ຈັນ​ຍາ​ບັນ​ຄົນ​ລາວ​ເຮົາ ​ເສື່ອ​ມຖອຍ​ແທ້​ບໍ່?

ຈັນ​ຍາ​ບັນ​ຄົນ​ລາວ​ເຮົາ ​ເສື່ອ​ມຖອຍ​ແທ້​ບໍ່? - advert banner 728 90 728x90 - ຈັນ​ຍາ​ບັນ​ຄົນ​ລາວ​ເຮົາ ​ເສື່ອ​ມຖອຍ​ແທ້​ບໍ່?

ໂດຍ: ລູກ​ເມືອງ​ມວນ

ຈັນ​ຍາ​ບັນ​ຄົນ​ລາວ​ເຮົາ ​ເສື່ອ​ມຖອຍ​ແທ້​ບໍ່? - lattana 1 - ຈັນ​ຍາ​ບັນ​ຄົນ​ລາວ​ເຮົາ ​ເສື່ອ​ມຖອຍ​ແທ້​ບໍ່?

ສະບາຍດີເພື່ອນຜູ້ອ່ານທີ່ຮັກແພງ, ໃນຫົວຂໍ້ບົດນີ້ກໍໜ້າເປັນຫວ່ງຫລາຍ. ສະໄໝກ່ອນຄົນລາວເຮົາເຄີຍເອກ ອ້າງທະນົງໃຈວ່າໄດ້ເກີດເປັນລາວ, ພູມໃຈໃນຄວາມເປັນລາວວ່າ: ຄົນລາວເປັນຊາດ ທີ່ມີວັດທະນະທຳທີ່ງົດງາມ, ອ່ອນຊ້ອຍ, ອ່ອນໂຍນຄົນລາວເປັນຄົນມີນິໄສໃຈຄໍກວ້າງຂວາງ, ຮັກເຊື້ອແພງຊາດ, ເອື້ອເຟື້ອເພື່ອແຜ່ເຊິ່ງກັນ ແລະ ກັນ, ໄປພຸ້ນກິນປາມາພີ້ກິນເຂົ້າ, ເຈົ້າ ແລະ ຂ້ອຍ ເປັນພີ່ນ້ອງດຽວກັນ. ຄົນລາວ ເປັນຊາດທີ່ຄ່ອຍເວົ້າຄ່ອຍຈາ, ຄົນຕ່າງດ້າວ ທ້າວຕ່າງ ເມືອງມາເຫັນໃຜກໍຍົກຍ້ອງນໍ້າໃຈ ຄົນລາວ, ສະອອນ ແລະ ອິດ ສາຄົນລາວ. ຄົນລາວເຮົາສະໄໝກ່ອນການເດີນທາງໄປຫັ້ນມານີ້, ສ່ວນຫຼາຍແມ່ນຍ່າງເປັນມື້ເປັນວັນ, ຄໍ່າໃສກໍ ຂໍພັກຜ່ອນນອນເຮືອນກໍຍັງໄດ້, ເຈົ້າຂອງເຮືອນເອົາເສື່ອຜືນໜາຜ້າຫົ່ມຜືນງາມມາ ໃຫ້ນອນ, ແຖມຍັງມີພາເຂົ້າ ອັນແຊບຊ້ອຍພ້ອມມາສູ່ກິນ. ມາກ່ອນຈະລົງເຮືອນເດີນທາງຕໍ່ໄປ, ເຈົ້າຂອງເຮືອນຍັງຫໍ່ເຂົ້າ, ຫໍ່ປາໃຫ້ໄປກິນນຳ ທາງຕື່ມອີກ. ຄົນລາວສະໄໝກ່ອນໄປທາງໃດກໍຮູ້ຈັກກັນ, ຖາມຄົນຢູ່ບ້ານເໜືອຮູ້ຮອດຄົນຢູ່ບ້ານໃຕ້ ຢູ່ຫົວໄຮ່ປາຍ ນາບ່ອນໃດກໍຮູ້ກັນໝົດ. ຊໍ້າບໍ່ໜໍາຍັງເລົ່າໂຄດຕະກຸນສູ່ກັນ ຟັງໄດ້ອີກດ້ວຍ.

