4 ວິທີຊ່ວຍດຶງສັກກະຍະພາບໃນໂຕທ່ານອອກມາ

- 021805 - 4 ວິທີຊ່ວຍດຶງສັກກະຍະພາບໃນໂຕທ່ານອອກມາ
- Untitled design - 4 ວິທີຊ່ວຍດຶງສັກກະຍະພາບໃນໂຕທ່ານອອກມາ

- 021805 - 4 ວິທີຊ່ວຍດຶງສັກກະຍະພາບໃນໂຕທ່ານອອກມາ     ທຸກຄົນລ້ວນແຕ່ມີແກ່ນພືດແຫ່ງສັກກະຍະພາບຢູ່ໃນໂຕ ແຕ່ໜ້ອຍຄົນທີ່ຈະເບິ່ງແຍງຈົນມັນຈະເລີນເຕີບໃຫຍ່ເປັນຄົນໄມ້ໃຫຍ່ໄດ້ – John C. Maxwell ກ່າວ.

  1. ຕັດສິນໃຈໄປເລີຍ ຢ່າເມົາແຕ່ລັງເລ : ຍິ່ງມີໂຕເລືອກຫລາຍກໍຍິ່ງເລືອກຍາກ ເຊິ່ງສະຖານະການນີ້ເອີ້ນກັນວ່າ Analysis – paralysis ເຊິ່ງຈະເກີດຂຶ້ນກັບຫລາຍໆຄົນທີ່ເມື່ອຕ້ອງພະເຊີນກັບໂຕເລືອກຫລວງຫລາຍກໍຈະຢຸດສະງັກ ບໍ່ສາມາດຕັດສິນໃຈ ເລືອກຫຍັງໄດ້. ໃນໂຕເຮົາທຸກຄົນມີສຽງທີ່ຄອຍນຳທາງການຕັດສິນໃຈ ຈົ່ງຢຸດຟັງ ແລະ ເຊື່ອໃນສຽງນັ້ນ ການເລີ່ມຕົ້ນເຮັດຫຍັງບາງຢ່າງກໍຄືການອາໄສແຮງດັນໃຫ້ໝາກບານກິ້ງລົງເນີນນັ້ນເອງ ເຖິງວ່າສິ່ງທີ່ທ່ານເລືອກອາດຈະບໍ່ເປັນສິ່ງທີ່ດີທີ່ສຸດ ແຕ່ຖືວ່າກ້າວໜ້າກ່ວາການເມົາແຕ່ນັ່ງຈົ່ມຈົມຢູ່ແນວນັ້ນ ແລະ ຈື່ໄວ້ວ່າລະຫ່ວາງການເດີນທາງ ທ່ານກໍຍັງສາມາດຈະປ່ຽນແປງເສັ້ນທາງ ຫລື ຈຸດໝາຍປາຍທາງໄດ້ທຸກເມື່ອ.
  2. ຢ່າເສຍເວລາໂດຍບໍ່ເກີດປະໂຫຍດ : ໃນ 1 ມື້ ທຸກຄົນມີເວລາທັງໝົດ 1.440 ນາທີເທົ່າກັນ ເບິ່ງຄືວ່າເຫລືອເຟືອ ແຕ່ເຮົາກໍຮູ້ກັນດີຢູ່ແລ້ວວ່າເວລາມັນຜ່ານໄປໄວປານໃດ ຢຸດເຮັດນັ້ນເຮັດນີ້ ເຜີບຶດດຽວກໍເສຍເວລາໄປຫລາຍສິບນາທີແລ້ວ ຖ້າຫາກເຮົາທຸກຄົນມີເວລາໃນແຕ່ລະມື້ເທົ່າໆກັນທີ່ຈະພັດທະນາຕົນເອງ ແລ້ວຍ້ອນຫຍັງບາງຄົນຈຶ່ງປະສົບຄວາມສຳເລັດໄດ້ຫລາຍກ່ວາຄົນອື່ນໆ ? ສິ່ງສຳຄັນນັ້ນກໍຄື ການວາງແຜນ ເຊິ່ງການສ້າງຜົນການຕ່າງໆນັ້ນມັກຈະມີຄວາມຍາກ ແລະ ຕ້ອງອາໄສແຮງ ແລະ ເວລາຫລາຍກ່ວາທີ່ຄິດໄວ້ສະເໝີ. ດັ່ງນັ້ນ, ທ່ານຄວນຈະວາງແຜນການບໍລິຫານເວລາໃຫ້ຮອບຄອບ ແລະ ຢູ່ເທິງພື້ນຖານຂອງຄວາມເປັນໄປໄດ້ນຳ.

