ສ້າງເສດຖະກິດຄອບຄົວ ດ້ວຍການເຮັດສວນຊາ ຊ່ວຍແກ້ໄຂຄວາມທຸກຍາກ ຂອງຊາວເມືອງໄຊສະຖານ
ໂດຍ: ເດຊາ ກັນລະຍາ
ການເຮັດສວນຊາພວມກຳລັງເປັນຂະບວນກວ້າງ ຂວາງຂອງຊາວເມືອງໄຊສະຖານ ແຂວງໄຊຍະບູລີ ເພື່ອ ແນໃສ່ສ້າງເສດຖະກິດຄອບ ຄົວໃຫ້ຫຼຸດພົ້ນອອກຈາກ ຄວາມທຸກຍາກເທື່ອລະກ້າວ ເຊິ່ງອາຊີບນີ້ແມ່ນໄດ້ມີການ ສືບທອດກັນມາເປັນເວລາ ຍາວນານຂອງຊາວເມືອງ ດັ່ງກ່າວໃນເມື່ອກ່ອນ ແມ່ນ ປູກພຽງແຕ່ບໍລິໂພກພາຍ ໃນຄອບຄົວ, ຕ້ອງການເຮັດ ເປັນໝ້ຽງບັ້ງເພື່ອນໍາໄປ ແລກປ່ຽນສິນຄ້າ ແລະ ຊື້ຂາຍ ເລັກໆນ້ອຍໆພາຍໃນທ້ອງ ຖິ່ນເທົ່ານັ້ນ. ພາຍຫຼັງໄດ້ມີ ການສ້າງຕັ້ງ ແລະ ພັດທະ ນາເປັນເມືອງໃໝ່ຂຶ້ນໃນປີ 2009 ພັກ – ລັດຖະບານ ໄດ້ ສົ່ງເສີມໃຫ້ມີການຜະລິດສິນ ຄ້າສ້າງລາຍຮັບຂອງຄອບ ຄົວແນໃສ່ຫລຸດພົ້ນອອກຈາກຄວ່ມທຸກຍາກຂາດເຂີນໄດ້ ແລະ ກໍໂຊກດີໃນຂະນະດຽວ ກັນກໍມີບໍລິສັດຕ່າງໆໄດ້ເຂົ້າ ມາເກັບຊື້ ແລະ ຊ່ວຍຝຶກອົບ ຮົມກ່ຽວກັບການປູກ ແລະ ວິ ທີການປຸງແຕ່ງເປັນຜະລິດ ຕະພັນຊາ. ມາຮອດປັດຈຸບັນ ການເຮັດສວນຊາຢູ່ເມືອງ ດັ່ງກ່າວໄດ້ມີການຂະຫຍາຍຕົວຢ່າງກ້ວາງຂວາງ ແລະ ບາງຄອບຄົວໄດ້ຖືເອົາເປັນ ອາຊີບຫຼັກເພື່ອສ້າງເສດຖະ ກິດຂອງຕົນ, ເພື່ອທົດແທນ ໃຫ້ການເຮັດໄຮ່ແບບເລື່ອນ ລອຍເຊິ່ງປັດຈຸບັນເຫັນວ່າ ຫັນມາສ້າງການປູກຊາ ແລະ ຜະລິດຊາ ເພື່ອສົ່ງອອກສາ ມາດສ້າງລາຍຮັບເຂົ້າຄອບ ຄົວຂອງຕົນເອງໃຫ້ກຸ້ມ ຢູ່ກຸ້ມ ກິນ ແລະ ຫຼຸດພົ້ນອອກຈາກ ຄອບຄົວທຸກຍາກເທື່ອລະ ກ້າວດີຂຶ້ນ ແລະ ຊ່ວຍໃຫ້ບາງ ຄອບຄົວໄດ້ກາຍເປັນຄອບ ຄົວຕົວແບບຈາກການພັດ ທະນາດັ່ງກ່າວ.
