ໂບອິ້ງໂຈະການສົ່ງມອບເຮືອບິນ 737 ແມັກໃຫ້ລູກຄ້າ

ໂບອິ້ງໂຈະການສົ່ງມອບເຮືອບິນ 737 ແມັກໃຫ້ລູກຄ້າ - advert banner 728 90 728x90 - ໂບອິ້ງໂຈະການສົ່ງມອບເຮືອບິນ 737 ແມັກໃຫ້ລູກຄ້າ

      ​ໂບອິ້ງ ບໍລິສັດ​ຍັກ​ໃຫຍ່​ດ້ານ​ອາກາດ​ຂອງ​ອາ​ເມ​ລິ​ກາ ກ່າວ​ໃນ​ວັນ​ທີ 14 ມີນາ​ວ່າ: ທາງ​ບໍລິສັດ​ໄດ້​ສັ່ງ​ໂຈະ​ການ​ສົ່ງ​ມອບ​ເຮືອບິນ​ໂດຍສານ 737 ​ແມັກ ​ເຊິ່ງ​ເປັນ​ຮຸ້ນ​ຂາຍ​ດີ​ທີ່​ສຸດ​ໃຫ້​ບັນດາ​ລູກ​ຄ້າ​ທີ່​ສັ່ງ​ຊື້​ໄວ້. ຂະນະ​ທີ່ ​ເຈົ້າໜ້າ​ທີ່​ສອບ​ສວນ​ຂອງຝຣັ່ງ ​ໄດ້​ຮັບ​ກັບ​ດຳ​ຂອງ​ສາຍ​ການບິນ​​ເອທິ​ໂອ​ປີ ​ແອນ​ລາຍ ທີ່​ເກີດ​ອຸປະຕິ​ເຫດ​ຕົກ ຂ້າ​ຊີວິດ​ຜູ້​ໂດຍສານ ​ແລະ ຈຸ​ບິນ 157 ຄົນ.

      ​ໂຄສົກ​ຂອງ​ບໍລິສັດ​ໂບອິ້ງ ກ່າວ​ວ່າ: ທາງ​ບໍລິສັດ​ຂໍ​ໂຈະ​ການ​ສົ່ງ​ມອບ​ເຮືອບິນ 737 ​ແມັກ​ໃຫ້​ລູກ​ຄ້າ​ຊົ່ວຄາວ ຈົນ​ກວ່າ​ຈະ​ສາມາດ​ຫາ​ຂໍ້​ສະຫລຸບ​ໄດ້. ທ່ານ​ກ່າວ​ອີກ​ວ່າ: ບໍລິສັດ​ຈະ​ຍັງ​ຜະລິດ​ເຮືອບິນ​ຕໍ່​ໄປ, ​ແຕ່​ພວມ​ຕີ​ລາຄາ​ຄວາມ​ສາມາດ​ຂອງ​ບໍລິສັດ​ຢູ່. ອຸປະຕິ​ເຫດ​ທີ່​ເກີດ​ຂຶ້ນຕໍ່​ສາຍ​ການບິນ​ຂອງ​ເອທິ​ໂອ​ປີ ​ເຊິ່ງ​ເປັນ​ເຫດ​ເຮືອບິນ​ຮຸ້ນ​ນີ້​ຕົກ​ເປັນຄັ້ງທີ 2 ​ໃນ​ຮອບ 5 ​ເດືອນ ​ເຮັດ​ໃຫ້​ຫລາຍ​ປະ​ເທດ​ທົ່ວ​ໂລກສັ່ງ​ໂຈະ​ການ​ໃຊ້​ເຮືອບິນ 737 ​ແມັກ ​ແລະ ບາງ​ປະ​ເທດ​ຫ້າມ​ເຮືອບິນ​ຮຸ້ນ​ນີ້​ບິນ​ຜ່ານນ່ານຟ້າ​ຂອງ​ປະ​ເທດ​ຕົນ. ຂະນະ​ດຽວ​ກັນ ບໍລິສັດ​ໂບອິ້ງ, ໜ່ວຍ​ງານ​ເບິ່ງ​ແຍງ​ດ້ານ​ການບິນ ​ແລະ ສາຍ​ການບິນ​ຕ່າງໆ ຕ້ອງ​ພະຍາຍາມ​ຫາ​ທາງ​ແກ້​ໄຂ​ບັນຫາ​ນີ້. ທາງ​ດ້ານ​ສຳນັກງານ​ຄວາມ​ປອດ​ໄພ​ທາ​ງອາກາດ ຫລື BEA ຂອງຝຣັ່ງ ​ແຈ້ງ​ຢືນຢັນ​ວ່າ: ​ໄດ້​ຮັບ​ກັບ​ດຳ​ທັງ 2 ກັບ​ຂອງ​ເຮືອບິນ​ທີ່​ຕົກ​ແລ້ວ, ​ເຮືອບິນ​ລຳ​ນີ້​ຫາ​ກໍ​ໃຊ້​ງານ​ໄດ້​ພຽງ 4 ​ເດືອນ ​ແລະ ຕົກ​ຫລັງ​ຈາກ​ບິນ​ຂຶ້ນຈາກ​ສະໜາມ​ບິນ​ໃນ​ນະຄອນຫລວງ​ແອດ​ດິສອາ​ບາ​ບາ ຂອງ​ເອທິ​ໂອ​ປີ ​ໃນ​ວັນ​ທີ 10 ມີນາ​ຜ່ານ​ມາ ບໍ່​ເທົ່າ​ໃດ​ນາທີ. BEA ກ່າວ​ວ່າ: ​​ເຈົ້າໜ້າ​ທີ່​ສອບ​ສວນ​ຂອງ BEA ຈະ​ພະຍາຍາມ​ດຶງ​ຂໍ້​ມູນ​ຈາກ​ກັບ​ບັນທຶກ​ສຽງ​ໃນ​ຫ້ອງ​ນັກ​ບິນ​ກັບ​ກັບ​ບັນທຶກຂໍ້​ມູນ​ການບິນ ​ເພື່ອ​ໃຊ້​ເປັນ​ຂໍ້​ມູນ​ໃນ​ການ​ຫາ​ສາ​ເຫດ​ຂອງ​ເຮືອບິນ​ຕົກ.

ໂບອິ້ງໂຈະການສົ່ງມອບເຮືອບິນ 737 ແມັກໃຫ້ລູກຄ້າ - Tiger Head 728x90 - ໂບອິ້ງໂຈະການສົ່ງມອບເຮືອບິນ 737 ແມັກໃຫ້ລູກຄ້າ
ໂບອິ້ງໂຈະການສົ່ງມອບເຮືອບິນ 737 ແມັກໃຫ້ລູກຄ້າ - 1 1 - ໂບອິ້ງໂຈະການສົ່ງມອບເຮືອບິນ 737 ແມັກໃຫ້ລູກຄ້າ
error: Content is protected !!