8 ນິໄສຂອງແມ່ຍິງເກັ່ງ ງາມຢ່າງດຽວອາດບໍ່ພໍ

     1. ເບິ່ງແຍງດູແລໂຕເອງໄດ້ : ພວກນາງເປັນຄົນເກັ່ງທີ່ສາມາດ ເຮັດຫຍັງໄດ້ດ້ວຍຕົນເອງ, ໄປກິນ ເຂົ້າຄົນດຽວ, ຍ່າງເລາະຫ້າງສັບ ພະສິນຄ້າຄົນດຽວ ລວມເຖິງການ ຕັດສິນໃຈເລື່ອງໃຫຍ່ໆໄດ້ດ້ວຍຕົນ ເອງ, ນາງຈະບໍ່ຄ່ອຍມັກຂໍຄວາມ ຊ່ວຍເຫລືອຈາກໃຜງ່າຍໆຖ້າບໍ່ໜັກ ໜາແທ້ໆ ອາດຈະເປັນຍ້ອນນາງບໍ່ ຢາກໃຫ້ໃຜມາເບິ່ງວ່ານາງອ່ອນແອ ຈຶ່ງພະຍາຍາມເຮັດທຸກຢ່າງດ້ວຍໂຕ ເອງ ອາດຈະມີບາງເລື່ອງທີ່ບໍ່ໄດ້ຊຳ ນານ ແຕ່ນາງກໍເກັ່ງເລື່ອງການຫາ ເຕັກນິກວິທີຕ່າງໆມາແກ້ໄຂບັນຫາ.

     2. ມີເຫດຜົນ :  ຈະງາມ, ຈະ ເກັ່ງ, ຈະມີຄວາມສາມາດຂະໜາດ ໃດ,​ ແຕ່ຖ້າເປັນຄົນບໍ່ມີເຫດຜົນນີ້ກໍບໍ່ ມີປະໂຫຍດເລີຍ ຈະຂຶ້ນຊື່ວ່າເປັນ ແມ່ຍິງເກັ່ງ ບໍ່ແມ່ນເກັ່ງແຕ່ເລື່ອງ ວຽກເທົ່ານັ້ນ, ແຕ່ຕ້ອງເກັ່ງເລື່ອງ ການໃຊ້ຊີວິດນຳ, ບໍ່ເອົາໂຕເອງເປັນ ສູນກາງຂອງຈັກກະວານ, ຮັບຟັງ ຄົນອື່ນ, ບໍ່ຫງິດຫງິດໂວຍວາຍ, ແຕ່ ເວົ້າຈາດ້ວຍເຫດຜົນ ຖ້າເປັນຄົນ ເກັ່ງ ແຕ່ບໍ່ມີໃຜເອົາກໍບໍ່ດີຄືກັນ.

     3. ບໍ່ສົນໃຈ, ບໍ່ເອົາໃຈໃສ່ : ພວກ ນາງບໍ່ໄດ້ເປັນຄົນບໍ່ເອົາໃຜ ຫລື ບໍ່ ສົນໃຈຫຍັງຈັກຢ່າງ, ແຕ່ເລື່ອງໃດ ທີ່ມັນບໍ່ມີສາລະຈົນເກີນໄປ ພວກ ນາງກໍບໍ່ໄດ້ເມົາເສຍເວລາມານັ່ງຄິດ ນ້ອຍຄິດໃຫຍ່, ສູ້ເອົາເວລາໄປເຮັດ ວຽກຈະດີກ່ວາ ແລະ ນາງພວກຍັງ ຄິດອີກວ່າການຢູ່ຄົນດຽວກໍອາດຈະ ດີກ່ວາການມີໝູ່ບໍ່ດີ, ມີແຟນບໍ່ດີ ແລະ ຍິ່ງຖ້າຄວາມສຳພັນນັ້ນມັນ ປ່ຽນໄປ ຫລື ບໍ່ເປັນດັ່ງທີ່ຫວັງໄວ້ ຄົນທີ່ຕ້ອງເສຍໃຈກໍແມ່ນນາງເອງ ນາງຈຶ່ງເລືອກທີ່ຈະບໍ່ເອົາໂຕເອງໄປ ຜູກໄວ້ກັບໃຜ ຖືເປັນການສ້າງພູມ ຕ້ານທານໃຫ້ຕົນເອງ.

