ຄວາມສາມາດຄິດໄລ່ເລກໃນໃຈໄວທີ່ສຸດ

    ນັກຮຽນຊາຍ YaashwinSarawananໄດ້ອອກລາຍການ “Asia’s ຊີວິດ” ແລະ ຍັງໄດ້ສະ ແດງຄວາມສາມາດການຄິດໄລ່ ເລກຂອງຕົນເອງພ້ອມ.

YaashwinSarawananອາຍຸ 15 ປີ ເປັນນັກຮຽນສັງກັດຢູ່ ໂຮງຮຽນ SMK Bandar Tun Hussein Onnຂອງປະເທດມາ ເລເຊຍ ໄດ້ສ້າງຄວາມຮືຮາ ແລະ ແປກປະຫລາດໃຫ້ແກ່ຜູ້ຄົນ ແລະ ຄະນະກຳມະການ ເມື່ອເຂົາສະແດງ ຄວາມສາມາດຄິດໄລ່ເລກໃນໃຈ ໄວປານສາຍຟ້າແລບ.

Yaashwinໄດ້ອອກມາສະ ແດງຄວາມສາມາດຄິດເລກໃນໃຈ ຂອງຕົນແຂ່ງກັບເຄື່ອງຈັກຄິດໄລ່. ໃນເມື່ອຖືກກຳມະການ David Foster ຖາມກ່ຽວກັບຄວາມສາ ມາດທີ່ເຂົາເອີ້ນຕົນເອງວ່າ : “ເປັນ ເຄື່ອງຈັກຄິດໄລ່ທີ່ມີຊີວິດ” ນັ້ນ. Yaashwinໄດ້ຮຽກຮ້ອງໃຫ້ຄະ ນະກຳມະການເອົາຈັກຄິດໄລ່ໆໄປ ພ້ອມກັນກັບການຄິດໃນໃຈຂອງ ເຂົາວ່າຜົນອອກຈາກຈະຕົງກັນບໍ່.

      ກ່ອນອື່ນໝົດ, Yaashwinຮຽກຮ້ອງໃຫ້ກຳມະການ Foster ອອກໂຈດບວກເລກ 2 ໂຕ. ພໍແຕ່ ກຳມະການອ່ານຕົວເລກຕົວສຸດ ທ້າຍສຸດປັບ, ເຂົາກໍໃຫ້ຄຳຕອບທັນ ທີ 285 ຢ່າງຖືກຕ້ອງຊັດເຈນ. ຫລັງຈາກນັ້ນ ກໍປ່ຽນມາເປັນຄູນ ເລກ 2 ໂລກ. ເຂົາໃຫ້ຄຳຕອບຢ່າງ ໄວວາກ່ອນທີ່ Foster ພຽງແຕ່ທັນ ບີບໝາຍ = (ເທົ່າກັບ) ເທົ່ານັ້ນ.

     ເມື່ອປ່ຽນມາເປັນເລກຫານ, ເຂົາໃຫ້ຜົນຕອບຢ່າງຊັດເຈນແຕ່ລະ ຕົວເລກ ພ້ອມເສດສ່ວນຂອງມັນ ອັນໄດ້ເຮັດໃຫ້ບັນຍາກາດໃນຫ້ອງ ນັ້ນແຊວຂຶ້ນດ້ວຍຄວາມແປກໃຈ.

      ຢູ່ໃນລາຍການສະແດງສຸດ ທ້າຍ, Yaashwinຮຽກຮ້ອງໃຫ້ ກຳມະການ Anggunເລືອກເອົາ ເລກ 29 + 29 ດ້ວຍກັນຫລາຍເທື່ອ ເຊິ່ງຜົນບວກສຸດທ້າຍທີ່ Anggunກຳນົດໄວ້ແມ່ນ 74. ນັກຮຽນຊາຍ ອາຍຸ 15 ປີ ອ່ານຜົນຕອບໄວປານ ສາຍຟ້າແລບ ຈົນ Foster ບີບຈັກ ຄິດໄລ່ໄປນຳບໍ່ທັນ.