ຫວຽດນາມເນັ້ນໃຫ້ເຈົ້າໜ້າທີ່ຮີບຮ້ອນ ລົງຕິດຕາມກວດກາພະຍາດສານໝູ ຢູ່ແຂວງບັກນິງ

ຫວຽດນາມເນັ້ນໃຫ້ເຈົ້າໜ້າທີ່ຮີບຮ້ອນ ລົງຕິດຕາມກວດກາພະຍາດສານໝູ ຢູ່ແຂວງບັກນິງ - advert banner 728 90 728x90 - ຫວຽດນາມເນັ້ນໃຫ້ເຈົ້າໜ້າທີ່ຮີບຮ້ອນ ລົງຕິດຕາມກວດກາພະຍາດສານໝູ ຢູ່ແຂວງບັກນິງ

ຮຽບຮຽງ: ລູກ​ເມື​ອງພວນ

ຫວຽດນາມເນັ້ນໃຫ້ເຈົ້າໜ້າທີ່ຮີບຮ້ອນ ລົງຕິດຕາມກວດກາພະຍາດສານໝູ ຢູ່ແຂວງບັກນິງ - new3 - ຫວຽດນາມເນັ້ນໃຫ້ເຈົ້າໜ້າທີ່ຮີບຮ້ອນ ລົງຕິດຕາມກວດກາພະຍາດສານໝູ ຢູ່ແຂວງບັກນິງ

      ອີງ​ຕາມ​ແຫ​ລ່ງຂ່າວ​ເວັບ​ໄຊ Zing.vn ລົງ​ຕອນ​ເຊົ້າວັນ​ທີ 18 ມີນາ​ນີ້​ວ່າ: ນາຍົກລັດຖະມົນຕີ ຫງວຽນ​ຊວນ​ຟຸກ ຂອງ​ຫວຽດນາມ ​ໄດ້​ຮຽກຮ້ອງ​ໃຫ້​ກຳລັງ​ແພດ, ໝໍ ​ແລະ ບັນດາ​ນັກວິຊາການ​ຕ່າງໆ​ ລົງ​ໄປ​ກວດກາ​ພະຍາດ​ສານ​ໝູ​ທີ່​ເກີດ​ຂຶ້ນຢູ່​ເມືອງ​ທວນ​ແທ່ງ ​ແຂວງ​ບັກ​ນິງ ​ເປັນ​ການ​ດ່ວນ ​ໂດຍ​ທ່ານ​ນາຍົກລັດຖະມົນຕີ ​ໄດ້​ມອບ​ໝາຍ​ໃຫ້​ກະຊວງ​ສຶກສາ ​ແລະ ກໍ່ສ້າງ ພ້ອມ​ດ້ວຍ​ກະຊວງ​ສາທາລະນະ​ສຸກ ລົງ​ຊີ້​ນຳ​ໂຮງຮຽນ​ຕ່າງໆ​ທົ່ວ​ປະ​ເທດ ​ເພື່ອ​ປະຕິບັດ​ຕາມ​ວິທີ​ການ​ສະໜອງ​ທັນ​ຍາ​ຫານ​ໃຫ້​ບັນດາ​ໂຮງຮຽນ​ເຫລົ່ານັ້ນ​ແນວ​ໃດ ​ເພື່ອ​ຮັບປະກັນ​ຄວາມ​ປອດ​ໄພ​ຂອງ​ນັກຮຽນ.

      ທ່ານ​ນາຍົກ​ໄດ້​ເນັ້ນ​ເຖິງ​ພາລະ​ບົດບາດ​ຂອງ​ຂະ​ແໜງ​ການ​ສື່​ມວນ​ຊົນ​ໃນ​ການ​ອອກ​ຂ່າວ​ຕ້ອງ​ຖືກ​ຕາມ​ຄວາມ​ຈິງ, ບໍ່​ສ້າງ​ຄວາມ​ແຕກ​ຕື່ນ​ໃຫ້​ແກ່​ສັງຄົມ. ພ້ອມ​ນັ້ນ ທ່ານ​ນາຍົກ​ຍັງ​ໄດ້​ຊີ້​ແຈງ​ວ່າ: ຖ້າ​ຫາກ​ອົງການ​ສື່​ມວນ​ຊົນ​ລົງ​ຂ່າວ​ກ່ຽວ​ກັບ​ບັນຫາ​ທີ່​ເກີດ​ຂຶ້ນມີ​ລັກສະນະ​ຮຸນ​ແຮງ​ແມ່ນ​ໃຫ້ການ​ນຳ​ແຕ່ລະ​ແຂວງ​ຮີບ​ຮ້ອນ​ແກ້​ໄຂ​ໃຫ້​ທັນ​ການ.

