ສ.ເກົາຫລີ ຜ່ານຮ່າງກົດໝາຍຊຸດໃຫຍ່ ແກ້ໄຂບັນຫາມົນລະພິດທາງອາກາດ

ສ.ເກົາຫລີ ຜ່ານຮ່າງກົດໝາຍຊຸດໃຫຍ່ ແກ້ໄຂບັນຫາມົນລະພິດທາງອາກາດ - advert banner 728 90 728x90 - ສ.ເກົາຫລີ ຜ່ານຮ່າງກົດໝາຍຊຸດໃຫຍ່ ແກ້ໄຂບັນຫາມົນລະພິດທາງອາກາດ

      ສ.​ເກົາຫລີ ຜ່ານ​ຮ່າງ​ກົດໝາຍຊຸດ​ໃຫຍ່ ​ເພື່ອ​ເລັ່ງ​ແກ້​ໄຂ​ບັນຫາ​ມົນ​ລະ​ພິດ​ທາງ​ອາກາດ​ທີ່​ຖືກ​ກຳນົດ​ໃຫ້​ເປັນ​ໄພພິບັດ​ທາງ​ສັງຄົມ ​ແລະ ​ເພື່ອ​ປົດ​ລັອກ​ເງິນ​ທຶນ​ສຸກ​ເສີນ​ໃນ​ການ​ແກ້​ໄຂ​ບັນຫາ.

ສ.ເກົາຫລີ ຜ່ານຮ່າງກົດໝາຍຊຸດໃຫຍ່ ແກ້ໄຂບັນຫາມົນລະພິດທາງອາກາດ - new3 - ສ.ເກົາຫລີ ຜ່ານຮ່າງກົດໝາຍຊຸດໃຫຍ່ ແກ້ໄຂບັນຫາມົນລະພິດທາງອາກາດ

      ບັນຫາ​ມົນ​ລະ​ພິດ​ທາງ​ອາກາດ​ຂອງ​ປະ​ເທດ​ທີ່​ມີ​ຂະໜາດ​ເສດຖະກິດ​ໃຫຍ່​ອັນ​ດັບ 4 ຂອງ​ອາຊີ​ແຫ່ງ​ນີ້ ​ເກີດ​ຈາກ​ຫລາຍ​ປັດ​ໄຈ​ເຊັ່ນ: ​ໂຮງ​ໄຟຟ້າ​ພະລັງງານ​ຖ່ານ​ຫີນ, ​​ໄອ​ເສຍ​ພາຫະນະ ສ້າງ​ຄວາມ​ບໍ່ພໍ​ໃຈ​ໃຫ້​ແກ່​ປະຊາຊົນ​ໃນ​ວົງ​ກວ້າງ ​ແລະ ມີ​ຜົນ​ຕໍ່​ຄະ​ແນນ​ນິຍົມ​ຂອງ​ປະທານາທິບໍດີ ມຸນ ​ແຈ​ອິນ. ຮ່າງ​ກົດໝາຍ​ຊຸດ​ໃຫຍ່​ທີ່​ລັດຖະບານ​ຜ່ານ​ອອກ​ມາ​ໃນ​ວັນ​ທີ 13 ມີນາ​ນີ້ ​ແລະ ຈະ​ມີ​ຜົນ​ບັງຄັບ​ໃຊ້​ໃນ​ 15 ວັນ​ຖ້າ​ບໍ່​ມີ​ການ​ຄັດຄ້ານ ກຳນົດ​ໃຫ້​ມົນ​ລະ​ພິດ​ທາງ​ອາກາດ​ເປັນ​ໄພພິບັດ, ​ເປີດ​ທາງ​ໃຫ້​ລັດຖະບານ​ສາມາດ​ນຳ​ເອົາ​ທຶນ​ສຳຮອງ​ບາງ​ສ່ວນ​ໄປ​ໃຊ້​ຮັບ​ມືຄວາມ​ເສຍ​ຫາຍ ຫລື ​ເຫດ​ສຸກ​ເສີນ​ທີ່​ເກີດ​ຈາກ​ມົນ​ລະ​ພິດ​ທາງ​ອາກາດ. ທຶນສຳຮອງ​ຂອງ ສ.​ເກົາຫລີ ປີ​ນີ້​ສູງ​ເຖິງ 3 ຕື້ວອນ. ນອກຈາກ​ນີ້ ຍັງ​ກຳນົດ​ໃຫ້​ທຸກ​ໂຮງຮຽນ​ຄວນ​ມີ​ເຄື່ອງ​ຟອກ​ອາກາດ, ຍົກ​ເລີກ​ຂໍ້​ຈຳກັດ​ການຈຳໜ່າຍ​ແກັສ LGP ທີ່​ປ່ອຍ​ໄອ​ເສຍ​ໜ້ອຍ​ກວ່າ​ນ້ຳມັນ​ແອັດ​ຊັງ ​ແລະ ກາ​ຊວນ.

