ຟີຟາ ກຽມສັ່ງຫ້າມ ແມນຊິຕີ້ ເສີມທັບ

ຟີຟາ ກຽມສັ່ງຫ້າມ ແມນຊິຕີ້ ເສີມທັບ - advert banner 728 90 728x90 - ຟີຟາ ກຽມສັ່ງຫ້າມ ແມນຊິຕີ້ ເສີມທັບ

      ສະຫະພັນ​ບານ​ເຕະ​ນາໆ​ຊາດ (ຟີ​ຟາ) ກຽມ​ຈະ​ປະກາດ​ຫ້າມ ​ແມນ​ເຊັສ​ເຕີ ຊິ​ຕີ້ ສະ​ໂມ​ສອນ​ມະຫາ​ເສດຖີ​ແຫ່ງ ພຣີ​ເມຍ​ລີກ ອັງກິດ ລົງທະບຽນ​ນັກ​ເຕະ​ທີ່​ຊື້ມາ​ໃໝ່ ຫລື ກົດ​ຫ້າມ​ເສີມ​ທັບ ​ໃນ​ຕະຫລາດ​ຊື້-ຂາຍ​ນັກ​ເຕະ ​ເປັນ​ເວລາ 2 ຊ່ວງ ພາຍ​ໃນ 1 ຫລື 2 ອາທິດ​ຫລັງ​ຈາກ​ນີ້. ຕາມ​ລາຍ​ງານ​ຂອງ ​ເດິ ຊັນ ສື່​ຊື່​ດັງ​ຂອງ​ອັງກິດ.

ຟີຟາ ກຽມສັ່ງຫ້າມ ແມນຊິຕີ້ ເສີມທັບ - lattana 1 - ຟີຟາ ກຽມສັ່ງຫ້າມ ແມນຊິຕີ້ ເສີມທັບ

      ​ແມນ​ເຊັສ​ເຕີ ຊິ​ຕີ້ ຕົກ​ເປັນ​ຂ່າວ​ກ່ຽວ​ກັບ​ການ​ຖືກ​ຫ້າມ​ຈາກ​ການ​ຊື້ນັກ​ເຕະ​ມາ​ໄລຍະ​ໜຶ່ງ​ແລ້ວ ຫລັງ​ຈາກ​ທີ່​ມີ​ການ​ກ່າວ​ຫາ​ວ່າ ພວກ​ເຂົາ​ດຶງ​ນັກ​ເຕະ​ອາຍຸ​ຕໍ່າ​ກວ່າ​ເກນ​ມາ​ຮ່ວມ​ທີ​ມ ທັງ​ທີ່​ນັກ​ເຕະ​ຄົນ​ນັ້ນ ບໍ່​ຜ່ານ​ເງື່ອນ​ໄຂ​ຕາມ​ທີ່ ຟີ​ຟາ ຕັ້ງ​ເອົາ​ໄວ້ ຄື​ກັບ​ກໍລະນີ​ທີ່ ​ເຊ​ລຊີ ຖືກ​ລົງ​ໂທດ​ໃນ​ເດືອນ​ກຸມພາ​ຜ່ານ​ມາ.

      ​ແຫ​ລ່ງຂ່າວທີ່​ອ້າງ​ວ່າ​ເປັນ​ວົງ​ໃນ​ຂອງ ຟີ​ຟາ ບອກ​ກັບ ​ເດິ ຊັນ ວ່າ: ຟີ​ຟາ ກຳລັງ​ສອບ​ສວນ ຊິ​ຕີ້ ​ໃນ​ຖານະ​ສ່ວນ​ໜຶ່ງ​ຂອງ​ການ​ສອບ​ສວນ​ໄລຍະ​ຍາວ, ພວກ​ເຮົາ​ຄາດ​ວ່າ​ຈະ​ມີ​ການ​ປະກາດ​ບົດ​ລົງ​ໂທດ​ຂອງ ຊິ​ຕີ້ ​ເຊິ່ງຄ້າຍຄື ​ເຊ​ລຊີ ພາຍ​ໃນ​ອີກ 1 ຫລື 2 ອາທິດ.

       ສື່​ດັ່ງກ່າວ​ລາຍ​ງານ​ອີກ​ວ່າ: ​ແມນ​ເຊັສ​ເຕີ ຊິ​ຕີ້ ອາດ​ຈະ​ຖືກ​ລົງ​ໂທດ​ເພີ່ມ​ໃນ​ອະນາຄົດ​ນຳ​ອີກ ​ເພາະ​ຕອນ​ນີ້ ຟີ​ຟາ ກຳລັງ​ກຽມ​ຈະ​ສອບ​ສວນ​ພວກ​ເຂົາ​ເພີ່ມ​ອີກ​ຄະດີ​ໜຶ່ງ ​ໂດຍ​ກ່ອນ​ໜ້າ​ນີ້ ​ແມນ​ເຊັສ​ເຕີ ຊິ​ຕີ້ ມີ​ແຜນ​ຈະ​ມີ​ການ​ເສີມ​ທັບ​ໃນ​ຊ່ວງ​ໜ້າ​ຮ້ອນ​ນີ້ ດ້ວຍ​ວົງ​ເງິນ 150 ລ້ານ​ປອນ.

ຟີຟາ ກຽມສັ່ງຫ້າມ ແມນຊິຕີ້ ເສີມທັບ - 1 1 - ຟີຟາ ກຽມສັ່ງຫ້າມ ແມນຊິຕີ້ ເສີມທັບ

       ສຳລັບ ກົດ​ຫ້າມ​ເສີມ​ທັບ ນັ້ນ ທີ​ມທີ່​ຖືກ​ລົງ​ໂທດ​ແບບ​ນີ້​ຍັງ​ສາມາດ​ດຶງ​ນັກ​ເຕະ​ມາ​ຮ່ວມ​ທີ​ມ​ໄດ້​ຢູ່ ພຽງ​ແຕ່​ພວກ​ເຂົາ​ຈະ​ບໍ່​ສາມາດ​ລົງທະບຽນ​ນັກ​ເຕະ​ຄົນ​ນັ້ນ​ໄດ້ ກ່ອນ​ທີ່​ບົດ​ລົງ​ໂທດ​ຈະ​ໝົດ​ລົງ. ຍົກ​ຕົວຢ່າງ​ເຊັ່ນ ບາ​ເຊ​ໂລ​ນາ ທີ່​ເຄີຍ​ດຶງ ອາ​ດ້າ ຕູຣານ ​ແລະ ອາ​ເລັກ ບິ​ດັລ ມາ​ຮ່ວມ​ທີ​ມ​ໃນ​ປີ 2015 ​ໃນ​ຊ່ວງ​ທີ່​ຍັງ​ຖືກ​ໂທດ​ຫ້າມ​ຢູ່ ​ເຊິ່ງໝາຍ​ຄວາມ​ວ່າ​ທັງ​ສອງ​ບໍ່​ສາມາດ​ລົງ​ຫລິ້ນ​ໃຫ້ ບາ​ເຊ​ໂລ​ນາ ​ໄດ້ ຈົນກວ່າ​ໂທດ​ຫ້າມ​ຈະ​ໝົດ​ລົງ.