ພັກ​ປະຊາຊົນ ປະຕິວັດ​ລາວ ກັບ​ການ​ນຳພາ​ສ້າງສາ​ປະ​ເທດ​ຊາດ

ໂດຍ: ທິດ​ກ່ຳ

ອີກບໍ່ດົນກໍຈະຮອດວັນທີ 22 ມີນາ ອັນເປັນວັນສ້າງຕັ້ງ ພັກປະຊາຊົນ ປະຕິວັດລາວ ຄົບຮອບ 64 ປີ (22/3/ 1955-22/3/2019). ກ່າວ ເຖິງພາລະກິດອັນຍິງໃຫຍ່ຂອງພັກເຮົາແລ້ວມັນສຸດທີ່ ຍິ່ງໃຫຍ່ໄພສານ, ກ່ອນປະເທດ ຊາດຈະມີຄວາມສະຫງົບສຸກຮົ່ມເຢັນຄືດັ່ງທຸກວັນນີ້ພັກເຮົາໄດ້ນຳພາຕໍ່ສູ້ທີ່ແສນ ທຸກຍາກລຳບາກລະຫົດອົດ ທົນບໍ່ຈັກວ່າເທົ່າໃດ, ບັນດາ ທ່ານຜູ້ນຳພັກ-ລັດບັນດາສະຫາຍສະມາຊິກພັກ ແລະ ນັກຮົບປະຕິວັດໄດ້ເສຍສະຫລະ ຊີວິດເລືອດເນື້ອບໍ່ຈັກວ່າເທົ່າ ໃດຄົນ, ເທົ່າໃດສະຫາຍປະເທດຊາດບ້ານ ເມືອງຂອງພວກເຮົາ ຈຶ່ງມີຄວາມຈະເລີນ ຮຸ່ງເຮືອງມາໄດ້ສ່ຳນີ້.

ຄືດັ່ງທີ່ຮູ້ກັນແລ້ວວ່າ, ກ່ອນໜ້ານີ້ຫລາຍຮ້ອຍປີປະເທດຊາດບ້ານເມືອງເຮົາ ໄດ້ມີສັກດີນາ ແລະ ຈັກກະພັດຕ່າງດ້າວເຂົ້າມາຮຸກຮານ ແລະ ຍາດກັນຢຶດຄອງເອົາເປັນຫົວເມືອງຂຶ້ນມາເປັນເວລາຫລາຍສິບ, ຫລາຍຮ້ອຍປີ.

ແຕ່ຍ້ອນມີຜູ້ນຳ ທີ່ແສນດີ ແລະ ມີຄວາມຮັກປະເທດຊາດຢ່າງດູດດື່ມໄດ້ນຳພາຕໍ່ ສູ້ຈຶ່ງສາມາດປົດປ່ອຍປະເທດຊາດອອກຈາກການປົກຄອງຂອງລະບອບສັກດີນາ ແລະ ຈັກກະພັດຜູ້ຮຸກຮານ.

ໃນໄລຍະປະຫວັດສາດກ່ອນໜ້ານັ້ນ 60 ກວ່າປີພັກ ເຮົາໄດ້ກຳເນີດມາຈາກພັກ ຄອມມູນິດອິນດູຈີນ, ພາຍຫລັງໄດ້ແຍກຕົວອອກມາ ຈາກພັກຄອມມູນິດອິນດູ ຈີນແລ້ວ, ພາລະກິດຂອງພັກເຮົາໄດ້ນຳພາຕໍ່ສູ້ໂດຍມີເປົ້າໝາຍເພື່ອປົດປ່ອຍປະ ເທດອອກຈາກແອກຄອບ ຄອງຂອງຈັກກະພັດ ແລະ ການປົກຄອງ ໃນລະບອບ ສັກດີນາຈົນວ່າ ມາຮອດປີ 1975 ຈຶ່ງສາມາດປົດປ່ອຍ ປະເທດຊາດລົບລ້າງການ ປົກຄອງເກົ່າປະກາດເປັນສາທາລະນະລັດປະຊາທິປະໄຕ ປະຊາຊົນລາວ.

