ເຈົ້າໜ້າທີ່ເລັ່ງສືບສວນສາເຫດໄຟໄໝ້ປ່າສະຫງວນພູພະນັງ
ຫ້ອງວ່າການເມືອງສັງທອງ ໃຫ້ຮູ້ວ່າ: ໃນວັນທີ 9 ມີນານີ້, ໄດ້ເກີດເຫດໄຟໄໝ້ປ່າສະຫງວນແຫ່ງຊາດພູພະນັງ, ເມືອງສັງທອງນະຄອນຫລວງວຽງຈັນ ໄດ້ຮັບຄວາມເສຍຫາຍເປັນວົງກ້ວາງ, ຊຶ່ງມາຮອດປັດຈຸບັນທາງອຳນາດການປົກ
ຄອງເມືອງໄດ້ນຳກຳລັງປະຊາຊົນສົມທົບກັບກຳລັງທະຫານໃນເຂດພື້ນທີ່ເພື່ອເຂົ້າສະກັດກັ້ນການເກີດໄຟໄໝ້ດັ່ງກ່າວ ແລະ ເລັ່ງສືບສວນ-ສອບສວນຫາສາເຫດ, ພ້ອມເຕືອນໃຫ້ປະຊາຊົນຜູ້ຢູ່ເຂດດັ່ງກ່າວ ຈົ່ງມີສະຕິລະວັງຕົວເພື່ອຫລີກເວັ້ນຜົນກະທົບຈາກເຫດໄຟໄໝ້ປ່າຄັ້ງນີ້. ທ່ານ ດາວເພັດ ອາລຸນ ເຈົ້າເມືອງສັງທອງ ໃຫ້ຮູ້ວ່າ: ເຫດການໄຟໄໝ້ປ່າຄັ້ງນີ້ ໄດ້ຮັບຄວາມເສຍຫາຍແລ້ວປະມານ 80 ເຮັກຕາຄື: ປ່າສະຫງວນແຫ່ງຊາດພູພະນັງ, ພູຜາເດືອນ, ພູຍາໄຊ, ໃນນັ້ນເສຍຫາຍຫລາຍກວ່າຫມູ່ແມ່ນເຂດປ່າພູພະນັງ, ຊຶ່ງເບື້ອງຕົ້ນຄາດວ່າສາເຫດການເກີດອັກຄີໄພອາດຍ້ອນສະພາບອາກາດຮ້ອນອົບເອົ້າ, ຊຶ່ງຜ່ານມາກໍເຄີຍເກີດມີສະພາບໄຟໄໝ້ປ່າເກີດຂຶ້ນ, ແຕ່ຢ່າງໃດກໍຕາມ ປັດຈຸບັນ ພວກເຮົາສາມາດດັບມອດໄຟໄວ້ໄດ້ແລ້ວຫລາຍກວ່າເຄິ່ງໜຶ່ງ ແລະ ກຳລັງສືບຕໍ່ດັບມອດໃຫ້ໄວເພື່ອບໍ່ໃຫ້ເກີດຄວາມເສຍຫາຍຮ້າຍແຮງ.
