ຫລາຍຄຸນປະໂຫຍດທີ່ທ່ານຈະໄດ້ຈາກຊາເປບເປີມິ້ນ

- advert banner 728 90 728x90 - ຫລາຍຄຸນປະໂຫຍດທີ່ທ່ານຈະໄດ້ຈາກຊາເປບເປີມິ້ນ

   1. ສ້າງພູມຕ້ານທານພະຍາດ :ຊາເປບເປີມິ້ນຊ່ວຍຕໍ່ສູ້ກັບການຕິດເຊື້ອ ແລະ ພະຍາດໄວຣັສ, ເພີ່ມຄວາມແຂງແຮງຂອງຮ່າງກາຍຈາກພາຍໃນ,​ ປ້ອງກັນພະຍາດຕິດເຊື້ອ ແລະ ພະຍາດຕາມລະດູການ ເຊັ່ນ : ໄຂ້ຫວັດ ເປັນຕົ້ນ. ຊາເປບເປີມິ້ນສາມາດຊ່ວຍເສີມສ້າງພູມຕ້ານທານຮ່າງກາຍໃຫ້ທ່ານໄດ້.

- lattana 1 - ຫລາຍຄຸນປະໂຫຍດທີ່ທ່ານຈະໄດ້ຈາກຊາເປບເປີມິ້ນ

     2. ຫລຸດຜ່ອນຄວາມເຄັ່ງຄຽດ : ຊ່ວຍຜ່ອນຄາຍ ແລະ ສະຫງົບຈິດໃຈ ເປັນຍ້ອນມັນມີຄຸນສົມບັດ ແລະ ຢາກ່ອມປະສາດທີ່ມີປະສິດທິພາບຫລາຍໃນການຫລຸດຄວາມເຄັ່ງຄຽດ. ຊາເປບເປີມິ້ນທີ່ປຸງແຕ່ງສົດໃໝ່ນັ້ນດີສຳລັບກິດຈະວັດຍາມຄໍ່າຄືນຂອງທ່ານ ສາມາດຊ່ວຍໃຫ້ທ່ານນອນຫລັບໄດ້ໄວຂຶ້ນນຳອີກ.

     3. ຕ້ານການອັກເສບ ແລະ ເປັນນຳ້ຢາຂ້າເຊື້ອ : ການອັກເສບພາຍ ໃນ ເຊັ່ນ : ການອັກເສບຂອງຜິວໜັງ ຫລື ຂໍ້ຕໍ່ ສາມາດປິ່ນປົວໄດ້ໂດຍການດື່ມຊາເປບເປີມິ້ນເປັນປະຈຳ. ຊາເປບເປີມິ້ນເປັນວິທີທີ່ດີໃນການປັບຄວາມດຸ່ນດ່ຽງລະດັບ pH ແລະ ສົ່ງເສີມການໄຫລວຽນທີ່ດີຂອງເລືອດທົ່ວຮ່າງກາຍ ມັນມີປະໂຫຍດໃນການຫລຸດອາການອັກເສບຢູ່ຂໍ້ຕໍ່ຫລັງ ແລະ ພາກສ່ວນອື່ນຂອງຮ່າງກາຍ.

     4. ຫລຸດອາການວິນຫົວປວດຮາກ : ການຮູ້ສຶກປຸ້ນທ້ອງປວດຮາກ ສ່ວນຫລາຍແມ່ນເປັນຄວາມຮູ້ສຶກທີ່ບໍ່ດີ ຫລື ທ່ານອາດຈະກຳລັງບໍ່ສະບາຍ ມັນເປັນອາການທີ່ທຳລາຍມື້ດີໆຂອງທ່ານໄດ້ ຫາກມື້ໃດທ່ານຮູ້ສຶກປຸ້ນທ້ອງ ຫລື ວິນຫົວປວດຮາກຂຶ້ນມາ ໃຫ້ລອງບີບໝາກນາວຈັກປ່ຽງໃສ່ໃນຊາເປບເປີມິ້ນຈະຊ່ວຍຫລຸດອາການປຸ້ນທ້ອງປວດຮາກໃຫ້ຫາຍໄປໄດ້.

     5. ການຫລຸດນຳ້ໜັກ :ຫາກທ່ານກຳລັງແນມຫາໂຕຊ່ວຍທີ່ດີໃນການຫລຸດນຳ້ໜັກຢູ່ ຊາເປບເປີມິ້ນເປັນທາງເລືອກທີ່ດີທາງໜຶ່ງ ເພາະສານປະກອບທີ່ມີຢູ່ໃນເປບເປີມິ້ນຊ່ວຍໃຫ້ຮ່າງກາຍສະຫລາຍໄຂມັນ ແລະ ຍ່ອຍອາຫານໄດ້ໄວຂຶ້ນ ລອງດື່ມຊານີ້ແທນເຄື່ອງດື່ມຫວານໆເພື່ອການຫລຸດນຳ້ໜັກຈະດີກ່ວາ.

