ອິນເຕີ ເປີດຄ່າຕົວ ອີກາດີ້ ແລ້ວ

ອິນເຕີ ເປີດຄ່າຕົວ ອີກາດີ້ ແລ້ວ - advert banner 728 90 728x90 - ອິນເຕີ ເປີດຄ່າຕົວ ອີກາດີ້ ແລ້ວ

      ອາສ ສື່ຂອງສະເປນ ລາຍງານວ່າ ປັດຈຸບັນ ອິນເຕີ ຕັ້ງຄ່າຫົວຂອງ ເມົາໂຣ ອີກາດີ້ ຫົວຫອກຊາວອາເຈນຕິນາຂອງພວກເຂົາ 80 ລ້ານເອີໂຣ ແລະ ອາດຈະເພີ່ມຂຶ້ນນຳອີກ ຖ້າທີມອື່ນໆຈະລ່າຕົວ ອີກາດີ້ ຢ່າງໜັກ.

ອິນເຕີ ເປີດຄ່າຕົວ ອີກາດີ້ ແລ້ວ - new3 - ອິນເຕີ ເປີດຄ່າຕົວ ອີກາດີ້ ແລ້ວ

      ອິນເຕີ ມິລານ ສະໂມສອນດັງແຫ່ງ ກັລໂຊ ເຊເຣຍ ອາ ອີຕາລີ ຕ້ອງການເງິນ 80 ລ້ານເອີໂຣ ເພື່ອເປັນຄ່າຕົວຂອງ ເມົາໂຣ ອີກາດີ້ ກອງໜ້າຕົວບັນຫາຂອງທີມ.

      ໃນຕອນນີ້ມີໂອກາດສູງທີ່ ອີກາດີ້ ຈະບໍ່ໄດ້ຢູ່ກັບ ອິນເຕີ ຕໍ່ໄປ ຫລັງຈາກລາວກຳລັງມີບັນຫາເລື່ອງສັນຍາສະບັບໃໝ່ກັບຕົ້ນສັງກັດ ຈົນເຮັດໃຫ້ລາວຖືກຢຶດປອກແຂນກັບຕັນທີມ ແລະ ບໍ່ໄດ້ລົງຫລິ້ນໃຫ້ທີມພຽງແຕ່ນັດດຽວນັບແຕ່ວັນທີ 14 ກຸມພາຜ່ານມາ.

       ທັງນີ້ ຜ່ານມາມີຫລາຍທີມຕົກເປັນຂ່າວກັບດາວຍິງຊາວອາເຈນຕິນາເຊັ່ນ: ຣີລ ມາດຣິດ, ເຊລຊີ, ຢູເວນຕຸສ, ນາໂປລີ ແລະ ປາຣີ ແຊງແຊກແມງ ເປັນຕົ້ນ. ຫລ້າສຸດ ອາສ ລະບຸວ່າ ໃນອາທິດກ່ອນຕົວແທນຂອງ ຣີລ ມາດຣິດ ໄດ້ເຈລະຈາກັບຜູ້ບໍລິຫານຂອງ ອິນເຕີ ເຊິ່ງອີກຝ່າຍຕອບກັບມາວ່າຄ່າຕົວຂອງ ອີກາດີ້ ໃນຕອນນີ້ຢູ່ທີ່ 80 ລ້ານເອີໂຣ.

ອິນເຕີ ເປີດຄ່າຕົວ ອີກາດີ້ ແລ້ວ - lattana 1 - ອິນເຕີ ເປີດຄ່າຕົວ ອີກາດີ້ ແລ້ວ

      ສື່ດັ່ງກ່າວລາຍງານອີກວ່າ: ຄ່າຕົວຂອງ ອີກາດີ້ ອາດຈະເພີ່ມຂຶ້ນໃນອະນາຄົດ ຖ້າທີມອື່ນໆເດີນໜ້າລ່າຕົວນັກເຕະໄວ 26 ປີຢ່າງເຕັມສ່ວນ ເພາະ ອິນເຕີ ຈະສາມາດໂກ່ງຄ່າຕົວໄດ້ນັ້ນເອງ.

error: Content is protected !!