ເປີດຕົວເລກຄ່າເມື່ອຍ ແຣຊຟອດ ຖ້າຕໍ່ສັນຍາໃໝ່ກັບ ແມນຢູ

     ເດິ ມິເຣີ ສື່ຂອງອັງກິດ ລາຍງານວ່າ: ຄ່າເມື່ອຍທີ່ ແມນເຊັສເຕີ ຢູໄນເຕັດ ຍື່ນໃຫ້ ມາຣຄັສ ແຣຊຟອດ ເພື່ອຈະ ໃຫ້ລາວຕໍ່ສັນຍາກັບທີມ ໂດຍ ແຣຊຟອດ ຈະໄດ້ຄ່າເມື່ອຍ ເລີ່ມຕົ້ນ 150.000 ປອນຕໍ່ ອາທິດ ແລະ ມີໂອກາດເພີ່ມ ໄປເປັນອາທິດລະ 200.000 ປອນ ຖ້າລາວສ້າງຜົນງານ ໄດ້ກົງຕາມເງື່ອນໄຂບາງ ຢ່າງ.

     ຫລັງຈາກ ໂອເລ່ ກຸນນາ ໂຊລຊາ ເຂົ້າມາເປັນຜູ້ຈັດ ການທີມຊົ່ວຄາວຂອງ ແມນ ເຊັສເຕີ ຢູໄນເຕັດ ໃນວັນທີ 19 ທັນວາຜ່ານມາ, ແຣຊຟອດ ກໍ ກາຍເປັນຕົວເລືອກລຳດັບທຳ ອິດໃນຖານະກອງໜ້າຂອງ ທີມ ແລະ ລາວໄດ້ສ້າງຜົນ ງານໜ້າພໍໃຈ ດ້ວຍການຍິງ ໄປ 7 ປະຕູ ຈາກການລົງ ຫລິ້ນ 17 ນັດໃນທຸກລາຍ ການ.

       ເຖິງຢ່າງໃດກໍຕາມ, ອະ ນາຄົດຂອງ ແຣຊຟອດ ເປັນ ບັນຫາທີ່ເວົ້າເຖິງຫລາຍ ເຖິງລາວຈະແດງທ່າທີວ່າ ພ້ອມຢູ່ກັບທີມຕໍ່ໄປ, ແຕ່ລາວ ຈະໝົດສັນຍາກັບ ແມນເຊັສ ເຕີ ຢູໄນເຕດ ໃນຊ່ວງພັກຮ້ອນ ປີໜ້າ ເຖິງວ່າ ແມນຢູໄນເຕັດ ຈະມີອັອບຊັນຂະຫຍາຍສັນ ຍາໄປ 1 ປີ ແຕ່ກໍເປັນພຽງ ການຢື້ເວລາໃນການເຈລະ ຈາເທົ່ານັ້ນ ແລະ ກໍມີຂ່າວລື ອີກວ່າ: ຣີລ ມາດຣິດ, ຢູເວນ ຕຸສ ແລະ ປາຣີ ແຊງແຊກ ແມງ ໃຫ້ຄວາມສົນໃຈໃນຕົວ ດາວເຕະຊາວອັງກິດຢູ່.

       ຄວາມຈິງແລ້ວ ຜູ້ບໍລິ ຫານຂອງ ແມນເຊັສເຕີ ຢູໄນ ເຕັດ ເຈລະຈາກັບຕົວແທນ ຂອງ ແຣຊຟອດ ກ່ຽວກັບ ເລື່ອງສັນຍາສະບັບໃໝ່ມາດົນ ແລ້ວ ແລະ ຫລ້າສຸດພວກເຂົາ ສະເໜີຈະເພີ່ມຄ່າເມື່ອຍໃຫ້ ລາວ ຈາກ 75.000 ປອນຕໍ່ ອາທິດ ເປັນອາທິດລະ 150.000 ປອນ ແລະ ຍັງມີ ການເພີ່ມໂບນັດຕ່າງໆອີກ ຫລາຍອັນ ເຊິ່ງຖ້າສ້າງຜົນ ງານໄດ້ກົງຕາມເງື່ອນໄຂຈະ ເຮັດໃຫ້ຄ່າເມື່ອຍຂອງ ແຣຊ ຟອດ ເພີ່ມໄປເປັນ 200.000 ປອນຕໍ່ອາທິດ.

       ສື່ດັ່ງກ່າວລາຍງານອີກ ວ່າ: ແມນເຊັສເຕີ ຢູໄນເຕັດ ໝັ້ນໃຈວ່າ ແຣຊຟອດ ຈະຕໍ່ ສັນຍາກັບພວກເຂົາແນ່ນອນ ເພາະຕອນນີ້ນັກເຕະໄວ 21 ປີ ມີຄວາມສຸກກັບການຫລິ້ນໃຫ້ ທີມຫລາຍກວ່າສະໄໝທີ່ມີ ໂຊ ເຊ ມູຣິນໂຢ ເປັນຜູ້ຈັດການ ທີມ.