ອູກັນດາກວດສອບອາຫານ UN ຫລັງຈາກມີຜູ້ເສຍຊີວິດ 3 ຄົນ

ອູກັນດາກວດສອບອາຫານ un ຫລັງຈາກມີຜູ້ເສຍຊີວິດ 3 ຄົນ - advert banner 728 90 728x90 - ອູກັນດາກວດສອບອາຫານ UN ຫລັງຈາກມີຜູ້ເສຍຊີວິດ 3 ຄົນ

      ທາງ​ການ​ອູ​ກັນ​ດາ​ກຳລັງ​ກວດ​ສອບອາຫານ​ທີ່​ຈັດ​ສັນ​ມາ​ຈາກ​ໂຄງການ​ອາຫານ​ໂລກ​ແຫ່ງ​ສະຫະ​ປະຊາ​ຊາດ, ພາຍຫລັງ​ມີ​ຜູ້​ເສຍ​ຊີວິດ 3 ຄົນ ​ແລະ ປ່ວຍ​ຫລາຍ​ກວ່າ 150 ຄົນ​ໃນ​ໄລຍະ 2-3 ວັນ​ຜ່ານ​ມາ.

ອູກັນດາກວດສອບອາຫານ un ຫລັງຈາກມີຜູ້ເສຍຊີວິດ 3 ຄົນ - new3 - ອູກັນດາກວດສອບອາຫານ UN ຫລັງຈາກມີຜູ້ເສຍຊີວິດ 3 ຄົນ

      ອາຫານ​ດັ່ງກ່າວ​ເປັນ​ຂອງ​ໂຄງການ​ຈັດ​ສັນ​ອາຫານ​ຊຸມ​ຊົນ​ທາງ​ຕາ​ເວັນ​ອອກສຽງ​ເໜືອ ​ເຊິ່ງ​ເປັນ​ພື້ນທີ່​​ໂຄງການ​ອາຫານ UN ຈັດ​ສັນ​ການ​ຊ່ວຍ​ເຫລືອ​ດ້ານ​ອາຫານ​ມາ​ດົນ​ສຳລັບ​ປະຊາຊົນ​ທີ່​ມີ​ບັນຫາ​ເກັບ​ກູ້​ຜົນ​ຜະລິດ​ທີ່​ບໍ່​ໄດ້​ຕາມ​ຕ້ອງການ. ຕະຫລວດ​ອູ​ກັນ​ດາ​ຖະ​ແຫລງວ່າ: ປະຊາຊົນ​ມີ​ອາການ​ຖອກທ້ອງ, ​ເລືອດ​ອອກ​ດັງ ​ແລະ ບັນຫາ​ສຸຂະພາບ​ອື່ນໆ​ຫລັງ​ຈາກ​ກິນ​ອາຫານ​ເຂົ້າ​ໄປ. ຂະນະ​ດຽວ​ກັນ ​ເຈົ້າໜ້າ​ທີ່​ກຳລັງ​ສອບ​ສວນສາ​ເຫດ​ທີ່​ມີ​ຜູ້​ເສຍ​ຊີວິດ 3 ຄົນ​ຈາກ​ການ​ຮັບ​ປະທານ​ອາຫານ​ປົນ​ເປື້ອນທີ່​ຈັດ​ສັນ​ມາ​ຈາກ​ໂຄງການ​ອາຫານ​ໂລກ UN. ​ເຈົ້າໜ້າ​ທີ່​ກ່າວ​ວ່າ: ​ໄດ້​ນຳ​ສົ່ງ​ຕົວຢ່າງ​ອາຫານ, ປັດ​ສະວະ ​ແລະ ​ເລືອດ​ຂອງ​ຜູ້​ປ່ວຍ​ໃຫ້​ຫ້ອງ​ປະຕິບັດ​ການ​ທົດ​ລອງ​ ​ເພື່ອ​ກວດ​ວິ​ເຄາະ​ຕໍ່​ໄປ. ທັງ​ນີ້ ອູ​ກັນດາ​ຮອງ​ຮັບ​ຜູ້​ອົບ​ພະຍົບຈຳນວນ​ຫລາຍ ສ່ວນ​ຫລາຍ​ມາ​ຈາກ​ຊູ​ດັງ​ໃຕ້ ​ແລະ ກົງ​ໂກ​ທີ່​ຜະ​ເຊີນ​ເຫດ​ຄວາມ​ບໍ່​ໝັ້ນຄົງ ​ເຮັດ​ໃຫ້​ປະຊາຊົນ​ຫລາຍ​ແສນ​ຄົນ​ຕ້ອງ​ອົບ​ພະຍົບອອກ​ຈາກ​ບ່ອນຢູ່​ອາ​ໄສ.

ອູກັນດາກວດສອບອາຫານ un ຫລັງຈາກມີຜູ້ເສຍຊີວິດ 3 ຄົນ - lattana 1 - ອູກັນດາກວດສອບອາຫານ UN ຫລັງຈາກມີຜູ້ເສຍຊີວິດ 3 ຄົນ
error: Content is protected !!