ລະວັງສະພາບໝອກຄວັນຝຸ່ນລະອອງ ໃນນະຄອນຫລວງວຽງຈັນ ຢູ່ເຂດແດງແລ້ວ

ສະບາຍດີ, ເພື່ອນຜູ້ອ່ານທີ່ຮັກແພງ, ເຖິງວ່າພາກສ່ວນກ່ຽວຂ້ອງກ່ຽວກັບປ່ຽນ ແປງຂອງສະພາບອາກາດຢູ່ ປະເທດເຮົາ, ຍັງບໍ່ທັນໄດ້ອອກມາຊີ້ແຈງໃດໆ ກ່ຽວກັບສະພາບໝອກຄວັນຢູ່ໃນ ນະຄອນຫລວງວຽງຈັນ.

ໂດຍສະເພາະນັບແຕ່ເຊົ້າຂອງມື້ວັນທີ 14 ມີນາມານີ້, ຢູ່ເຂດແດງແລ້ວເຮົາຄວນຮູ້ວິທີການປ້ອງກັນໂຕ ເອງໃຫ້ ດີທີ່ສຸດເພື່ອບໍ່ມີຜົນກະທົບຕໍ່ສຸຂະພາບ ແລະ ຮ່າງກາຍ,ໂດຍສະເພາະທາງຫາຍໃຈ, ປອດ ແລະ ຈະສົ່ງຜົນກະທົບກໍໃຫ້ເກີດເຊື້ອມະເຮັງໃນໄລຍະຍາວກໍເປັນໄດ້.

ດັ່ງເພື່ອນຜູ້ອ່ານຫລາຍ ຄົນຢູ່ ໃນນະຄອນຫລວງວຽງຈັນ ກໍຈະສັງເກດເຫັນສະພາບໝອກຄວັນບໍ່ດີດັ່ງກ່າວໄດ້ມົວກຸ້ມ ໄປທົ່ວທ້ອງຟ້າຂອງ ຕົວເມືອງຫລວງຈົນໝົດມື້ວານນີ້ກໍບໍ່ສາມາດແນມ ເຫັນດວງຕາເວັນໄດ້, ໃນລັກ ສະນະນີ້ກໍອາດແມ່ນເຖິງເຂດແດງແລ້ວ, ເຊິ່ງນັກວິ ທະຍາສາດເອີ້ນວ່າປະການນີ້ແມ່ນຝຸ່ນລະອອງໃນອາ ກາດເກີນຄ່າມາດຕະຖານ ເຊິ່ງເກີດຈາກມົນສະພິດ ທາງອາກາດ ເປັນຫລັກ, ຕົ້ນ ຕໍແມ່ນມົນລະພິດຈາກການຈະລາຈອນ, ໂຮງງານອຸດສາຫະກຳ, ການຈູດປ່າ, ຈູດຂີ້ເຫງື້ອຢູ່ບ່ອນໂລກ ແລະ ອື່ນໆ.

