ກອງປະຊຸມສາມັນຄົບຄະນະກຳມະການສູນກາງແນວລາວສ້າງຊາດ ຄັ້ງທີ 4 ທົບ​ທວນຄືນ​ການ​ເຄື່ອນ​ໄຫວ​ວຽກ​ງານ​ໃນ​ປີຜ່ານມາ

- advert banner 728 90 728x90 - ກອງປະຊຸມສາມັນຄົບຄະນະກຳມະການສູນກາງແນວລາວສ້າງຊາດ ຄັ້ງທີ 4 ທົບ​ທວນຄືນ​ການ​ເຄື່ອນ​ໄຫວ​ວຽກ​ງານ​ໃນ​ປີຜ່ານມາ

ກອງປະຊຸມສາມັນຄົບຄະນະກຳມະການສູນກາງແນວລາວສ້າງຊາດ ຄັ້ງທີ 4 ສະໄໝທີ X ໄດ້ໄຂຂຶ້ນໃນວັນທີ 12-13 ມີນານີ້​ ທີ່ນະຄອນຫລວງວຽງຈັນ, ພາຍໃຕ້ການເປັນປະທານຂອງທ່ານ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ ໂດຍມີພະເຖລານຸເຖລະ, ບັນດາຜູ້ຕາງໜ້າສູນກາງແນວລາວສ້າງຊາດ​ໃນທົ່ວປະເທດ ແລະ ພາກສ່ວນກ່ຽວຂ້ອງອື່ນໆເຂົ້າຮ່ວມຫລາຍ​ກວ່າ 300 ຄົນ.

- lattana 1 - ກອງປະຊຸມສາມັນຄົບຄະນະກຳມະການສູນກາງແນວລາວສ້າງຊາດ ຄັ້ງທີ 4 ທົບ​ທວນຄືນ​ການ​ເຄື່ອນ​ໄຫວ​ວຽກ​ງານ​ໃນ​ປີຜ່ານມາ

ທ່ານ ໄຊສົມພອນ ພົມວິຫານ ​ໄດ້ກ່າວ​ເປີດ​ກອງ​ປະຊຸມວ່າ: ກອງປະຊຸມຄັ້ງນີ້ ເປັນການທົບທວນຄືນການຈັດຕັ້ງປະຕິບັດມະຕິກອງປະຊຸມສາມັນຄົບຄະນະກຳມະການສູນກາງແນວລາວສ້າງຊາດ ຄັ້ງທີ 3 ກໍຄືການເຄື່ອນໄຫວວຽກງານແນວລາວສ້າງຊາດໃນປີ 2018 ແລະ ທິດທາງແຜນການປີ 2019. ພ້ອມນັ້ນ ໄດ້ພ້ອມກັນປຶກສາຫາລື ແລະ ຜ່ານເນື້ອໃນສຳຄັນຈຳນວນໜຶ່ງ ປະກອບມີ: ຮ່າງບົດສະຫລຸບຕີລາຄາການເຄື່ອນໄຫວວຽກງານແນວລາວສ້າງຊາດ ປີ 2018 ແລະ ທິດທາງແຜນການເຄື່ອນໄຫວ ປີ 2019; ຄໍາແນະນໍາກ່ຽວກັນການຜັນຂະຫຍາຍຜົນສໍາເລັດກອງປະຊຸມພົບປະຜູ້ຊົງຄຸນວຸດທິບັນດາເຜົ່າທົ່ວປະເທດ ຄັ້ງທີ 3 ປີ 2018. ໃນຂະນະດຽວກັນ ກໍຈະໄດ້ສະເໜີແຕ່ງຕັ້ງກໍາມະການສູນກາງແນວລາວສ້າງຊາດ ສະໄໝທີ X ເພີ່ມຕື່ມ ແລະ ປ່ຽນແທນ, ລວມທັງໄດ້ຮັບຟັງການແລກປ່ຽນຄຳຄິດຄຳເຫັນຂອງບັນດາກຳມະການສູນກາງແນວລາວສ້າງຊາດຢູ່ສູນກາງ, ທ້ອງຖິ່ນ ແລະ ຈາກຕ່າງປະເທດ. ປະທານສູນກາງແນວລາວສ້າງຊາດ ໄດ້ຮຽກຮ້ອງມາຍັງບັນດາຜູ້ແທນກອງປະຊຸມຈົ່ງເຊີດຊູຄວາມຮັບຜິດຊອບຂອງຕົນ, ພ້ອມທັງປະກອບຄຳຄິດຄຳເຫັນຢ່າງຫ້າວຫັນ ແລະ ກວ້າງຂວາງ ເພື່ອເປັນບ່ອນອີງໃນການປັບປຸງການເຄື່ອນໄຫວຂອງແນວລາວສ້າງຊາດໃນຕໍ່ໜ້າ ເພື່ອໃຫ້ບັນລຸຕາມຈຸດປະສົງ ແລະ ຄາດໝາຍທີ່ວາງໄວ້.

ໃນໄລຍະ 1 ປີຜ່ານມາ, ກໍາມະການສູນກາງແນວລາວສ້າງຊາດນັບແຕ່ຂັ້ນສູນກາງ, ທ້ອງຖິ່ນ ແລະ ຢູ່ຕ່າງປະເທດ ໄດ້ເອົາໃຈໃສ່ສຶກສາອົບຮົມການເມືອງ-ແນວຄິດໃຫ້ຖັນແຖວພະນັກງານ-ສະມາຊິກພັກ, ທະຫານ, ຕຳຫລວດ, ນັກທຸລະກິດ, ພໍ່ຄ້າຊາວຂາຍ, ຄົນຕ່າງດ້າວທີ່ອາໄສຢູ່ລາວ ນັບທັງພີ່ນ້ອງລາວທີ່ດຳລົງຊີວິດຢູ່ຕ່າງປະເທດ ແລະ ປະຊາຊົນລາວບັນດາເຜົ່າ ດ້ວຍຮູບການລົງພົບປະໂອ້ລົມ, ເຜີຍແຜ່ແນວທາງນະໂຍບາຍຂອງພັກ,  ແຜນນະໂຍບາຍຂອງລັດ,​ ຈັດຕັ້ງປາຖະກະຖາເລົ່າມູນເຊື້ອວັນສຳຄັນຂອງພັກ, ລັດ, ແນວລາວສ້າງຊາດ ແລະ ອົງການຈັດຕັ້ງມະຫາຊົນ ລວມທັງເຜີຍແຜ່ສະພາບການອື່ນໆຫລາຍ​ໄດ້​ຢ່າງ​ກວ້າງຂວາງ ​ແລະ ທົ່ວ​ເຖິງ.