ອະນາຄົດ ໂຊລຊາ ກັບສັນຍາຈາກ ແມນຢູ

ອະນາຄົດ ໂຊລຊາ ກັບສັນຍາຈາກ ແມນຢູ - advert banner 728 90 728x90 - ອະນາຄົດ ໂຊລຊາ ກັບສັນຍາຈາກ ແມນຢູ

      ​ເດ​ລີ ​ເມວ ສື່​ຂອງ​ອັງກິດ ລາຍ​ງານ​ກ່ຽວ​ກັບ​ອະນາຄົດ​ຂອງ ​ໂອ​ເລ່ ກຸນ​ນາ ​ໂຊ​ລຊາ ຜູ້​ຈັດການ​ທີ​ມຂອງ ​ແມນ​ເຊັສ​ເຕີ ຢູ​ໄນ​ເຕັດ ​ໂດຍ​ບອກ​ວ່າ​ຈົນ​ຮອດ​ຕອນ​ນີ້ ​ໂຊ​ລຊາ ຍັງ​ບໍ່​ໄດ້​ຮັບ​ສັນຍາ​ກ່ຽວ​ກັບ​ຈະ​ໄດ້​ປ່ຽນ​ແປງ​ໄປ​ເປັນ​ຜູ້​ຈັດການ​ທີ​ມ​ແບບ​ຖາວອນ ​ເຊັ່ນ​ດຽວ​ກັບ ​ໄມ ຟີ​ແລນ ມື​ຂວາ​ຂອງ ​ໂຊ​ລຊາ ທີ່​ອະນາຄົດ​ຍັງ​ບໍ່​ຮູ້​ວ່າ​ຈະ​ເປັນ​​ແນວ​ໃດຕໍ່​ໄປ.

ອະນາຄົດ ໂຊລຊາ ກັບສັນຍາຈາກ ແມນຢູ - new3 - ອະນາຄົດ ໂຊລຊາ ກັບສັນຍາຈາກ ແມນຢູ

      ຫລັງ​ຈາກ​ຖືກ​ດຶງ​ເຂົ້າມາ​ຄຸມ ​ແມນ​ເຊັສ​ເຕີ ຢູ​ໄນ​ເຕັດ ​ແບບ​ກະທັນຫັນ ​ໃນ​ວັນ​ທີ 19 ທັນວາ​ຜ່ານ​ມາ ​ໂຊ​ລຊາ ​ກໍ​ສ້າງ​ຜົນງານ​ໄດ້​ເໜືອ​ຄວາມ​ຄາດໝາຍ​ຂອງ​ຫລາຍ​ຄົນ ​ໂດຍ​ການ​ພາ​ທີ​ມຊະນະ​ເຖິງ 14 ​ເກ​ມ ຈາກ​ທັງ​ໝົດ 18 ​ເກ​ມ​ໃນ​ທຸກ​ລາຍການ ​ແລະ ຍັງ​ສາມາດ​ພາ​ທີ​ມ​ເຂົ້າ​ເຖິງ​ຮອບ​ກ່ອນ​ຮອງ​ຊະນະ​ເລີດ​ຂອງ ຢູຟາ ​ແຊມ​ປ້ຽນລີກ ​ໄດ້​ນຳ​ອີກ.

       ຜົນງານ​ອັນ​ສຸດ​ຍອດ​ຂອງ ​ໂຊ​ລຊາ ​ເຮັດ​ໃຫ້​ຫລາຍ​ຄົນ​ເບິ່ງ​ວ່າ​ລາວ​ຈະ​ໄດ້​ຄຸມ ​ແມນ​ເຊັສ​ເຕີ ຢູ​ໄນ​ເຕັດ ​ແບບ​ຖາວອນ​ໄດ້​ແລ້ວ ​ເຊິ່ງກ່ອນ​ໜ້າ​ນີ້​ເບິ່ງ​ຄື​ວ່າ​ຈະ​ເປັນ​ແນວ​ນັ້ນ​ແທ້ ​ເພາະ​ມີ​ຂ່າວ​ລື​ວ່າ ​ແມນ​ເຊັສ​ເຕີ ຢູ​ໄນ​ເຕັດ ກຽມ​ຈະ​ປະກາດ​ແຕ່ງຕັ້ງລາວ​ເປັນ​ຜູ້​ຈັດການ​ທີ​ມ​ແບບ​ຖາວອນ​ໃນຊ່ວງ​ການ​ແຂ່ງຂັນ​ທີ​ມຊາດ​ກຳລັງ​ຈະ​ມາ​ເຖິງ.

ອະນາຄົດ ໂຊລຊາ ກັບສັນຍາຈາກ ແມນຢູ - lattana 1 - ອະນາຄົດ ໂຊລຊາ ກັບສັນຍາຈາກ ແມນຢູ

       ​ເຖິງ​ຢ່າງ​ໃດ​ກໍ​ຕາມ, ຫລ້າ​ສຸດ ​ເດ​ລີ ​ເມ​ວ ລາຍ​ງານ​ວ່າ ຄວາມ​ຈິງ​ແລ້ວ​ມາ​ຮອດ​ຕອນ​ນີ້ ຜູ້​ບໍລິຫານ​ຂອງ ​ແມນ​ເຊັສ​ເຕີ ຢູ​ໄນ​ເຕັດ ຍັງ​ບໍ່​ໄດ້​ມອບ​ສັນຍາ​ການ​ຄຸມ​ທີ​ມ​ແບບ​ຖາວອນ​ໃຫ້ ​ໂຊ​ລຊາ ພິຈາລະນາ​ເທື່ອ ​ເພາະ​ພວກ​ເຂົາ​ຍັງ​ຢາກ​ພິຈາລະນາ​ຕົວ​ເລືອກ​ໃຫ້​ລະອຽດ​ຖີ່​ຖ້ວນ​ກ່ອນ. ນອກຈາກ​ນີ້ ​ໄມ ຟີ​ແລນ ມື​ຂວາ​ຂອງ ​ໂຊ​ລຊາ ​ເປັນ​ອີກ​ຄົນ​ໜຶ່ງ​ທີ່​ຍັງ​ບໍ່​ໄດ້​ຮັບ​ການ​ຢືນຢັນ​ຈາກ ​ແມນ​ເຊັສ​ເຕີ ຢູ​ໄນ​ເຕັດ ວ່າ​ຈະ​ໄດ້​ເຮັດ​ວຽກ​ກັບ​ທີ​ມຕໍ່​ໄປ ຫລື ບໍ່.

error: Content is protected !!