ແມັກອິລຣອຍ ຄວ້າແຊ້ມທຳອິດໃນຮອບປີ

ແມັກອິລຣອຍ ຄວ້າແຊ້ມທຳອິດໃນຮອບປີ - advert banner 728 90 728x90 - ແມັກອິລຣອຍ ຄວ້າແຊ້ມທຳອິດໃນຮອບປີ

       ການແຂ່ງຂັນກ໊ອຟ ພີຈີເອ ທົວ ລາຍການ ເດິ ເພລເຍີ ແຊມປ້ຽນຊິບ ຊີງເງິນລາງວັນລວມ 12,5 ລ້ານໂດລາສະຫະລັດ ທີ່ສະໜາມທີພີຊີ ຊໍກຣາສ ສະເຕດ້ຽມ ຄອດ ໄລຍະ 1.189 ຫລາ ພາ 72 ໃນເມືອງປອນເຕ ເວດຣາ ບີ ລັດຟໍລິດາ ສະຫະລັດອາເມລິກາ ຫລັງຈົບຮອບສຸດທ້າຍ ຣໍຣີ ແມັກອິລຣອຍ ນັກກ໊ອຟຊາວໄອແລນເໜືອ ໄວ 29 ປີ ຕີໄດ້ເພີ່ມ 2 ອັນເດີພາ 70 ຄະແນນລວມ 16 ອັນເດີພາ 272 ຄວ້າແຊ້ມທຳອິດຂອງຕົນເອງໃນຮອບປີ ນັບແຕ່ຊະນະ ອາໂນລ ພາລເມີ ອິນວິເຕຊັນແນລ ເມື່ອ 365 ວັນທີ່ຜ່ານມາ ໂດຍເອົາຊະນະ ຈິມ ຟິວຣິກ ຈາກອາເມລິກາ ໃນວັນສຸດທ້າຍຕີເຂົ້າມາ 5 ອັນເດີພາ 67 ໄປແບບຫວຸດຫວິດ 1 ສະໂຕກ, ສ່ວນ ໂຈນາທານ ເວກັສ ຈາກເວເນຊູເອລາ ຄະແນນລວມ 14 ອັນເດີພາ 274 ໄດ້ອັນດັບ 3 ຮ່ວມກັບ ເອັດດີ ເປບເປເຣລ ຈາກອາເມລິກາ.

ແມັກອິລຣອຍ ຄວ້າແຊ້ມທຳອິດໃນຮອບປີ - new3 - ແມັກອິລຣອຍ ຄວ້າແຊ້ມທຳອິດໃນຮອບປີ

       ສ່ວນ ດັສຕິນ ຈອນສັນ ນັກກ໊ອຟມື 1 ໂລກຈາກອາເມລິກາ ປິດທ້າຍຕີເຂົ້າມາ 3 ອັນເດີພາ 69 ຄະແນນລວມ 13 ອັນເດີພາ 275 ຈົບອັນດັບ 5 ຮ່ວມກັບ ແບຣນ ສະນີດີເກີ ເພື່ອນຮ່ວມຊາດ ແລະ ທອມມີ ຟລີວູດ ຈາກອັງກິດ, ສ່ວນ ຈັສຕິນ ໂຣສ ມື 2 ໂລກຈາກອັງກິດ ຄະແນນລວມ 12 ອັນເດີພາ 276 ໄດ້ທີ 8 ຮ່ວມກັບ ເຈສັນ ເດ ອະດີດມື 1 ໂລກຊາວອົດສະຕຣາລີ. ຂະນະທີ່ ຈອນ ຣາມ ຈາກສະເປນ ຜູ້ນຳຮອບຜ່ານມາ ຕີເກີນ 4 ໂອເວີພາ 76 ເຮັດຄະແນນລວມເຫລືອ 11 ອັນເດີພາ 277 ຕົກມາຢູ່ທີ 12 ຮ່ວມ ແລະ ໄທເກີ ວູດ ຄະແນນລວມ 6 ອັນເດີພາ 282 ໄດ້ທີ 30 ຮ່ວມ.

ແມັກອິລຣອຍ ຄວ້າແຊ້ມທຳອິດໃນຮອບປີ - lattana 1 - ແມັກອິລຣອຍ ຄວ້າແຊ້ມທຳອິດໃນຮອບປີ
error: Content is protected !!