ດັ່ງຄອບຄົວ ຂອງທ່ານ ບຸນທ່ຽງ ມ່ວນມະນີ ອາຍຸ 49 ປີ ປັດຈຸບັນຢູ່ບ້ານສະແມດ ໃຫຍ່ ເມືອງໄຊສະຖານ ໃນ ຄອບຄົວມີສະມາຊິກທັງໝົດ 7 ຄົນ, ໃນນັ້ນມີແຮງງານ ຕົ້ນຕໍ 2 ຄົນ, ເຊິ່ງໄດ້ຢຶດຖືອາ ຊີບເຮັດສວນຊາມາຫຼາຍປີ ແລ້ວຈາກການເຮັດໄຮ່ແບບ ເລື່ອນລອຍໃນເມື່ອກ່ອນເພື່ອ ເກັບເອົາໃບມາເຮັດເປັນໝ້ຽງ ບັ້ງແລ້ວນໍາໄປຂາຍຢູ່ເມືອງ ໄຊຍະບູລີ ໃນລາຄາບັ້ງລະ 5.000 ກີບ, ແຕ່ຕະຫຼາດໃນ ເມື່ອນັ້ນຍັງບໍ່ມີການຂະຫຍາຍຕົວກວ້າງຂວາງ ແລະ ເຮັດ ໄປຕາມມີຕາມເກີດບໍ່ທັນມີ ເຕັກນິກໃນການປູກຊາເຂົ້າ ມາຊ່ວຍ. ຈຶ່ງເຮັດໃຫ້ລາຍຮັບ ບໍ່ດີ ແລະ ຫລັງຈາກມີການ ພັດທະນາເປັນເມືອງໃໝ່ ແລ້ວ, ພັກ-ລັດຖະບານກໍໄດ້ ໃຫ້ຄວາມສຳຄັນຫລາຍ ໃນການສົ່ງເສີມຊາວເມືອງ ດັ່ງກ່າວ, ປູກ ແລະ ຜະລິດຊາ ໃຫ້ເປັນສິນຄ້າເພື່ອຊ່ວຍ ປະຊາຊົນ ມີລາຍຮັບດີຂຶ້ນ, ດັ່ງນັ້ນອຳນາດການປົກຄອງ ທ້ອງຖິ່ນ ຈຶ່ງໄດ້ລົງທຶນ ແລະ ນຳເອົາ ວິຊາການລົງໄປຊ່ວຍ ອົບຮົມວິທີການປູກຊາໃຫ້ ປະຊາຊົນ, ເຊິ່ງໃນນັ້ນກໍ່ແມ່ນ ຄອບຄົວ ທ່ານ ບຸນທ່ຽງ ກໍໄດ້ ຂະຫຍາຍສວນຊາຂອງຕົນ ຂຶ້ນເປັນ 2 ເຮັກຕາ, ໃນ 2 ຊະ ນິດຄື ຊາພື້ນເມືອງ, ຊາຫວຽດ ນາມລວມມີຕົ້ນຊາທັງໝົດ ປະມານ 2.000 ກວ່າຕົ້ນ. ສ່ວນການເກັບຍອດຊາລະ ດູແລ້ງແມ່ນເກັບ 2 ຄັ້ງຕໍ່ ເດືອນ, ລະດູຝົນແມ່ນເກັບໄດ້ 3 ຄັ້ງຕໍ່ເດືອນ. ປີໜຶ່ງສາມາດເກັບຍອດຊາດິບໄດ້ປະມານ 750 ກິໂລ, ຖ້າຂາຍຍອດຊາດິບແມ່ນກິໂລລະ 15.000 ກີບ – ຊາແຫ້ງ 80.000 ກີບ/ກິໂລ ເຊິ່ງຈະມີ ບໍລິສັດ ຈໍາປາຄໍາຈາກປະເທດຈີນ ເປັນຜູ້ຮັບຊື້ໂດຍກົງ.
ປະຊາຊົນໃນເຂດນີ້ນອກຈາກເຮັດສວນຊາ ແລະ ຜະລິດຕະພັນຊາແລ້ວ ຍັງໄດ້ຍຶດຖືອາຊີບລ້ຽງສັດ, ເຮັດ ສວນແຂມ ແລະ ປູກພືດຜັກສວນຄົວອື່ນໆຕື່ມອີກ, ໃນແຕ່ລະປີສາມາດສ້າງລາຍຮັບ ເຂົ້າຄອບຄົວປະມານ 30 ລ້ານກວ່າກີບ ແລະ ເຫັນໄດ້ ວ່າມາຮອດປະຈຸບັນນີ້ ຊີວິດການເປັນຢູ່ຂອງຫລາຍຄອບຄົວໃນເມືອງນີ້ນັບມື້ນັບດີຂຶ້ນ ເຂົາເຈົ້າສາມາດສ້າງເຮືອນ ຢູ່ທີ່ຖາວອນ, ມີພາຫະນະຮັບໃຊ້ ແລະ ມີເງິນສົ່ງເສີມ ໃຫ້ລູກໄດ້ເຂົ້າໂຮງຮຽນຢ່າງ ເປັນປົກກະຕິ.
ເວົ້າລວມແລ້ວເມືອງໄຊສະຖານ ເປັນເມືອງໜຶ່ງທີ່ມີ ສະພາບອາກາດໜາວເຢັນ, ເອື້ອອຳນວຍໃຫ້ການປູກຊາ ແລະ ພິເສດເປັນເຂດທີ່ມີ ຕົ້ນຊາອາຍຸເກົ່າແກ່ເປັນຈຳນວນຫລວງຫລາຍທີ່ໄດ້ຮັບຄວາມນິຍົມຈາກຄໍດຶ່ມຊາທັງຫລາຍ, ດັ່ງນັ້ນຖ້າທ້ອງຖິ່ນມີ ແຜນລົງທຶນພັດທະນາສວນຊາໃນເຂດນີ້ຢ່າງມີຈຸດສຸມ ແລ້ວຈະເຮັດໃຫ້ຜະລິດຕະ ພັນກາຍເປັນສິນຄ້າ ໂອດ໋ອບ ອັນມີຊື່ສຽງຂອງທ້ອງຖິ່ນກໍເປັນໄດ້.
