ລາວ​ປັບ​ຂຶ້ນລາຄາ​ນ້ຳມັນ​ເຊື້ອ​ໄຟຕື່ມອີກ 190-400 ກີບ​ຕໍ່​ລິດ

     ກະຊວງ​ອຸດສາຫະກຳ ​ແລະ ການ​ຄ້າ ​ໄດ້​ອອກ​ແຈ້ງ​ການ​ໃຫ້​ສະມາຄົມ​ນ້ຳມັນ​ເຊື້ອ​ໄຟ ​ແລະ ​ອາຍ​ແກັສ ​ແລະ ບັນດາ​ບໍລິສັດ​ນ້ຳມັນ​ເຊື້ອ​ໄຟ​ທົ່ວ​ປະ​ເທດ ປັບ​ຂຶ້ນລາຄາ​ຂາຍຍ່ອຍ​ນ້ຳມັນ​ເຊື້ອ​ໄຟ​ໃຫ້​ເປັນ​ເອກະ​ພາບ​ຄື: ປັບ​ຂຶ້ນ 400 ກີບ​ຕໍ່​ລິດ​ສຳລັບ​ນ້ຳມັນ​ແອັດ​ຊັງ​ພິ​ເສດ, 260 ກີບ​ຕໍ່​ລິດ​ສຳລັບ​ແອັດ​ຊັງ​ທຳ​ມະ​ດາ ​ແລະ 190 ກີບ​ຕໍ່​ລິດ​ສຳລັບ​ນ້ຳມັນ​ກາ​ຊວນ, ພາຍຫລັງ​ໄດ້​ຫລຸດ​ຄັງ​ແຮນ້ຳມັນ​ແອັດ​ຊັງ​ທຳ​ມະ​ດາ ​ແລະ ກາ​ຊວນ​ລົງ​ອີກ 100 ກີບ​ຕໍ່​ລິດ, ຫລຸດ​ກຳ​ໄລ​ຂາຍຍົກ​ລົງ​ຕື່ມ 30 ກີບ​ຕໍ່​ລິດ, ຫລຸດ​ຄ່າ​ບໍລິການ​ປ້ຳລົງ 30 ກີບ​ຕໍ່​ລິດ ນ້ຳມັນ​ແອັດ​ຊັງ​ທຳ​ມະ​ດາ ​ແລະ 20 ກີບ​ຕໍ່​ລິດ​ສຳລັບ​ກາ​ຊວນ. ສ່ວນ​ການ​ເສຍ​ພັນທະ ​ແລະ ທຳນຽມ​ຕ່າງໆ​ແມ່ນ​ປະຕິບັດ​ຕາມ​ການ​ກຳນົດ​ໃນ​ໂຄງ​ສ້າງ​ລາຄາ​ນ້ຳມັນ​ເຊື້ອ​ໄຟ ສະບັບ​ເລກທີ 0392/ກຄພນ, ລົງ​ວັນ​ທີ 18 ມີນາ 2019 ຈົນ​ກວ່າ​ຈະ​ມີ​ການ​ປ່ຽນ​ແປງ.

       ລາຄາ​ໃໝ່​ນີ້​ແມ່ນ​ໄດ້​ເລີ່​ມປະຕິບັດ​ແຕ່​ເວລາ 6:00 ​ໂມງ ຂອງ​ວັນ​ທີ 19 ມີນາ 2019 ​ເປັນຕົ້ນ​ໄປ ​ເຊິ່ງຈະ​ເຮັດ​ໃຫ້​ລາຄາ​ນ້ຳມັນ​ຢູ່​ບັນດາ​ແຂວງ​ຕ່າງໆ​ມີ​ດັ່ງ​ນີ້: ນະຄອນຫລວງວຽງຈັນ: ແອັດຊັງພິເສດ 10.160 ແອັດຊັງທໍາມະດາ 8.990 ແລະ ກາຊວນ 8.600 ກີບຕໍ່ລິດ, ຜົ້ງສາລີ: ແອັດຊັງທໍາມະດາ 9.750 ແລະ ກາຊວນ 9.360 ກີບຕໍ່ລິດ, ຫລວງນໍ້າທາ: ແອັດຊັງທໍາມະດາ 9.350 ແລະ ກາຊວນ 8.960 ກີບຕໍ່ລິດ, ອຸດົມໄຊ: ແອັດຊັງພິເສດ 10.640 ແອັດຊັງທໍາມະດາ 9.470 ແລະ ກາຊວນ 9.080 ກີບຕໍ່ລິດ, ບໍ່ແກ້ວ: ແອັດຊັງພິເສດ 10.560 ແອັດຊັງທໍາມະດາ 9.090 ແລະ ກາຊວນ 8.700 ກີບຕໍ່ລິດ, ຫລວງພະບາງ: ແອັດຊັງພິເສດ 10.560 ແອັດຊັງທໍາມະດາ 9.390 ກາ ຊວນ 9.000 ກີບຕໍ່ລິດ, ໄຊຍະບູລີ: ແອັດຊັງພິເສດ 10.410 ແອັດຊັງທໍາມະດາ 9.240 ແລະ ກາຊວນ 8.850 ກີບຕໍ່ລິດ, ຫົວພັນ: ແອັດຊັງທໍາມະດາ 9.390 ແລະ ກາຊວນ 9.000 ກີບຕໍ່ລິດ, ຊຽງຂວາງ: ແອັດຊັງທໍາມະດາ 9.180 ແລະ ກາຊວນ 8.790 ກີລຕໍ່ລິດ, ແຂວງວຽງຈັນ: ແອັດຊັງພິເສດ 10.160 ແອັດຊັງທໍາມະດາ 8.990 ແລະ ກາຊວນ 8.600 ກີບຕໍ່ລິດ,ບໍລິຄໍາໄຊ: ແອັດຊັງພິເສດ 10.240 ແອັດຊັງທໍາມະດາ 9.070 ແລະ ກາຊວນ 8.680 ກີບຕໍ່ລິດ, ຄໍາມ່ວນ: ແອັດຊັງພິເສດ 10.190 ແອັດຊັງທໍາມະດາ 9.020 ແລະ ກາຊວນ 8.630 ກີບຕໍ່ລິດ, ສະຫວັນນະເຂດ: ແອັດຊັງພິເສດ 10.190 ແອັດຊັງທໍາມະດາ 9.020 ແລະ ກາຊວນ 8.630 ກີບຕໍ່ລິດ, ສາລະວັນ: ແອັດຊັງທໍາມະດາ 9.200 ແລະ ກາຊວນ 8.810 ກີບຕໍ່ລິດ, ຈໍາປາສັກ: ແອັດຊັງພິເສດ 10.220 ແອັດຊັງທໍາມະດາ 9.050 ແລະ ກາຊວນ8.660 ກີບຕໍ່ລິດ, ເຊກອງ: ແອັດຊັງທໍາມະດາ 9.230 ແລະ ກາຊວນ 8.840 ກີບຕໍ່ລິດ, ອັດຕະປື: ແອັດຊັງພິເສດ 10.400 ແອັດຊັງທໍາມະດາ 9.230 ແລະ ກາຊວນ 8.840 ກີບຕໍ່ລິດ ແລະ ໄຊສົມບູນ ແອັດຊັງທໍາມະດາ 9.230 ແລະ ກາຊວນ 8.840 ກີບຕໍ່ລິດ.