ນັບແຕ່ປີ 1975 ເປັນຕົ້ນມາ, ພັກເຮົາໄດ້ນຳພາປົກປັກຮັກສາ ແລະ ສ້າງສາປະເທດຊາດໂດຍເລີ່ມຈາກການຮຳບາດແຜສົງຄາມຈົນມາ ຮອດໄລຍະປ່ຽນແປງໃໝ່ ມາຮອດປັດຈຸບັນບ້ານເມືອງເຮົາມີຄວາມຈະເລີນຮຸ່ງເຮືອງ, ປະເທດມີສະເຖຍລະພາບໝັ້ນຄົງ, ເສດຖະກິດມີການຂະຫຍາຍຕົວຕໍ່ເນື່ອງ ແລະ ວັດທະນະທຳສັງຄົມ ມີການພັດທະນາໄປຢ່າງບໍ່ຢຸດຢັ້ງ.

ຕະຫລອດໄລຍະເກືອບທົດສະວັດແຫ່ງການຕໍ່ສູ້ເພື່ອ ປົດປ່ອຍຊາດ ແລະ 40 ກວ່າ ປີແຫ່ງການສ້າງສາ ແລະ ພັດທະນາປະເທດຊາດຖືໄດ້ ວ່າປະເທດຂອງພວກເຮົາ ໄດ້ກ້າວໄປຕາມເສັ້ນທາງ ແຫ່ງຍຸກສະໄໝ ແລະ ນັບມື້ ກ້າວໄປໃນທຸກດ້ານ, ຍັງອີກຫ້າປີ ຫລື ສິບປີຂ້າງໜ້າພວກ ເຮົາກໍຈະເຫັນປະເທດຊາດ ບ້ານເມືອງໄດ້ຫລຸດພົ້ນອອກຈາກຄວາມທຸກຍາກ ແລະ ດ້ອຍພັດທະນາຢ່າງແນ່ນອນ.

ເຖິງຢ່າງໃດກໍດີ, ຕາມເຮົາວ່າກວ່າຈະໄປເຖິງຈຸດທີ່ໝາຍພາຍໃຕ້ແນວທາງນະໂຍບາຍຂອງພັກ ແລະ ລັດຖະບານພວກເຮົາທັງໝົດທຸກຄົນພາຍໃນຊາດກໍຕ້ອງມີຄວາມສາມັກຄີເປັນປຶກແຜ່ນຢູ່ອ້ອມຂ້າພັກ, ຈົງຮັກພັກດີຕໍ່ພັກ ແລະ ມີຄວາມສັດຊື່ບໍລິ  ສຸດຕໍ່ພັກ. ອັນທີ່ພິເສດ, ບັນດາສະຫາຍສະມາຊິກ-ພະນັກງານຂັ້ນນຳໃນກົມກອງທ້ອງຖິ່ນຕ້ອງເປັນແບບຢ່າງ ແລະ ເປັນແກນນຳຢ່່າງແທ້ຈິງ.

ໃນຜ່ານມາເທົ່າທີ່ ທິດກ່ຳ ເຫັນຕົວຈິງຍັງມີພະນັກງານຂັ້ນນຳ, ບັນດາສະຫາຍສະມາຊິກພັກບາງສະຫາຍເປັນຕົ້ນເຫດໃນການທຳຜິດເຊັ່ນ: ມີດິນດອນຕອນຫຍ້າ, ມີລົດຫລູຫລາ, ມີເງິນມີຄຳຫລາຍກໍແມ່ນຜູ້ເປັນນາຍ, ເປັນຫົວໜ້າ, ເປັນສະມາຊິກພັກ, ເປັນພະນັກງານຂັ້ນນຳ ແລະ ບັນດາຊັບສິນເຫລົ່ານັ້ນແມ່ນໄດ້ມາຍ້ອນຫຍັງ? ອັນນີ້ ຄວນຄຳນຶງ./.