວງ​ປ້ອງ​ກັນ​ປະ​ເທດ​ຢ່າງ​ເຕັມທີ່.

 

ທ່ານນາງ ເທເຣຊາ ເມ ນາຍົກລັດຖະມົນຕີອັງກິດ ຍົກເລີກກຳນົດອອກຫາສຽງສຳລັບການເລືອກຕັ້ງທົ່ວໄປຊົ່ວ ຄາວ ແລະ ຈະເປັນປະທານໃນກອງປະຊຸມສຸກເສີນຂອງລັດຖະບານເພື່ອຮັບມືກັບເຫດລະເບີດດັ່ງກ່າວໃນວັນທີ 23 ພຶດສະພານີ້. ທ່ານນາງ ເທເຣຊາ ເມ ຍັງກ່າວສະແດງຄວາມເສຍໃຈຮ່ວມກັບຄອບຄົວຂອງຜູ້ໄດ້ຮັບບາດ ເຈັບ ແລະ ເສຍຊີວິດ.

 

- 96167473  96167147 hi039644359 - ເກີດເຫດລະເບີດຢູ່ແມນເຊສເຕີຂອງອັງກິດ ມີຜູ້ເສຍຊີວິດ 19 ຄົນ, ບາດເຈັບ 50 ຄົນ

- 1 1 - ເກີດເຫດລະເບີດຢູ່ແມນເຊສເຕີຂອງອັງກິດ ມີຜູ້ເສຍຊີວິດ 19 ຄົນ, ບາດເຈັບ 50 ຄົນ
- Tiger Head 728x90 - ເກີດເຫດລະເບີດຢູ່ແມນເຊສເຕີຂອງອັງກິດ ມີຜູ້ເສຍຊີວິດ 19 ຄົນ, ບາດເຈັບ 50 ຄົນ

 

ສ່ວນ​ຕຳຫລວດ​ຂົນ​ສົ່ງ​ຂອງ​ອັງກິດ​ເປີດ​ເຜີຍ​ວ່າ: ລະ​ເບີດ​ເກີດ​ຂຶ້ນບໍລິ​ເວນ​ຫ້ອງ​​ໂຖງ​ຂອງ​ຫໍສະ​ແດງ​ດົນຕີ​ແມ​ນ​ເຊ​ສ​ເຕີ ​ໂດຍ​ປັດຈຸບັນ​ນີ້​ໄດ້​ປິດ​ບໍລິການ​ສະຖານີ​ລົດ​ໄຟ​ແມນ​ເຊ​ສ​ເຕີ​ວິກຕໍ​ເຣຽ ​ເຊິ່ງຢູ່​ໃກ້​ກັບ​ຈຸດ​ເກີດ​ເຫດ ​ແລະ ​ໄດ້​ຍົກ​ເລີກ​ການ​ແລ່ນ​ລົດ​ແລ້ວ.

 

ນັກ​ຂ່າວ​ລາຍ​ງານ​ວ່າ: ​ເຫດ​ລະ​ເບີດ​ເກີດ​ຂຶ້ນພາຍຫລັງ​ການສະ​ແດງ​ຄອນ​ເສີດ​ຈົບ ມີ​ໄວ​ລຸ້ນທີ່​ເຂົ້າ​ໄປ​ເບິ່ງ​ຄອນ​ເສີດ​ຈຳນວນ​ຫລາຍ ​ເຊິ່ງສ່ວນ​ຫລາຍ​ຢູ່​ໃນ​ອາຄານ​ຕົກ​ໃຈຢ້ານ​ກົວ.

 

- 96167474  96167222 hi039644437 - ເກີດເຫດລະເບີດຢູ່ແມນເຊສເຕີຂອງອັງກິດ ມີຜູ້ເສຍຊີວິດ 19 ຄົນ, ບາດເຈັບ 50 ຄົນ

 

ທ່ານ ອຽນ ຍັງ​ສ໌ ນັກ​ຂ່າວ​ຂອງ BBC ​ໃຫ້​ລາຍ​ລະອຽດ​ກ່ຽວ​ກັບ​ຫໍສະ​ແດງ​ດົນຕີ​ແຫ່ງ​ນີ້​ວ່າ​ມີ​ຊື່​ຢ່າງ​ເປັນ​ທາງ​ການ​ວ່າ MEN Arena ​ເປັນ​ສະຖານ​ທີ່​ຈັດ​ສະ​ແດງ​ຄອນ​ເສີດ​​ໃຫຍ່​ທີ່​ສຸດ​ໃນ​ເມືອງ ​ໂດ​ຍບັນຈຸ​ຜູ້​ຊົມ​ໄດ້​ປະມານ 18.000 ຄົນ, ຫ້ອງ​ໂຖງ​ຂອງ​ຫໍສະ​ແດງ​ດົນຕີ​ເປັນ​ຈຸດ​ເຊື່ອມ​ຕໍ່ກັບ​ສະຖານີ​ລົດ​ໄຟ​ວິກຕໍ​ເຣຍ​ແມນ​ເຊ​ສ​ເຕີ.

 

https://www.youtube.com/watch?v=adT6vaQRwtg

 

​ໂດຍ​ປົກກະຕິ​ແລ້ວ ຫໍສະ​ແດງ​ຄອນ​ເສີດ​ແຫ່ງ​ນີ້​ຈະ​ມີ​ການຈັດ​ສະ​ແດງ​ຄອນ​ເສີດ​ໃຫຍ່​ເປ​ັນປະຈຳ ​ເຊັ່ນ​ດຽວ​ກັບ​ການສະ​ແດງ​ຄອນ​ເສີດ​ຂອງ​ສິລະ​ປິນຊາວ​ອາ​ເມ​ລິ​ກາ Ariana Grande ອາຍຸ 23 ປີ ອະດີດ​ດາລາ​ເດັກ ​ເຊິ່ງຫັນ​ມາ​ເປັນ​ນັກ​ຮ້ອງ ​ແລະ ຢູ່​ລະຫວ່າງ​ສະ​ແດງ​ຄອນ​ເສີດ​ໃນ​ເອີຣົບ ​ໂດຍ​ໄປສະ​ແດງ​ຢູ່​ເມືອງ​ເບີ​ມິ​ງ​ແຮມ ດັບ​ລິນ ​ແລະ ຈະ​ໄປສະ​ແດງ​ຢູ່ O2 Arena ​ໃນ​ນະຄອນຫລວງ​ລອນ​ດອນ ​ໃນ​ວັນ​ທີ 24 ​ແລະ 25 ພຶດສະພາ​ນີ້.

error: Content is protected !!