     6. ຫລຸດອາການເຈັບຫົວ : ການໃຊ້ນຳ້ມັນຫອມລະເຫີຍຈາກເປບເປີມິ້ນໃນຕອນກາງຄືນ ແລະ ການດື່ມຊາເປບເປີມິ້ນອຸ່ນໆຈະຊ່ວຍໃຫ້ທ່ານຫລຸດຜ່ອນອາການເຈັບຫົວ ແລະ ເຈັບຫົວເບື້ອງດຽວຊຳ້ເຮື້ອໄດ້ ຜ່ອນຄາຍກ້າມຊີ້ນ ແລະ ຫລຸດການໄຫລ ວຽນຂອງເລືອດເພື່ອຫລຸດອາການເຈັບຫົວໄດ້.

     7. ສົ່ງເສີມຄວາມເຂົ້າໃຈ : ການສຶກສາທີ່ຕີພິມໃນວາລະສານປະສາດວິທະຍາ ລະບຸວ່າ ຊາເປບເປີ ມິ້ນມີປະໂຫຍດພິເສດໃນການເສີມສ້າງການເຮັດວຽກຂອງຄວາມຮູ້ – ຄວາມເຂົ້າໃຈ, ກິ່ນເປບເປີມິ້ນຊ່ວຍກະຕຸ້ນສະໝອງ ເຊິ່ງສົ່ງຜົນດີຕໍ່ຄວາມຈື່ຈຳ.

     8. ຫລຸດສິວ, ຜິວໃສ : ຄວາມບໍ່ດຸ່ນດ່ຽງຂອງຮໍໂມນອາດເປັນສາເຫດຂອງການເກີດສິວ ຊາເປບເປີມິ້ນມີປະສິດທິພາບໃນການຊ່ວຍເລື່ອງນີ້ໄດ້ ທ່ານສາມາດໃຊ້ຊາເປບເປີມິ້ນເປັນໂທນເນີເພື່ອລ້າງຜິວແລະ ຫລຸດສິວໄດ້ ເພາະມັນຈະຊ່ວຍຕໍ່ສູ້ກັບແບັກທີເຣຍໃນຜິວ ເຮັດໃຫ້ຜິວຂອງທ່ານອ່ອນນຸ້ມ ແລະ ສົດໃສອ່ອນກ່ວາອາຍຸໄດ້.

     9. ການຍ່ອຍອາຫານ : ເປບເປີມິ້ນອຸດົມໄປດ້ວຍເສັ້ນໄຍອາຫານສາມາດຊ່ວຍຍ່ອຍອາຫານໄດ້ແລະ ເປບເປີມິ້ນຍັງມີປະລິມານສານຕ້ານອະນຸມູນອິດສະລະຫລາຍ ແລະ ຄຸນສົມບັດໃນການເສີມສ້າງພູມຕ້ານທານຈະເຮັດໜ້າທີ່ເປັນຢາປິ່ນປົວ ພະຍາດທາງເດີນອາຫານໃຫ້ທ່ານນຳ ມັນຈະຊ່ວຍຫລຸດອາການເຈັບທ້ອງໄດ້ຢ່າງໄວວາ ແລະ ເຮັດໃຫ້ການເຄື່ອນໄຫວຂອງລຳໄສ້ຂອງທ່ານຜ່ອນຄາຍຫລາຍຂຶ້ນ.

     10. ລ້າງສານພິດ : ຖ້າທ່ານຢາກກຳຈັດສານພິດໃນຮ່າງກາຍຂອງທ່ານຈາກການກິນອາຫານທີ່ບໍ່ດີຕໍ່ສຸຂະພາບ ພຽງແຕ່ດື່ມຊາເປບເປີມິ້ນປະສົມນຳ້ໝາກນາວ ກໍຈະຊ່ວຍໃນການຫລຸດຜ່ອນສານພິດໃນຮ່າງກາຍ, ຊ່ວຍໃນເລື່ອງການຍ່ອຍອາຫານ, ຍ່ຽວຫລາຍເທື່ອຂຶ້ນ ເຊິ່ງເປັນເລື່ອງດີທີ່ຈະຊ່ວຍລ້າງສານພິດໃນຮ່າງກາຍ ແລະ ດີຕໍ່ການເຮັດວຽກຂອງຕັບ.

     11. ກິ່ນປາກ : ຫາກທ່ານມີກິ່ນປາກ ເຖິງຈະໃຊ້ໄໝຜັດແຂ້ວ ແລະ ຖູແຂ້ວມື້ລະ 2 ເທື່ອແລ້ວກໍຍັງບໍ່ເຊົາການດື່ມຊາເປບເປີມິ້ນຈະຊ່ວຍປິ່ນປົວສຸຂະພາບຜົ້ງປາກໃຫ້ດີຂຶ້ນໄດ້.