ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ເປີດ​ນຳ​ໃຊ້​ລະ​ບົບ​ຫ້ອງ​ການ​ທັນ​ສະ​ໄໝ

ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ເປີດ​ນຳ​ໃຊ້​ລະ​ບົບ​ຫ້ອງ​ການ​ທັນ​ສະ​ໄໝ - advert banner 728 90 728x90 - ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ເປີດ​ນຳ​ໃຊ້​ລະ​ບົບ​ຫ້ອງ​ການ​ທັນ​ສະ​ໄໝ

ໃນ​ວັນ​ທີ 15 ມີ​ນາ 2019 ທີ່​ນະ​ຄອນ​ຫລວງວຽງ​ຈັນ, ກະ​ຊວງ​ໄປ​ສະ​ນີ​ ໂທ​ລະ​ຄົມມະ​ນາ​ຄົມ ແລະ ການ​ສື່​ສານ(ປ​ທ​ສ) ໄດ້​ເປີດ​ກາ​ນຳ​ໃຊ້​ລະ​ບົບ​ຫ້ອງ​ການ​ທັນ​ສະ​ໄໝ ຫລື E-Office ໂດຍໄດ້ຮັບການຮ່ວມມືຈາກບໍລິສັດໄປສະນີ, ໂທລະຄົມມະນາຄົມ ສສ ຫວຽດນາມ, ເຊິ່ງປະກອບມີ: ລະ​ບົບ​ຄຸ້ມ​ຄອງ ແລະ ຈັດ​ເກັບ​ເອ​ກະ​ສານ ທີ່​ສາ​ມາດ​ຕິດ​ຕາມ​ເອ​ກະ​ສານ​ຂາ​ອອກ-ຂາ​ເຂົ້າ, ການ​ຄົ້ນ​ຫານ​ເອ​ກະ​ສານ ແລະ ລາຍ​ງານ​ເອ​ກະ​ສານ​ແຕ່​ລະ​ໄລ​ຍະ​; ລະ​ບົບ​ຄຸ້ມ​ຄອງ​ການມອບ​ວຽກ; ລະ​ບົບ​ສ້າງວຽກ​ງານ​ສະ​ເພາະ​ກິດ​ໃດ​ໜຶ່ງ; ລະ​ບົບ​ການ​ສ້າງ​ຕາ​ຕະ​ລາງ​ການ​ເຄື່ອນ​ໄຫວ​ຂອງ​ຫ້ອງ​ການ; ລະ​ບົບ​ຄຸ້ມ​ຄອງ ແລະ ບໍ​ລິ​ຫານ​ຫ້ອງ​ປະ​ຊຸມ ແລະ ລະ​ບົບ​ສົນ​ທະ​ນາ​ພາຍ​ໃນ​ຫ້ອງ​ການ.

ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ເປີດ​ນຳ​ໃຊ້​ລະ​ບົບ​ຫ້ອງ​ການ​ທັນ​ສະ​ໄໝ - lattana 1 - ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ເປີດ​ນຳ​ໃຊ້​ລະ​ບົບ​ຫ້ອງ​ການ​ທັນ​ສະ​ໄໝ

​ທ່ານ ທັນ​ສະ​ໄໝ​ ກົມ​ມະ​ສິດ ລັດ​ຖະ​ມົນ​ຕີ​ກະ​ຊວງດັ່ງກ່າວມີຄໍາເຫັນວ່າ: ການ​ພັດ​ທະ​ນາ​ລະ​ບົບ​ບໍ​ລິ​ຫານ​ລັດ ດ້ວຍ​ເອ​ເລັກ​ໂຕ​ຣ​ນິກ ບໍ່​ພຽງ​ແຕ່​ເປັນ​ການ​ປັບ​ປຸງ​ປະ​ສິດ​ທິ​ພາບ ແລະ ປະ​ສິດ​ທິ​ຜົນ​ຂອງ​ການ​ບໍ​ລິ​ຫານ​ລັດ​ເທົ່າ​ນັ້ນ ແຕ່​ຍັງ​ເປັນ​ການ​ສ້າງ​ໂອ​ກາດ ໃຫ້​ທຸກ​ພາກ​ສ່ວນ​ໃນ​ສັງ​ຄົມ ສາ​ມາດ​ເຂົ້າ​ເຖິງ​ການ​ບໍ​ລິ​ການ​ຂອງ​ພາກ​ລັດ ຜ່ານ​ລະ​ບົບ​ເອ​ເລັກ​ໂຕ​ຣ​ນິກ ແລະ ດິີຈິີຕອນ; ພະ​ນັກ​ງ​ານ​ລັດ​ຖະ​ກອນ​ສາ​ມາດ​ເຮັດ​ວ​ຽກ​ຮ່ວມ​ກັນ​ຢ່າງ​ມີ​ປະ​ສິດ​ທິ​ພາບ ​ເຊັ່ນ: ການ​ຊ່ວຍ​ເຫລືອ​ເຊິ່ງ​ກັນ ແລະ ກັນ, ການ​ແລກ​ປ່ຽນ​ຄວາມ​ຮູ້ ແລະ ປະ​ສົບ​ການ ຜ່ານ​ລະ​ບົບ​ການ​ສື່​ສານ​ຂໍ້​ມູນ-​ຂ່າວ​ສານ ແລະ ລະ​ບົບ​ໂປ​ຣ​ແກມ​ທີ່​ທັນ​ສະ​ໄໝ.