ການບໍລິຫານເວລາຢ່າງມີປະສິດທິພາບເຮັດໃຫ້ທ່ານສາມາດດຶງສັກກະຍະພາບຂອງຕົນເອງອອກມາໄດ້ເຕັມທີ່ ອຸປະສັກໃນ ການເຮັດວຽກໍໜ້ອຍລົງ ໜຶ່ງໃນກົນລະຍຸດທີ່ໄດ້ຜົນກໍຄື ການຖາມໂຕເອງກ່ອນວ່າສິ່ງທີ່ເຮັດຈະໄປຊ່ວຍເຕີ່ມເຕັມສັກກະຍະພາບຂອງທ່ານຫລືບໍ່ ? ຄຳຖາມນີ້ຈະເຮັດໃຫ້ທ່ານຮູ້ວ່າມີສິ່ງໃດແດ່ທີ່ໃຊ້ເວລາເຮັດໄປໂດຍບໍ່ເກີດປະໂຫຍດກັບໂຕເອງ.

- Wave100S AD to Website 2020 0 - 4 ວິທີຊ່ວຍດຶງສັກກະຍະພາບໃນໂຕທ່ານອອກມາ
  1. ຮູ້ມູນຄ່າຂອງສິ່ງທີ່ຕ້ອງການ : ຈົ່ງຈື່ຈຳໄວ້ວ່າຄົນເຮົາໄດ້ຢ່າງໜຶ່ງກໍຕ້ອງເສຍຢ່າງໜຶ່ງ ທຸກເທື່ອທີ່ຕັດສິນໃຈເລືອກຫຍັງກໍ ຕາມທ່ານກໍຕ້ອງເສຍສະຫລະບາງສິ່ງໄປນຳສະເໝີ ເຊັ່ນ : ບາງເທື່ອທ່ານກໍຕ້ອງປະຕິເສດໂອກາດດີໆຫລວງຫລາຍເພື່ອຮໍຖ້າໂອ ກາດທີ່ດີກ່ວາ. ທ່ານຕ້ອງຍອມສູນເສຍເພື່ອຈະໄດ້ໃຊ້ຊີວິດໃຫ້ເຕັມທີ່ ບໍ່ວ່າຈະເປັນດ້ານມິດຕະພາບ, ຊີວິດຄູ່, ການລ້ຽງລູກ, ການເຮັດວຽກ ຫລື ການເຮັດກິດຈະກຳທີ່ມັກ. ຄິດເຖິງສິ່ງທ່ີຕ້ອງການຫລາຍທີ່ສຸດ ແລະ ຕັດສິນໃຈວ່າສິ່ງໃດແດ່ທີ່ທ່ານພ້ອມໃຈຍິນຍອມເສຍສະຫລະທັງເວລາ, ເງິນ, ໂອກາດ ແລະ ຄວາມສຳພັນເພື່ອໃຫ້ມັນໄປສູ່ຄວາມສຳເລັດ ການຕັດສິນໃຈຈະເປັນເລື່ອງທີ່ງ່າຍຂຶ້ນມາຫລັງຈາກໄດ້ລົມກັບຕົນເອງຢ່າງກົງໄປກົງມາ.
  2. ພັດທະນາທັກສະການແກ້ໄຂບັນຫາຂອງຕົນເອງ : ເຖິງວ່າຈະລະມັດລະວັງໂຕປານໃດ ບັນຫາກໍຍິງເກີດກັບທ່ານຢູ່ ເຊິ່ງການຈັດການກັບບັນຫານີ້ທີ່ອາດຈະສາມາດພັດທະນາທ່ານ ຫລື ອາດຈະບັ່ນທອນສັກກະຍະພາບໃນໂຕທ່ານກໍເປັນໄດ້ ຫາກທ່ານບໍ່ເຫັນມັນເປັນໂອກາດໃນການເຕີບໃຫຍ່ທາງຄວາມຄິດ ແລະ ຈຸດປະກາຍສັກກະຍະພາບໃນໂຕທ່ານ ມັນກໍຈະກາຍເປັນອຸປະສັກທີ່ຂັດຂວາງທ່ານແທນ. ສະນັ້ນ ຈົ່ງພະເຊີນໜ້າກັບບັນຫາຢ່າງສ້າງສັນ ຢ່າປ່ອຍໃຫ້ມັນມາຂັດຂວາງບໍ່ໃຫ້ທ່ານກ້າວໜ້າ ແລະ ຄົ້ນຫາປະໂຫຍດຈາກບັນຫາເຫລົ່ານັ້ນໃຫ້ພົບ ເຊິ່ງຄວາມລົ້ມເຫລວມອບບົດຮຽນໃຫ້ທ່ານໄດ້ຫລາຍກ່ວາຄວາມສຳເລັດກໍມີ.
- WhatsApp Image 2020 05 27 at 5 - 4 ວິທີຊ່ວຍດຶງສັກກະຍະພາບໃນໂຕທ່ານອອກມາ
- WhatsApp Image 2020 05 27 at 5 - 4 ວິທີຊ່ວຍດຶງສັກກະຍະພາບໃນໂຕທ່ານອອກມາ
error: Alert: ເນື້ອຫາຂ່າວມີລິຂະສິດ !!