ລາວ​ກຽມເປີດຂະ​ບວນການ​ສັກ​ຢາ​ກັນ​ພະຍາດ​ແຫ່ງ​ຊາດ ​ເພື່ອ​ຕອບ​ໂຕ້​ການລະບາດພະຍາດຂອງໝາກ​ແດງ

- advert banner 728 90 728x90 - ລາວ​ກຽມເປີດຂະ​ບວນການ​ສັກ​ຢາ​ກັນ​ພະຍາດ​ແຫ່ງ​ຊາດ ​ເພື່ອ​ຕອບ​ໂຕ້​ການລະບາດພະຍາດຂອງໝາກ​ແດງ


ກອງ​ປະຊຸມ​ກະກຽມ​ເປີດ​ຂະ​ບວນການ​ສັກ​ຢາ​ກັນ​ພະຍາດ​ແຫ່ງ​ຊາດ ​ເພື່ອ​ຕອບ​ໂຕ້​ການລະບາດພະຍາດໝາກ​ແດງ ​ໄດ້​ມີ​ຂຶ້ນ​ໃນ​ວັນ​ທີ 15 ມີນາ ນີ້, ທີ່ ນະຄອນຫລວງ​ວຽງຈັນ, ​ໂດຍ​ການ​ເຂົ້າ​ຮ່ວມ​ຂອງ​ທ່ານ ສົມ​ດີ ດວງ​ດີ ຮອງ​ນາຍົກລັດຖະມົນຕີ, ມີ​ຜູ້ຕາງໜ້າຈາກ​ກະຊວງ ສາທາລະນະ​ສຸກ ​ແລະ ອົງການ​ສາກົນ​ເຂົ້າ​ຮ່ວມ​ນຳ​ດ້ວຍ.

- lattana 1 - ລາວ​ກຽມເປີດຂະ​ບວນການ​ສັກ​ຢາ​ກັນ​ພະຍາດ​ແຫ່ງ​ຊາດ ​ເພື່ອ​ຕອບ​ໂຕ້​ການລະບາດພະຍາດຂອງໝາກ​ແດງ

    ​ ທ່ານ ຮອງ​ນາຍົກລັດຖະມົນຕີ ​ໄດ້​ມີ​ຄຳ​ເຫັນ​ໂອ້​ລົມ​ຕໍ່ກອງ​ປະຊຸມ​ວ່າ: ​ເພື່ອ​ຕອບ​ໂຕ້​ການລະບາດພະຍາດໝາກ​ແດງ​ໃຫຍ່​ທີ່​ກຳລັງ​ລະບາດ​ໃນ​ຫລາຍ​ທ້ອງ​ຖິ່ນ​ຂອງ​ປະ​ເຮົາ, ດັ່ງນັ້ນການ​ໃຫ້​ວັກ​ຊິນ​ກັນ​ພະຍາດດັ່ງກ່າວ ​ແມ່ນ​ມາດ​ຕະການ​ອັນ​ດຽວທີ່​ມີ​ປະສິດທິພາບ​ທີ່​ສຸດ ​ເພື່ອ​ໂຕ້​ຕອບ​ຕໍ່ການລະບາດຂອງມັນ, ​ເຊິ່ງຄາດ​ວ່າ​ໃນ 2 ​ເດືອນ​ຂ້າງໜ້ານີ້ ທົ່ວ​ປະ​ເທດ​ຈະ​ເປີດ​ບັ້ນ​ສັກ​ຢາວັກ​ຊິນ​ກັນ​ພະຍາດໝາກ​ແດງ​ໃຫຍ່, ໝາກ​ແດງ​ນ້ອຍ ​ໃຫ້​ເດັກນ້ອຍໃຫ້ບັນລຸ 1,8 ລ້ານ​ຄົນ ຫລື ​ເທົ່າ​ກັບ 26% ຂອງ​ປະຊາກອນ​ທົ່ວ​ປະ​ເທດ.

    ທ່ານ ລັດຖະມົນຕີ​ກະຊວງ ສາທາລະນະ​ສຸກ ​ໃຫ້​ຮູ້​ວ່າ: ຜ່ານ​ມາ ລັດຖະບານ​ໄດ້​ເອົາ​ໃຈ​ໃສ່​ຕໍ່​ການ​ສະກັດ​ກັ້ນ ພະຍາດ​ດັ່ງກ່າວ, ​ແຕ່​ກໍ​ຍັງ​ພົບ​ມີ​ການລະບາດ​ຫລາຍ​ພຶ້ນທີ່​ຄື: ປັດຈຸບັນມີ 11 ​ແຂວງ ທົ່ວ​ປະ​ເທດ, ມີລາຍ​ງານ​ອັດຕາ​ປົກ​ຄຸມ​ສັກ​ຢາ​ກັນ​ພະຍາດ ໝາກ​ແດງ, ​ແຕ່ໃນ​ນັ້ນ​ມີ 4 ​ແຂວງ​ຕ່ຳ​ກ່ວາ 70%, ຈຶ່ງ​​ເຮັດ​ໃຫ້​ຫລາຍ​ທ້ອງ​ຖິ່ນ​ມີ​ພູມ​ຕ້ານທານ​ຂອງ​ຊຸມ​ຊົນ​ຕໍ່າ, ມີ​ຄວາມ​ສ່ຽງ​ເກີດ​ການລະບາດຂອງພະຍາດດັ່ງກ່າວເຊັ່ນ: ປີ 2015 ​ເກີດຂຶ້ນຢູ່​​ແຂວງ ຫລວງນ້ຳທາ ​ແລະ ຫົວພັນ ​ແລະ ປັດຈຸບັນ​ນີ້ ກຳລັງ​ເກີດ​ຂຶ້ນຢູ່ນະຄອນຫລວງ​ວຽງຈັນ ​ແລະ ​ແຂວງ ວຽງຈັນ, ພ້ອມ​ຍັງ​ມີ​ແນວ​ໂນ້ມທີ່​ຈະ​ລະບາດ​ກ້ວາງ​ໄປ​ຍັງ​ແຂວງອື່ນໆອີກ.