ທ່ານ ທັນ​ສະ​ໄໝ​ ກົມ​ມະ​ສິດ ກ່າວ​ຕື່ມວ່າ: ກະ​ຊວງ ​ປທສ ໃນ​ນາມ​ເປັນ​ຜູ້​ຄຸ້ມ​ຄອງ​ມະ​ຫາ​ພາກ ດ້ານ​ວຽກ​ງານ​ຫັນ​ໃຫ້​ເປັນ​ທັ​ນ​ສະ​ໄໝ ແລະ ດີ​ຈີ​ຕອນ ຂອງ​ລັດ​ຖະ​ບານ ຈຶ່ງໄດ້​ສ້າງ​ແຜນ​ຮ່ວມ​ມື​ກັບ ບໍ​ລິ​ສັດ VNPT ຂ​ອງ​ຫວຽດ​ນາມ ໃນ​ປີ 2015 ເຊິ່ງ​ຈຸດ​ປະ​ສົງ​ແມ່ນ​ເພື່ອ​ພັດ​ທະ​ນາ​ລະ​ບົບ​ຫ້ອງ​ການ​ທັນ​ສະ​ໄໝ ຂອງ​ກະ​ຊວງ ປ​ທ​ສ ແລະ ສ້າງ​ເປັນ​ລະ​ບົບ​ຕົວ​ແບບ​ໃນ​ການ​ນຳ​ໃຊ້​ຂອງ​ບັນ​ດາ​ກະ​ຊວງ ແລະ ຫ້ອງ​ການ​ລັດ​ຕ່າງໆ ໃນ​ການ​ຫັນ​ເປັນ​ທັນ​ສະ​ໄໝ ແລະ ດີ​ຈິີຕອນ ເຊິ່ງໝາກ​ຜົນ​ຂອງ​ການ​ຮ່ວມ​ມື​ທັງ​ສອງ​ຝ່າຍ ​ແມ່ນ​ໄດ້​ສຳ​ເລັດ​ ການ​ພັດ​ທະ​ນາ​ລະ​ບົບ​ຫ້ອງ​ການ​ທັນ​ສະ​ໄໝ​ຂອງ​ກະ​ຊວງ ປ​ທ​ສ ແລະ ເປີດນຳໃຊ້ຢ່າງເປັນທາງການໃນຄັ້ງນີ້.

ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ເປີດ​ນຳ​ໃຊ້​ລະ​ບົບ​ຫ້ອງ​ການ​ທັນ​ສະ​ໄໝ - Tiger Head 728x90 - ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ເປີດ​ນຳ​ໃຊ້​ລະ​ບົບ​ຫ້ອງ​ການ​ທັນ​ສະ​ໄໝ
ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ເປີດ​ນຳ​ໃຊ້​ລະ​ບົບ​ຫ້ອງ​ການ​ທັນ​ສະ​ໄໝ - 1 1 - ກະຊວງໄປສະນີ, ໂທລະຄົມມະນາຄົມ ແລະ ການສື່ສານ ເປີດ​ນຳ​ໃຊ້​ລະ​ບົບ​ຫ້ອງ​ການ​ທັນ​ສະ​ໄໝ
error: Content is protected !!