      ມາ​ເຖິງ​ເວລາ 21 ​ໂມງ ຂອງ​ວັນ​ທີ 17 ມີນາ​ນີ້ ມີ​ເດັກນ້ອຍ​ອາຍຸ​ແຕ່ 1-10 ປີ ຫລາຍ​ກວ່າ 2.000 ຄົນ​ຂອງ​ເມືອງ​ທວນ​ແທ່ງ ​ແຂວງ​ບັກ​ນິງ ​ເຂົ້າມາກ​ວດສຸຂະພາບ​ຢູ່​ໂຮງໝໍ 2 ​ແຫ່ງ​ທີ່​ຮ່າ​ໂນ້ຍ, ​ໃນ​ນັ້ນ ​ໄດ້​ກວດ​ພົບ​ເຫັນ 209 ນ້ອງ​ຕິດ​ເຊື້ອພະຍາດ​ດັ່ງກ່າວ​ແລ້ວ.

      ພະຍາດ​ສານ​ໃນ​ໝູ​ເປັນ​ພະຍາດ​ແນວ​ໃດ ?

      ພະຍາດ​ສານ​ໝູ ​ແມ່ນ​ພະຍາດ​ຊ້ຳ​ເຮື້ອຊະນິດ​ໜຶ່ງ ​ເຊິ່ງມີ​ບາດ​ແຜ​ຢູ​່​ໃນ​ຜິວໜັງ ​ແລະ ສະໝອງ, ມັນ​ມີ​ຄວາມ​ທົນ​ທານ​ຢູ່​ໃນ​ຮ່າງກາຍ​ຂອງ​ຄົນ​ໄດ້​ດົນ ​ເຊິ່ງສະ​ແດງ​ອອກ​ຢູ່​ຕາມ​ຮ່າງກາຍ​ຂອງ​ຄົນ​ເຮົາ​ບໍ່​ຄື​ກັນ.

     ຢູ່​ຜິວໜັງ: ພະຍາດສານ​ໝູ​ນີ້​ມີ​ຂະໜາດ​ເທົ່າ​ເມັດ​ຖົ່ວ ຫລື ໝາກ​ກໍ່, ມີ​ລັກສະນະ​ມົນ, ​ແຂງ​ແຕ່​ບໍ່​ເຈັບ, ມັນ​ອາດ​ເຄື່ອນ​ຍ້າຍ​ໄປ​ຕາມ​ຫລືບ​ໜັງ, ​ແຕ່​ບົນ​ຜິວໜັງ​ບໍ່​ມີ​ປາກົດການ​ຫຍັງ​ໃຫ້​ເຫັນ, ຖ້າ​ມັນ​ຢູ່​ດົນ​ໄປ​ຫລາຍ​ປີ​ຈະ​ກາຍ​ເປັນ​ຫີນ​ປູນ, ​ເວລາ​ນີ້​ຢາກ​ກວດ​ພົບ​ເຫັນ​ໄດ້​ມີ​ແຕ່​ເອັກສະ​ເລ​ເທົ່າ​ນັ້ນ.

ຫວຽດນາມເນັ້ນໃຫ້ເຈົ້າໜ້າທີ່ຮີບຮ້ອນ ລົງຕິດຕາມກວດກາພະຍາດສານໝູ ຢູ່ແຂວງບັກນິງ - lattana 1 - ຫວຽດນາມເນັ້ນໃຫ້ເຈົ້າໜ້າທີ່ຮີບຮ້ອນ ລົງຕິດຕາມກວດກາພະຍາດສານໝູ ຢູ່ແຂວງບັກນິງ

     ຢູ່​ໃນ​ສະໝອງ: ຈະ​ມີ​ປາກົດການຄວາມດັນ​ໃນ​ສະໝອງ ​ແລະ ​ເສັ້ນປະສາດ, ຄວາມ​ຈຳ​ເສື່ອ​ມ, ​ເສັ້ນປະສາດຖືກ​ປັ່ນ​ປ່ວນ, ຜູ້​ປ່ວຍ​ອາດ​ເປັນ​ອຳມະພາດ, ຮ້າຍ​ແຮງ​ກວ່າ​ນັ້ນກໍ​ຈະ​ເສຍ​ຊີວິດ​ໄດ້.