ສ.ເກົາຫລີ ຜ່ານຮ່າງກົດໝາຍຊຸດໃຫຍ່ ແກ້ໄຂບັນຫາມົນລະພິດທາງອາກາດ - lattana 1 - ສ.ເກົາຫລີ ຜ່ານຮ່າງກົດໝາຍຊຸດໃຫຍ່ ແກ້ໄຂບັນຫາມົນລະພິດທາງອາກາດ

     ກ່ອນ​ອອກ​ກົດໝາຍ​ຊຸດ​ນີ້ ສ.​ເກົາຫລີ ​ໄດ້​ດຳ​ເນີນ​ມາດ​ຕະການ​ຫລາຍ​ຢ່າງ​ເຊັ່ນ: ຈຳກັດ​ການ​ເຮັດ​ວຽກ​ຂອງ​ໂຮງ​ໄຟຟ້າ​ພະລັງງານ​ຖ່ານ​ຫີນ. ຂໍ້​ມູນ​ປີ 2017 ຂອງ​ອົງການ​ເພື່ອ​ການ​ຮ່ວມ​ມື ​ແລະ ການ​ພັດທະນາ​ທາງ​ເສດຖະກິດ ຫລື OECD ລະບຸ​ວ່າ: ຄຸນ​ນະພາ​ບອາກາດ ສ.​ເກົາຫລີ ຊຸດ​ໂຊມ​ທີ່​ສຸດ​ໃນ​ບັນດາ​ສະມາຊິກ 36 ປະ​ເທດ, ຝຸ່ນ​ລະອອງ​ຂະໜາດ PM2.5 ສະ​ເລ່ຍປີ​ລະ 25,1 ​ໄມ​ໂຄຣກຣາມຕໍ່​ລູກ​ບາດ​​ແມັດ, ​ເກືອບ​ສອງ​ເທົ່າ​ຂອງ OECD ທີ່​ສະ​ເລ່ຍປີ​ລະ 12,5 ​ໄມ​ໂຄຣກຣາມລູກ​ບາດ​​ແມັດ. ຂະນະ​ທີ່​ອົງການ​ອະນາ​ໄມ​ໂລກ​ກຳນົດ​ມາດຕະຖານຄວາມ​ປອດ​ໄພ​ວ່າ: ບໍ່​ຄວນ​ເກີນ 10 ​ໄມ​ໂຄຣກຣາມຕໍ່​ລູກ​ບາດ​ແມັດ. ​ໄລຍະ​ຕົ້ນ​ເດືອນ​ນີ້ ປະລິມານ​ຝຸ່ນ​ລະອອງ​ເກືອບທົ່ວ ສ.​ເກົາຫລີ ສູງ​ຕິດ​ຕໍ່​ກັນ 6 ວັນ ສົ່ງ​ຜົນ​ໃຫ້​ຄະ​ແນນ​ນິຍົມ​ຂອງ​ປະທານາທິບໍດີ ມຸນ ​ແຈ​ອິນ ທີ່​ມີ​ການ​ເຜີຍ​ແຜ່​ໃນ​ວັນ​ທີ 8 ມີນາ ຫລຸດ​ລົງ 3% ຈາກ 46% ​ໃນ​ການ​ສຳ​ຫລວດ​ໜຶ່ງ​ອາທິດ​ກ່ອນ​ໜ້ານັ້ນ.

error: Content is protected !!