     4. ເຕັມທີ່ກັບທຸກເລື່ອງ : ຫລາຍ ຄົນອາດຈະຄິດວ່າຄົນເຫລົ່ານີ້ຈະ ຕ້ອງບ້າວຽກ, ບ້າຮຽນແນ່ນອນ,​ ແຕ່ບໍ່ແມ່ນເລີຍ ເພາະນອກຈາກ ພວກນາງຈະຮຽນ ຫລື ເຮັດວຽກ ຢ່າງເຕັມທີ່ແລ້ວ ເລື່ອງຫລິ້ນພວກ ນາງກໍຈິງຈັງຄືກັນ ບໍ່ວ່າຈະແມ່ນ ເລື່ອງກິນ ເລື່ອງທ່ຽວ ຫລື ກິດຈະ ກຳສັງສັນຕ່າງໆ ບາງຄົນເລີກວຽກ ແລ້ວກໍໄປສູນອອກກຳລັງກາຍ ຈົນ ມີໜ້າທ້ອງແປງາມກໍມີ ແລະ ນາງ ຍັງເປັນຄົນທີ່ບໍລິຫານເວລາໄດ້ດີ ເລີດນຳອີກ.

     5.​ ກ້າເວົ້າຂໍໂທດ ແລະ ຂອບໃຈ ການເຮັດເລື່ອງທີ່ຜິດພາດ ຫລື ຕ້ອງ ເອີ່ຍປາກຂໍຄວາມຊ່ວຍເຫລືອຈາກ ຄົນອື່ນ ມັນບໍ່ແມ່ນເລື່ອງໜ້າອາຍ ດອກ ໃຜໆກໍເຄີຍຜິດພາດຄືກັນໝົດ, ແຕ່ຖ້າຜິດແລ້ວບໍ່ຂໍໂທດ ໜ້າອາຍ ຍິ່ງກ່ວາ. ທາງທີ່ດີຝຶກເວົ້າຂໍໂທດ ແລະ ຂອບໃຈ ໃຫ້ຕິດປາກໄວ້ຈະດີ ກ່ວາ.

     6. ຮຽນຮູ້ສິ່ງໃໝ່ຢູ່ຕະຫລອດ : ບໍ່ເຮັດໂຕເປັນນຳ້ເຕັມຈອກ ເຖິງວ່າ ນາງເອງຈະເປັນຄົນເກັ່ງ, ມີຄວາມ ສາມາດຢູ່ແລ້ວ ນາງກໍພ້ອມທີ່ຈະ ຮຽນຮູ້ສິ່ງໃໝ່ໆ ແລະ ຂົນຂວາຍຫາ ຄວາມຮູ້ຢູ່ສະເໝີ ເພາະນາງເຊື່ອວ່າ ການພັດທະນາຕົນເອງຈະເປັນໂອ ກາດທີ່ເຮັດໃຫ້ນາງໄດ້ເຕີບໃຫຍ່, ພັດທະນາໂຕເອງນຳໜ້າຄົນອື່ນໆ ໄດ້.

     7. ໃຊ້ເວລາຢ່າງກຸ້ມຄ່າ : ນາງ ຈະໃຊ້ທຸກນາທີຢ່າງກຸ້ມຄ່າ ບໍ່ມີດອກ ທີ່ຈະມານັ່ງເສຍເວລາຫລິ້ນເຟສບຸກ ຫລື ຈັບກຸ່ມລົມກັນກັບໝູ່ມື້ລະເປັນ ຊົ່ວໂມງ, ນາງຈະວາງແຜນການ ເຮັດວຽກທຸກເເທື່ອ ແລະ ຕັ້ງເປົ້າ ໝາຍບໍ່ວ່າຈະເປັນເປົ້າໝາຍໄລຍະ ສັ້ນ ຫລື ໄລຍະຍາວ, ແຕ່ຈະໃຊ້ເວ ລາເຮັດວຽກຢ່າງມີປະສິດທິພາບທີ່ ສຸດ ເພື່ອທີ່ຈະກັບໄປໃຫ້ເວລາກັບ ຄອບຄົວ ຫລື ໄປເຮັດຢ່າງອື່ນທີ່ມີ ປະໂຫຍດ.

     8. ບໍ່ໝົກໝຸ້ນເລື່ອງຄວາມຮັກ : ເຖິງວ່າຈະຍັງບໍ່ທັນມີແຟນເປັນໂຕ ເປັນຕົນ ນາງກໍບໍ່ໄດ້ແລ່ນຫາຄວາມ ຮັກແຕ່ຢ່າງໃດ ເພາະນາງຮູ້ດີວ່າ ແມ່ຍິງທີ່ເກັ່ງ ແລະ ມີຄວາມສາມາດ ຈະເປັນສະເໜ່ທີ່ດຶງດູດຜູ້ຊາຍໄດ້, ເຮັດໂຕເອງໃຫ້ມີຄຸນຄ່າເອົາໄວ້ ແລ້ວຜູ້ຊາຍກໍເຂົ້າມາຫາເອງ ບໍ່ຈຳ ເປັນຕ້ອງເອົາເວລາທີ່ມີຄ່າໄປແລ່ນ ນຳຜູ້ຊາຍກໍສາມາດມີຄວາມສຸກໄດ້ ຄືກັນ.