     ຢູ່​ໃນ​ຕາ: ພະຍາດ​ສານໝູ​ຈະ​ນອນ​ຢູ່​ໃນ​ເບົ້າຕາ, ຮີມ​ຕາ, ​ແກ້ວຕາ ມັນ​ຈະ​ເຮັດ​ໃຫ້ການ​ມອງ​ເຫັນ​ຫລຸດ​ລົງ ​ແລະ ອາດ​ຈະ​ບອດ​ໄດ້.

     ຢູ່​ໃນ​ໝາກ​ຫົວ​ໃຈ: ມັນ​ເຮັດ​ໃຫ້​ໝາກ​ຫົວ​ໃຈ​ເຕັ້ນ​ໄວ, ບາດ​ເຕັ້ນຂອງ​ຫົວ​ໃຈ​ປ່ຽນ​ແປງ​ຢູ່​ຕະຫລອດ​ເວລາ, ຜູ້​ປ່ວຍ​ອາດ​ຈະ​ສະຫລົບ​ໄດ້.

     ພະຍາດສານ​ໝູ​ທົນ​ທານ​ຕໍ່​ອຸນຫະພູມ​ແຕ່ -20 ອົງສາ ຫາ 0 ອົງສາ ມັນ​ສາມາດ​ຄົງ​ຕົວ​ຢູ່​ໃນ​ຮ່າງກາຍ​ຄົນ​ເຮົາ​ໄດ້​ນານ​ເຖິງ 2 ​ເດືອນ. ຖ້າ​ແມ່ນ​ອຸນຫະພູມ​ໃນ​ຫ້ອງ​ທົດ​ລອງ​ມັນ​ສາມາດ​ຢູ່​ໄດ້ 26 ວັນ. ສະນັ້ນ ຖ້າ​ຢາກ​ບໍລິ​ໂພ​ກຊີ້ນ​ໝູ​ຕ້ອງ​ເອືອບ​ປະ​ໄວ້ 4 ວັນ ພາຍ​ໃຕ້​ອຸນຫະພູມ 10 ອົງສາ ຈຶ່ງ​ມີ​ຄວາມ​ປອດ​ໄພ​ໄດ້. ຖ້າ​ອຸນຫະພູມ​ສູງ​ເຖິງ 50-60 ອົງສາ ມັນ​ຈະ​ຕາຍ​ໃນ​ໄລຍະ​ເວລາ 1 ຊົ່ວ​ໂມງ.

     ວິທີ​ປ້ອງ​ກັນ: ບໍ່​ກິນ​ຊີ້ນ​ໝູ​ທີ່​ສຸກ​ຮາດ ຫລື ຍັງ​ບໍ່​ທັນ​ສຸກ​ດີ​ແທ້, ຄວນ​ໃຫ້​ສຸກ​ດີ​ແລ້ວ​ຈຶ່ງ​ຮັບ​ປະທານ, ຕ້ອງ​ດື່ມນ້ຳຕົ້ມ ບໍ່​ດື່ມນ້ຳດິບ, ກິນ​ຜັກ​ດິບ​ກໍ​ຕ້ອງ​ລ້າງ​ໃຫ້​ສະອາດ​ກ່ອນ​ຈຶ່ງ​ກິນ. ລ້ຽງ​ໝູ​ບໍ່​ປ່ອຍ​ຊະຊາຍ, ​ເວລາ​ໄປ​ຊື້ຊີ້ນ​ໝູ​ຢູ່​ທ້ອງ​ຕະຫລາດ​ຕ້ອງ​ສັງ​ເກດ​ເບິ່ງ​ກ່ອນ ຖ້າ​ຫາກ​ເຫັນ​ມີ​ປາກົດການ​ເປັນ​ຕຸ່ມ, ມີ​ເມັດ​ຂາວ​ໃສ​ແມ່ນ​ບໍ່ຊື້​ເດັດຂາດ. ຜູ້​ທີ່​ຕິດ​ເຊື້ອພະຍາດ​ສານ​ໝູ​ຮີບ​ຮ້ອນ​ໄປ​ປິ່ນປົວ​ໄວ​ເທົ່າ​ໃດ​ຍິ່ງ​ເປັນ​ການ​ດີ.

error: Content is protected !!