ລາວເຂັ້ມງວດຫ້າມນໍາເຂົ້າໝູ ແລະ ຜະລິດຕະພັນປຸງແຕ່ງຈາກໝູທຸກປະເພດ

ລາວເຂັ້ມງວດຫ້າມນໍາເຂົ້າໝູ ແລະ ຜະລິດຕະພັນປຸງແຕ່ງຈາກໝູທຸກປະເພດ - advert banner 728 90 728x90 - ລາວເຂັ້ມງວດຫ້າມນໍາເຂົ້າໝູ ແລະ ຜະລິດຕະພັນປຸງແຕ່ງຈາກໝູທຸກປະເພດ

ສປປ ລາວ ຫ້າມນໍາເຂົ້າໝູ ແລະ ຜະລິດຕະພັນປຸງແຕ່ງຈາກໝູທຸກປະເພດ, ໂດຍໄດ້ເນັ້ນໃຫ້ພະນັກງານປະຈໍາດ່ານຂາເຂົ້າ-ຂາອອກຕ່າງໆ ຫາກພາກສ່ວນໃດປ່ອຍປະລະເລີຍ ຫລື ອໍານວຍຄວາມສະດວກໃນການນໍາເຂົ້າສີນຄ້າຕ້ອງຫ້າມດັ່ງກ່າວເຂົ້າມາ ສປປ ລາວ ຈະຖືກປະຕິບັດວິໄນເຂັ້ມງວດ, ພາຍຫລັງມີສະພາບການລະບາດຂອງພະຍາດອະຫິວາໝູຢູ່ ສປຈີນ ແລະ ສສ ຫວຽດນາມ ຢ່າງຮ້າຍແຮງ ແລະ ຖ້າບໍ່ມີມາດຕະການປ້ອງກັນດີແລ້ວ, ພະຍາດສັດອັນຕະລາຍດັ່ງກ່າວອາດແຜ່ລະບາດເຂົ້າມາປະເທດເຮົາ, ເຊິ່ງຈະສ້າງຄວາມເສຍຫາຍຕໍ່ການຜະລິດສະບຽງອາຫານ, ສຸຂະພາບຂອງປະຊາຊົນ ແລະ ສ້າງຜົນສະທ້ອນຕໍ່ລະບົບເສດຖະກິດຂອງປະເທດຢ່າງຫລວງຫລາຍ.

ລາວເຂັ້ມງວດຫ້າມນໍາເຂົ້າໝູ ແລະ ຜະລິດຕະພັນປຸງແຕ່ງຈາກໝູທຸກປະເພດ - lattana 1 - ລາວເຂັ້ມງວດຫ້າມນໍາເຂົ້າໝູ ແລະ ຜະລິດຕະພັນປຸງແຕ່ງຈາກໝູທຸກປະເພດ

  ມາດຕະການດັ່ງກ່າວ, ໄດ້ລະບຸແຈ້ງໃນແຈ້ງການຂອງກົມລ້ຽງສັດ ແລະ ການປະມົງ ກະຊວງກະສິກໍາ ແລະ ປ່າໄມ້ ທີ່ໄດ້ອອກມາເມື່ອບໍ່ດົນມານີ້, ກ່ຽວກັບການສະກັດກັ້ນຫ້າມນໍາເຂົ້າໝູ ແລະ ຜະລິດຕະພັນໝູທຸກຊະນິດ ລວມທັງຜະລິດຕະພັນປຸງແຕ່ງເບື້ອງຕົ້ນຈາກ ສປຈີນ ແລະ ສສ ຫວຽດນາມ ເຂົ້າສູ່ ສປປ ລາວ, ໂດຍເນັ້ນໃຫ້ເຈົ້າໜ້າທີ່ປະຈໍາດ່ານຕ່າງໆເພີ່ມທະວີຄວາມເຂັ້ມງວດໃນການກວດກາ ແລະ ສະກັດກັ້ນບໍ່ໃຫ້ມີການນໍາເຂົ້າສີນຄ້າດັ່ງກ່າວ ແລະ ຖ້າຫາກພົບວ່າເຈົ້າໜ້າທີ່ພາກສ່ວນໃດປ່ອຍປະລະເລີຍ ຫລື ເຈດຕະນາອໍານວຍຄວາມສະດວກໃຫ້ແກ່ການນໍາເຂົ້າແມ່ນຈະຖືກປະຕິບັດວິໄນ ແລະ ດໍາເນີນຄະດີຕາມລະບຽບກົດໝາຍ.

   ກະຊວງດັ່ງກ່າວໃຫ້ຮູ້ວ່າ: ການອອກມາດຕະການດັ່ງກ່າວນີ້, ກໍຍ້ອນວ່າປັດຈຸບັນພະຍາດນີ້ພວມລະບາດຢ່າງຮ້າຍແຮງຢູ່ ສປຈີນ ແລະ ຫວຽດນາມ, ເຮັດໃຫ້ມີສັດເຈັບ ແລະ ຕາຍ, ພ້ອມໄດ້ຂ້າທໍາລາຍສັດທີ່ມີຄວາມສ່ຽງເປັນຈໍານວນຫລາຍ ເພື່ອຄວບຄຸມການລະບາດຂອງພະຍາດດັ່ງກ່າວ. ສະນັ້ນເພື່ອປ້ອງກັນ ແລະ ສະກັດກັ້ນບໍ່ໃຫ້ພະຍາດແຜ່ລະບາດເຂົ້າສູ່ ສປປ ລາວ ກໍຄືຫລີກລ້ຽງຜົນກະທົບທີ່ອາດເກີດຂຶ້ນໃນການຜະລິດໝູ ແລະ ການສະໜອງຊີ້ນໝູເພື່ອບໍລິໂພກຢູ່ພາຍໃນແມ່ນມີຄວາມຈໍາເປັນທີ່ສຸດຕ້ອງໄດ້ເອົາໃຈໃສ່ຕິດຕາມກວດກາ ແລະ ສະກັດກັ້ນການນໍາເຂົ້າໝູ ແລະ ຜະລິດຕະພັນໝູທຸກຊະນິດ ລວມທັງຜະລິດຕະພັນປຸງແຕ່ງເບື້ອງຕົ້ນຈາກປະເທດໃກ້ຄຽງ ແລະ ຖ້າພວກເຮົາພວກເຮົາຫາກບໍ່ພ້ອມກັນປະຕິບັດມາດຕະການເຂັ້ມງວດ ອາດເຮັດໃຫ້ປະເທດເຮົາມີຜົນກະທົບໜັກໜ່ວງກ້າວໄປເຖິງບໍ່ສາມາດລ້ຽງໝູ ແລະ ບໍ່ມີຊີ້ນໝູບໍລິໂພກໃນອານາຄົດໄລຍະຍາວ.

ລາວເຂັ້ມງວດຫ້າມນໍາເຂົ້າໝູ ແລະ ຜະລິດຕະພັນປຸງແຕ່ງຈາກໝູທຸກປະເພດ - 1 1 - ລາວເຂັ້ມງວດຫ້າມນໍາເຂົ້າໝູ ແລະ ຜະລິດຕະພັນປຸງແຕ່ງຈາກໝູທຸກປະເພດ