ຂີ່ກົງເບັງ ລອງຊົມທຳມະຊາດນ້ຳຂອງ
ໂດຍ: ເດຊາ ກັນລະຍາ
ໃຜມັກການທ່ອງທ່ຽວ ແບບພະຈົນໄພແດ່ກໍ່ຈະເປັນ ໂອກາດດີໃຫ້ທ່ານໄດ້ຂີ່ກົງ ເບັງຫລີ້ນນ້ຳຊົມວິວທິວທັດ ທຳມະຊາດຢູ່ສອງຟາກຝັ່ງ ແມ່ນ້ຳຂອງ ແລະ ຈະໄດ້ສູບ ດົມເອົາພາບຫລັງເມືອງປາກລາຍ ແຂວງໄຊຍະບູລີ ໄດ້ ຈັດໃຫ້ມີການຂີ່ກົງເບັງດັ່ງ ກ່າວ, ຈາກນະຄອນຫລວງ ວຽງຈັນປະມານ 195 ກິໂລ ແມັດ ເຊິ່ງເປັນສະຖານທີ່ທ່ອງ ທ່ຽວໃໝ່ຂອງເມືອງປາກ ລາຍ, ເໝາະແກ່ການຫລີ້ນ ນ້ຳໃນໄລຍະລະດູຮ້ອນ, ໂດຍ ສະເພາະແມ່ນບຸນປີໃໝ່ລາວ 2019 ໃກ້ຈະມາເຖິງນີ້, ກິດ ຈະກຳດັ່ງກ່າວນີ້ແມ່ນຂີ່ກົງເບັງຊົມວິວທຳມະຊາດລ່ອງນ້ຳຂອງ, ໄປຕາມກະແສນ້ຳອັນແສນເຍືອກເຢັນ, ເຊິ່ງເລີ່ມເປີດໃຫ້ບໍລິການມາຕັ້ງ ແຕ່ ວັນທີ 12 ມີນານີ້ ແລະ ຈະເປີດເປັນປົກກະຕິໃນທຸກໆມື້, ເລີມແຕ່ເວລາ 10:00-18:00 ໂມງ, ສຳລັບໃນການ ລ່ອງຄັ້ງໜຶ່ງສາມາດປ່ອຍ ພ້ອມກັນໄດ້ 20 ຄົນ/ຄັ້ງ, ສ່ວນໄລຍະທາງຂອງການ ລ່ອງແມ່ນຍາວເຖິງ 2 ກິໂລ ແມັດ, ນັບຕັ້ງແຕ່ຫາດແຊນ ລາຍ ບ້ານແສງລາຍຜ່ານບ່ານສີສະຫວ່າງຫາບ້ານ ນາສະຫວ່າງຮອດຫາດ ບ້ານ ສີສະອາດຊົມພູ, ໃຊ້ເວລາລ່ອງ ປະມານ 1 ຊົ່ວໂມງຈຶ່ງຈະຮອດຈຸດຂຶ້ນ, ສ່ວນການບໍລິການ ແລະ ການເກັບຄ່າກົງໜຶ່ງແມ່ນ 15.000 ຄັ້ງ/ ຄົນ. ມີອາຫານຕາມ ສັ່ງໄວ້ຄອຍບໍລິການໃຫ້ລູກຄ້າທີ່ໄປທ່ຽວໄດ້ຮັບປະທານ ເປັນຕົ້ນແມ່ນ: ປີ້ງປານ້ຳຂອງ, ປີ້ງໄກ່ລາດ, ຕໍາໝາກຮຸ່ງ ແລະ ອາຫານອື່ນໆ ອີກຫລາຍຢ່າງ.
ນອກຈາກການຂີ່ກົງ ເບັງນີ້ແລ້ວ ເມືອງປາກລາຍຈະໄດ້ຈັດງານບຸນທີ່ຍິ່ງໃຫຍ່ຂຶ້ນ ໂດຍແມ່ນບຸນຜີໂຂນຈະຈັດຂຶ້ນໃນວັນທີ 16-21 ມີ ນານີ້, ເຊິ່ງຕິດພັນກັບປີທ່ອງທ່ຽວລາວ, ເຊິ່ງຈະມີຫລາກຫລາຍກິດຈະກຳທີ່ໜ້າສົນໃຈເຊັ່ນ: ການວາງສະແດງ ສີນຄ້າຈາກຜະລິດຕະພັນຈາກພາກສ່ວນຕ່າງໆທີ່ມາວາງສະແດງ, ການແຂ່ງເຮືອຍາວ ຊາຍປະເພດ 12 ສີ ພາຍ, ແຂ່ງເຮືອ (ແຈັດສກີ) ແບບ 2 ຄົນ, ຊົມການສະແດງສິລະປະວັນນະຄະດີ- ປະກວດນັກຮ້ອງສຽງດີ, ປະກວດນາງສາວງາມແບບ ອາພອນລາວຊົນເຜົ່າລາວ ແລະ ກິດຈະກຳອື່ນໆອີກ ຫລາຍໆຢ່າງ.
