ສະເປນໂວ ຈະເຮັດໃຫ້ ປາກຽວ ເຊົາຊົກມວຍ
March 19, 2019 - 5:38 PM
ເອີຣໍ ສະເປນ ຈູເນຍ ແຊ້ມໂລກ ຮຸ້ນ ເວລເຕີເວດ IBF ຊາວອາເມລິກາ ກ່າວວ່າຈະເຮັດໃຫ້ປາກຽວເຊົາຊົກມວຍເລີຍ ຖ້າໄດ້ພົບກັນ ຫລັງ ປາກຽວ ຂຶ້ນໄປໃນເວທີປະກາດພ້ອມຊົກກັບແຊ້ມໂລກຊາວອາເມລິກາ.
ເອີຣໍ ສະເປນ ຈູເນຍ ແຊ້ມໂລກ ຮຸ້ນ ເວລເຕີເວດ IBF ຊາວອາເມລິກາ ສາມາດປ້ອງກັນແຊ້ມເອົາໄວ້ໄດ້ດ້ວຍການເອົາຊະນະຄະແນນ ໄມກີ້ ກາເຊຍ ນັກຊົກເພື່ອນຮ່ວມຊາດໄປຢ່າງຂາດລອຍ ໃນວັນທີ 17 ມີນາຜ່ານມາ.
ໃນການຊົກມີ ແມນນີ ປາກຽວ ແຊ້ມໂລກເວລເຕີເວດຂອງ WBA ເຂົ້າມາຮ່ວມຊົມ ໂດຍຫລັງຈາກ ສະເປນ ເປັນຝ່າຍຊະນະ ປາກຽວ ໄດ້ຂຶ້ນໄປເທິງເວທີເພື່ອປະກາດຄວາມຕັ້ງໃຈທີ່ຈະຕໍ່ສູ້ກັບແຊ້ມຊາວອາເມລິກາ.
