ບາເຢິນ ອາດບໍ່ຊື້ຂາດ ຮາເມສ

- advert banner 728 90 728x90 - ບາເຢິນ ອາດບໍ່ຊື້ຂາດ ຮາເມສ

      ​ເອລ ກອນ​ຟິ​ເດນ​ຊຽວ ສື່​ຂອງ​ສະ​ເປ​ນ ລາຍ​ງານ​ວ່າ ບາ​ເຢິນ ອາດ​ຈະ​ບໍ່ຊື້ຂາດ ຮາ​ເມສ ​ໂຣດຣິ​ເກ ມິດ​ຟິລທີ່​ເຊົ່າ​ມາ​ຈາກ ຣີລ ມາດຣິດ ​ແລ້ວ. ຂະນະ​ທີ່ ຊີ​​ເນ​ດິນ ຊີ​ດານ ຜູ້​ຈັດການ​ທີ​ມ ຣີລ ມາດຣິດ ບໍ່​ຄິດ​ທີ່​ຈະ​ໃຊ້​ງານ​ລາວ​ຄື​ກັນ.

- lattana 1 - ບາເຢິນ ອາດບໍ່ຊື້ຂາດ ຮາເມສ

      ອະນາຄົດ​ຂອງ ​ໂຣດຣິ​ເກ ​ເຕັມ​ໄປ​ດ້ວຍ​ຄວາມ​ບໍ່​ແນ່ນອນ​ໃນ​ໄລ​ຍະ​ຜ່ານ​ມາ ​ເພາະ​ຫລັງ​ຈາກ​ລະດູ​ການ​ກ່ອນ​ສ້າງ​ຜົນງານ​ໄດ້​ດີ​ຈົນ​ເຮັດ​ໃຫ້ ບາ​ເຢິນ ຈະ​ຊື້ຂາດ​ຕາມ​ເງື່ອນ​ໄຂ​ທີ່​ຕັ້ງ​ໄວ້ ດ້ວຍ​ຄ່າ​ຕົວ 43 ລ້ານ​ເອີ​ໂຣ ​ແຕ່​ຕອນ​ນີ້​ລາວ​ບໍ່​ໄດ້​ເປັນ​ກຳລັງ​ຫລັກ​ຂອງ​ທີ​ມອີກ​ຕໍ່​ໄປ ​ແລະ ຍັງ​ລື​ກັນ​ວ່າ ລາວ​ມີ​ການ​ພົວພັນ​ບໍ່​ຄ່ອຍ​ດີ​ກັບ ນິ​ໂກ້ ​ໂຄ​ວັດ ຄູ​ຝຶກ​ຄົນ​ປັດຈຸບັນ​ຂອງ ບາ​ເຢິນ.

       ​ເຖິງ​ວ່າ​ກ່ອນ​ໜ້າ​ນີ້​ຈະ​ມີ​ຂ່າວ​ລື​ວ່າ ບາ​ເຢິນ ຍັງ​ຄິດ​ຈະ​ຊື້ຂາດ​ລາວ​ຢູ່ ​ແຕ່​ຫລ້າ​ສຸດ ​ເອລ ກອນ​ຟິ​ເດນ​ຊຽວ ລາຍ​ງານ​ວ່າ ທີ​ມດັງ​ຂອງ​ແຄວ້ນ​ບາ​ວາ​ເຣຍອາດ​ຈະ​ບໍ່ຊື້ລາວ​ແລ້ວ ​ເຊິ່ງຈະ​ເຮັດ​ໃຫ້ ​ໂຣດຣິ​ເກ ຕ້ອງ​ກັບ​ໄປ​ຢູ່​ກັບ ຣີລ ມາດຣິດ ​ໂດຍ​ສື່​ດັ່ງກ່າວ​ລາຍ​ງານ​ອີກ​ວ່າ ຊີ​ເນ​ດິນ ຊີ​ດານ ຄູ​ຝຶກ ຣີລ ມາດຣິດ ບໍ່​ຄິດ​ຈະ​ໃຊ້​ງານ​ລາວ​ແຕ່​ຢ່າງ​ໃດ ສົ່ງ​ຜົນ​ໃຫ້ ຣີລ ມາດຣິດ ອາດ​ຈະ​ເລືອກ​ຂາຍ​ດາວ​ເຕະ​ຊາວ​ໂຄ​ລອມ​ເບຍ ​ແລະ ພວກ​ເຂົາ​ຈະ​ເພີ່ມ​ຄ່າ​ຕົວ​ຂອງ ​ໂຣດຣິ​ເກ ​ເປັນ 60 ລ້ານ​ເອີ​ໂຣ ນຳ​ອີກ.