ຍັງ​ມີ​ເຈົ້າຂອງ​ພາຫະນະ​ຈຳນວນ​ຫລາຍ​ບໍ່​ທັນ​ເສຍ​ຄ່າ​ທາງ​ປະຈຳ​ປີ 2019

ຍັງ​ມີ​ເຈົ້າຂອງ​ພາຫະນະ​ຈຳນວນ​ຫລາຍ​ບໍ່​ທັນ​ເສຍ​ຄ່າ​ທາງ​ປະຈຳ​ປີ 2019 - advert banner 728 90 728x90 - ຍັງ​ມີ​ເຈົ້າຂອງ​ພາຫະນະ​ຈຳນວນ​ຫລາຍ​ບໍ່​ທັນ​ເສຍ​ຄ່າ​ທາງ​ປະຈຳ​ປີ 2019

ຮອງ​ຫົວໜ້າ​ພະ​ແນ​ກສ່ວຍ​ສາ​ອາກອນ​ນະຄອນຫລວງ​ວຽງ​ຈັນ ​ໃຫ້​ຮູ້​ວ່າ: ພາຍຫລັງ​ໄດ້​ປະກາດ​ແຈ້ງ​ໃຫ້​ບຸກຄົນ, ນິຕິບຸກຄົນ ​ແລະ ອົງການ​ຈັດຕັ້ງຕ່າງໆ​ທີ່​ເປັນ​ເຈົ້າຂອງ​ພາຫະນະ​ມາ​ເສຍ​ຄ່າ​ທາງ​ປະຈຳ​ປີ 2019 ນັບ​ແຕ່​ຕົ້ນປີມາ​ນີ້, ມາ​ຮອດ​ປັດຈຸບັນ​ປາກົດ​ວ່າ​ມີ​ເຈົ້າຂອງ​ພາຫະນະ​ໄດ້​ມາ​ເສຍ​ຄ່າ​ທາງ​ພຽງ​ແຕ່​ຈຳນວນ​ແສນ​ກວ່າ​ຄັນ​ເທົ່າ​ນັ້ນ (ຈາກ​ຈຳນວນ​ທັງ​ໝົດ 4 ​ແສນ​ກວ່າ​ຄັນ) ​ແລະ ​ໄດ້​ເງິນ​ຈາກ​ການ​ເກັບ​ຄ່າ​​ທາງ​ແລ້ວ 18 ຕື້ກວ່າ​ກີບ ​ໃນ​ນີ້​ລົດຈັກ​ກວມ​ເປັນ​ສ່ວນ​ໃຫຍ່ ​ແລະ ລົດ​ສ່ວນ​ບຸກຄົນກວມ​ເປັນ​ສ່ວນ​ຫລາຍ. ​ແນວ​ໃດ​ກໍ​ຕາມ, ​ເຈົ້າຂອງ​ພາຫະນະ​ທີ່​ຍັງ​ບໍ່​ທັນ​ມາ​ເສຍ​ຄ່າ​ທາງ​ປີ​ນີ້​ຍັງ​ມີ​ຈຳນວນ​ກວ່າ 3 ​ແສນ​ຄັນ ຖ້າ​ກາຍ​ວັນ​ທີ 1 ​ເມສາ​ເປັນຕົ້ນ​ໄປ​ແມ່ນ​ຈະ​ຖືກ​ປັບ​ໄໝ​ໃນ​ອັດຕາ 0,1% ຕໍ່​ວັນ​ຂອງ​ມູນ​ຄ່າ​ເສຍ​ຄ່າ​ທາງ​ແຕ່ລະ​ປະ​ເພດ​ລົດ. ສຳລັບ​ກໍລະນີ​ເຈົ້າຂອງ​ລົດ​ຫາກ​ຍັງ​ບໍ່​ທັນ​ໄດ້​ເສຍ​ຄ່າ​ທາງ​ໃນ​ປີຜ່ານມາ​ນັ້ນ ນອກຈາກ​ໄດ້​ເສຍ​ຄືນ​ຢ້ອນ​ຫລັງ​ໃນ​ອັດຕາ​ທີ່​ກຳນົດ​ໄວ້​ແລ້ວ ຍັງ​ຈະ​ຖືກ​ປັບ​ໄໝ 60% ຂອງ​ອັດຕາ​ປີ 2017 ​ແລະ 40% ຂອງ​ອັດຕາ​ປີ 2018 ອີກ​ດ້ວຍ.

ຍັງ​ມີ​ເຈົ້າຂອງ​ພາຫະນະ​ຈຳນວນ​ຫລາຍ​ບໍ່​ທັນ​ເສຍ​ຄ່າ​ທາງ​ປະຈຳ​ປີ 2019 - lattana 1 - ຍັງ​ມີ​ເຈົ້າຂອງ​ພາຫະນະ​ຈຳນວນ​ຫລາຍ​ບໍ່​ທັນ​ເສຍ​ຄ່າ​ທາງ​ປະຈຳ​ປີ 2019

      ພະ​ແນ​ກດັ່ງກ່າວ ​ໃຫ້​ຮູ້​ວ່າ: ​ໃນ​ປີ 2017 ​ແລະ 2018 ມີ​ເຈົ້າຂອງ​ລົດ​ມາ​ເສຍ​ຄ່າ​ທາງ​ພຽງ 50% ຂອງ​ຈຳນວນ​ພາຫະນະ​ທັງ​ໝົດ ​ໄດ້​ລາຍ​ຮັບ​ເກືອບ 60 ຕື້ກີບ​ຂອງ​ແຕ່ລະ​ປີ. ສະນັ້ນ ຖ້າ​ຫາກ​ເຈົ້າຂອງ​ພາຫະນະ​ປະ​ເພດ​ຕ່າງໆ​ມາ​ເສຍ​ຄ່າ​ທາງ​ຄົບ​ທັງ​ໝົດ​ກໍ​ຈະ​ເຮັດ​ໃຫ້ການ​ເກັບ​ລາຍ​ຮັບ​ຈາກ​ວຽກ​ງານ​ດັ່ງກ່າວ​ໄດ້​ຫລາຍ​ຂຶ້ນກວ່າ​ເກົ່າ.

ຍັງ​ມີ​ເຈົ້າຂອງ​ພາຫະນະ​ຈຳນວນ​ຫລາຍ​ບໍ່​ທັນ​ເສຍ​ຄ່າ​ທາງ​ປະຈຳ​ປີ 2019 - 1 1 - ຍັງ​ມີ​ເຈົ້າຂອງ​ພາຫະນະ​ຈຳນວນ​ຫລາຍ​ບໍ່​ທັນ​ເສຍ​ຄ່າ​ທາງ​ປະຈຳ​ປີ 2019