ເຮັດໃຫ້ມົນລະພິດທາງ ອາກາດເກີດການສະສົມໃນ ປະລິມານຫລາຍ ແລະ ເປັນສາເຫດສຳຄັນທີ່ເຮັດໃຫ້ເກີດບັນຫາຝຸ່ນລະອອງ ຫລື ຊັບ ວິທະຍາສາດເອີ້ນວ່າ PM2,5 ສູງຂຶ້ນຜິດປົກກະຕິ, ມີການສະສົມຂອງມົນລະພິດທາງ ອາກາດໃນປະລິມານທີ່ ຫລາຍໆນັ້ນ ຫາກຄົນເຮົາສູບດົມເຂົ້າໄປໃນຮ່າງກາຍຈະ ສົ່ງຜົນກະທົບຕໍ່ສຸຂະພາບໄດ້. PM ຫຍໍ້ມາຈາກ particular matter ເຊິ່ງສິ່ງເລົ່ານີ້ສາມາດເຂົ້າໄປໃນເນື້ອເຫຍື້ອ ປອດໄດ້ ແລະ ມີຫົວໜ່ວຍ ເອີ້ນວ່າ: (ໄມຄຣອນແມັດ) ຖ້າຝຸ່ນລະອອງທີ່ມີຂະໜາດ ເສັ້ນຜ່າສູນກາງຕັ້ງແຕ່ 10 ໄມຄຣອນລົງມາເຂົາເອີ້ນ ວ່າ P10 ຈະເລີ່ມມີຄວາມກັງວົນຕໍ່ສຸຂະພາບ, ຖ້າເຮົາສູບດົມເຂົ້າໄປສາມາດສະສົມໃນລະບົບຫາຍໃຈໄດ້. ສ່ວນຝຸ່ນລະອອງທີ່ມີຂະໜາດ ນ້ອຍກ່ວາ 2,5 ໄມຄຣອນ ເອີ້ນວ່າ PM 2,5 ຈະສົງຜົນຕໍ່ສຸຂະພາບໄດ້ຫລາຍ ກວ່າເພາະເປັນຝຸ່ນລະອອງ ທີ່ມີຂະໜາດນ້ອຍ ສາມາດ ແຊກຊ້ອນເຂົ້າໄປຮ່າງກາຍ ໄດ້ເລິກ ແລະ ອັນຕະລາຍ ຈົນເຖິງແກ່ຊີວິດໄດ້.

ຝຸ່ນລະອອງດັ່ງກ່າວນີ້ ສາມາດເຂົ້າສູ່ຮ່າງກາຍໄດ້ ທາງລະບົບຫາຍໃຈ, ຍ້ອນມີຂະໜາດນ້ອຍກວ່າເສັ້ນຜົມ 25 ເທົ່າ, ແລະ ນ້ອຍກວ່າ PM 10 ຖ້າເຮົາສູບດົມເຂົ້າ ໄປແລ້ວ ມັນຈະເຂົ້າໄປສູ່ເສັ້ນເລືອດ, ໄປທຳລາຍລະບົບປະສາດໃນສະ ໝອງ,  ເປັນອຳທາດ, ເກິດເປັນພະ ຍາດຫົວໃຈ, ພະຍາດມະເລັງ ແລະ ເປັນພະຍາດຕິດເຊື້ອ ໃນລະບົບຫາຍໃຈອີກ ຫລາຍໆຢ່າງ. ເຊິ່ງວິທີປ້ອງ ກັນບໍ່ໃຫ້ໄດ້ສູບດົມໝອກ ຄວັນໃນຂັ້ນພື້ນຖານກໍຄືຕ້ອງສວມໃສ່ຜ້າອັດປາກກັນຝຸ່ນ ໃນເວລາອອກນອກບ້ານຫລື ເວລາການສັນຈອນຕ່າງໆ ເພື່ອບໍ່ໃຫ້ຝຸ່ນເລົ່ານັ້ນມາທຳ ຮ້າຍຮ່າງກາຍຂອງເຮົານັ້ນ ເອງ. ສ່ວນວ່າໝອກຄວັນເລົ່າ ນີ້ຈະໝົດ ແລະ ສະຫລາຍໄປ ໄດ້ນັ້ນ ແມ່ນເມື່ອເວລາມີລົມ ພັດແຮງ, ເກີດມີຝົນຕົກກໍຈະ ຄ່ອຍໆສະຫລາຍໄປ. ແຕ່ຖ້າ ຫາກຂະບວນການສ້າງຝຸ່ນ ລະອອກບໍ່ຫລຸດຜ່ອນລົງເມື່ອ ຝົນຢຸດເຊົາມື້ໃໝ່ມາຝຸ່ນດັ່ງ ກ່າວນັ້ນກໍຍັງຈະມີຄືເກົ່າຢູ່./.