ຄວນກິນແນວໃດເມື່ອມີອາການເຈັບທ້ອງກະທັນຫັນ
ເວລາມີອາການເຈັບທ້ອງ ຫລື ຖອກທ້ອງກະທັນຫັນ ສິ່ງສຳຄັນທີ່ ສຸດແມ່ນການທົດແທນນຳ້ທີ່ສູນເສຍ ໄປກັບການຂັບຖ່າຍອາຈົມ ໂດຍສະ ເພາະຖອກທ້ອງຊະນິດກະຫັນກັນ ເຊິ່ງເຮັດໄດ້ໂດຍການດື່ມນຳ້ເກືອທະ ເລຝຸ່ນ ຫລື ໂອລາລິດ ທີ່ສາມາດຫາ ຊື້ໄດ້ຕາມທ້ອງຕະຫລາດທົ່ວໆໄປ ລະລາຍນຳ້ຕົ້ມສຸກໃນປະລິມານທີ່ ກຳນົດໄວ້ເທິງສະຫລາກ, ດື່ມເທື່ອ ລະໜ້ອຍ ເຄິ່ງຈອກ ຫລື 1 ຈອກ ເພື່ອທົດແທນນຳ້ທີ່ຖ່າຍອອກມາ ຖ້າ ບໍ່ມີທະເລຝຸ່ນສຳເລັດຮູບ ກໍອາດຈະ ກຽມເອງໄດ້ໂດຍໃຊ້ເກືອ 1 ບ່ວງ ຊາປະສົມກັບນຳ້ຕານ 1 ບ່ວງແກງ ປະສົມໃນນຳ້ຕົ້ມສຸກ 1 ກະຕຸກ ຫລື ປະມານ 750 ເຊເຊ.
ບາງຄົນເຊື່ອວ່າເວລາຖອກທ້ອງ ຄວນງົດກິນອາຫານ ແລະ ເຄື່ອງ ດື່ມທຸກຊະນິດ ເພື່ອໃຫ້ເກີດການຢຸດ ຖ່າຍ, ແຕ່ຄວາມຈິງແລ້ວຄົນທີ່ມີອາ ການຖອກທ້ອງບໍ່ວ່າຈະແມ່ນແບບ ກະທັນຫັນ ຫລື ຊຳ້ເຮື້ອ ໂດຍທົ່ວໄປ ບໍ່ຈຳເປັນຕ້ອງອົດອາຫານ ການບໍ່ ກິນ ຫລື ດື່ມຫຍັງເລີຍ ອາດເຮັດໃຫ້ ຮ່າງກາຍຂາດນຳ້ ເປັນອັນຕະລາຍ ເຖິງຊີວິດໄດ້. ຄວາມຈິງແລ້ວຄວນ ກິນອາຫານອ່ອນທີ່ຍ່ອຍງ່າຍ ໂດຍ ເນັ້ນອາຫານທີ່ມີເຂົ້າ ຫລື ແປ້ງເປັນ ຫລັກ ເຊັ່ນ : ຕົ້ມເຂົ້າປຽກ, ແກງ ຫລື ໂຈ໊ກ.
ຜູ້ໃຫຍ່ທີ່ມີອາການຖອກທ້ອງກະ ທັນຫັນ ຄວນງົດຜັກ, ໝາກໄມ້, ນຳ້ ໝາກໄມ້ ແລະ ບໍ່ຄວນດື່ມນົມ ຈົນ ກ່ວາອາການຖອກທ້ອງຈະໃຄຂຶ້ນ ເພາະອາຫານເຫລົ່ານີ້ອາດເຮັດໃຫ້ ເກີດການຖ່າຍທ້ອງຫລາຍຍິ່ງຂຶ້ນ. ໃນເດັກນ້ອຍທີ່ມີອາການຖອກທ້ອງກະທັນຫັນ ຖ້າດື່ມນົມແມ່ຢູ່ກໍໃຫ້ດືມ່ ຕາມປົກກະຕິ ຖ້າດື່ມນົມເຕົ້າຢາງ ໃນໄລຍະທຳອິດທີ່ຖອກທ້ອງ ( 2 – 4 ຊົ່ວໂມງທຳອິດ) ໃຫ້ດື່ມນົມຝຸ່ນທີ່ ປະສົມເຈືອຈາງລົງ (ຫລຸດປະລິມານນົມຝຸ່ນໃຫ້ເຫລືອພຽງເຄິ່ງໜຶ່ງ ຂອງທີ່ເຄີຍປະສົມ) ຈົນກ່ວາອາ ການຈະໃຄຂຶ້ນ ຈຶ່ງໃຫ້ດື່ມນົມຝຸ່ນ ຕາມປົກກະຕິໄດ້.
ໂດຍທົ່ວໄປອາການຖອກທ້ອງ ກະທັນຫັນທີ່ບໍ່ຮຸນແຮງຫລາຍ ການ ທົດແທນນຳ້ທີ່ສູນເສຍໄປ ແລະ ການກິນອາຫານດັ່ງກ່າວມາຂ້າງ ເທິງຈະເຮັດໃຫ້ອາການໃຄຂຶ້ນໂດຍ ບໍ່ຈຳເປັນຕ້ອງໄປພົບແພດ ແລະ ສາ ມາດກັບໄປກິນອາຫານຕາມປົກກະ ຕິໄດ້ ຫລັງຈາກຢຸດອາການຖອກ ທ້ອງແລ້ວ 1 ມື້, ແຕ່ຖ້າມີອາການ ດັ່ງຕໍ່ໄປນີ້ຄວນໄປພົບແພດ ຄື :
ອາການຖ່າຍທ້ອງຈຳນວນ ຫລາຍ ແລະ ຖ່າຍຫລາຍເທື່ອ, ມີ ອາການໄຂ້, ເຈັບທ້ອງແຮງ ແລະ ຮາກຮ່ວມນຳ, ອາການຮຸນແຮງ ແບບນີ້ປ່ອຍໄວ້້ດົນບໍ່ໄດ້ເດັດຂາດ ເພາະອາດຈະມີອາການຊັອກໝົດ ສະຕິໄດ້.