ແຕ່ຄົນລາວດຽວນີ້ຈຳ ນວນໜຶ່ງ, ໂດຍສະເພາະແມ່ນ ຄົນໃນເມືອງໃຫຍ່, ເຮືອນຢູ່ໃກ້ ກັນຖາມຫາກັນຍັງບໍ່ຮູ້ເລື່ອງ. ເວົ້າຈາປາໄສບໍ່ສູ້ນິ້ມນວນ ຊວນຟັງຄືເມື່ອກອ່ນ. ຖາມຄວາມໃດໄດ້ຄວາມນັ້ນບໍ່ສູ້ ສົນໃຈນຳກັນອີກແລ້ວ. ບໍ່ຮູ້ ວ່າຄວາມເປັນລາວ, ຄວາມ ອ່ອນຊ້ອຍ, ອ່ອນໂຍນນັ້ນ ຈາງຫາຍໄປທາງໃດໝົດແລ້ວ? ສັງຄົມລາວທຸກມື້ນີ້ ນັບມື້ນັບຢູ່ຍາກ, ເວົ້າຈາກັນ ບໍ່ຄ່ອຍຮູ້ເລື່ອງ, ເວົ້າຫຍັງອອກ ມາກໍມີແຕ່ໃຊ້ສິດອຳນາດ,  ໃຊ້ແຕ່ຄວາມຮຸນແຮງ, ຂູ້ເຂັນ ເປັນຕາຍ. ເມື່ອເຮົາເບິ່ງຄືນ  3 ເຫດການໃຫຍ່າທີ່ເກີດຂຶ້ນ ຢູ່ສັງຄົມລາວຜ່ານມາທີ່ສັງ ຄົມໃຫ້ຄວາມສົນໃຈ, ເຊັ່ນ: ກໍລະນີລົດໃຫຍ່ຢຽບລົດຈັກແລ້ວລາກໄປຕັ້ງຫຼາຍຮ້ອຍ ແມັດ; ກໍລະນີລົດໃຫຍ່າຕຳ ທ້າຍລົດໃຫຍ່ ຂອງຄົນທີ່ມີ ຊື່ວ່າ: ມຶງລູກໃຜ? ແລະ ກໍລະນີພິດພາດທີ່ດິນຢູ່ບ້ານນາໂນ ລ້ວນແຕ່ໃຊ້ອາວຸດເສິກເວົ້າ ນຳກັນ, ອັນໄດ້ສ້າງໃຫ້ສັງຄົມ ລາວມີຄວາມອຶດອັດ, ຜະຫວາ ໄປທົ່ວທັງສັງຄົມ. ແມ່ນບໍ່? ມັນ ໃຫ້ສັນຍານເຕືອນວ່າ ສັງຄົມລາວໄດ້ມີການປ່ຽນໄປຕາມການເວລາໄປແລ້ວ.

ໂອຍ, ເສຍດາຍວັດທະ ນະທຳທີ່ດີງາມ, ອ່ອນໂຍນ, ອ່ອນຊ້ອຍ ທີ່ປູ່ຍ່າຕາຍາຍ ພວກເຮົາໄດ້ສ້າງຂຶ້ນມາບໍຈັກ ວ່າທໍ່ໃດພັນປີ, ດຽວນີ້ມັນ ຈາງຫາຍໄປໃສໝົດແລ້ວ? ມັນເປັນຍ້ອນຫຍັງ, ຍ້ອນ ກົນໄກເສດຖະກິດຕະຫຼາດບໍ ຫຼື ແມ່ນຍ້ອນລະບົບຮາກ ຖານການສຶກສາຂອງພວກ ເຮົາບໍ່ທັນໄດ້ເຮັດໜ້າໃຫ້ດີ ທີ່ສຸດ? ຖ້າພວກເຮົາເວົ້າວ່າ ຍ້ອນກົນໄກເສດຖະກິດຕະ ຫຼາດ ອາດຈະບໍ່ທັນຖືກຮ້ອຍ ເປີເຊັນ, ອາດຈະແມ່ນຮາກ ຖານລະບົບການສຶກສາຂອງ ພວກເຮົາຍັງບໍ່ທັນດີເທົ່າທີ່ ຄວນກໍອາດເປັນໄປໄດ້.

ເຖິງເວລາແລ້ວທີ່ພວກເຮົາຈະຕ້ອງເອົາໃຈໃສ່ຢ່າງ ຈິງຈັງປະຕິຮູບລະບົບການ ສຶກສາໃຫ້ດີ, ໂດຍສະເພາະ ແມ່ນການສຶກສາດ້ານຈະລິຍະທຳ, ຈັນຍາທຳ, ຈັນຍາບັນ, ຈິດໃຈຊາດ, ສະຕິຊາດ ແລະ ຄວາມເປັນຊາດລາວ ໃນຄົນລາວໃຫ້ສູງຂຶ້ນ. ຢາກໃຫ້ຄົນລາວທຸກຄົນຫັນກັບຄືນມາເບິ່ງວັດທະນະທຳອັນດີງາມຂອງຊາດ, ຈະລີດປະເພນີອັນສູງເດັ່ນຂອງລາວ ອີກຄັ້ງ. ພວກເຮົາຈົ່ງພ້ອມກັນປົກປັກຮັກສາມັນໄວ້ເຖີດ ຢ່າໃຫ້ເກີດສາມານຮ້າຍປ່າເຖື່ອນຢູ່ໃນແຜ່ນດິນອັນ ແສນຮັກ ແລະ ຫວງແໜນແຫ່ງນີ້./.

ຈັນ​ຍາ​ບັນ​ຄົນ​ລາວ​ເຮົາ ​ເສື່ອ​ມຖອຍ​ແທ້​ບໍ່? - 1 1 - ຈັນ​ຍາ​ບັນ​ຄົນ​ລາວ​ເຮົາ ​ເສື່ອ​ມຖອຍ​ແທ້​ບໍ່?
ຈັນ​ຍາ​ບັນ​ຄົນ​ລາວ​ເຮົາ ​ເສື່ອ​ມຖອຍ​ແທ້​ບໍ່? - Tiger Head 728x90 - ຈັນ​ຍາ​ບັນ​ຄົນ​ລາວ​ເຮົາ ​ເສື່ອ​ມຖອຍ​ແທ້​ບໍ່?
ຈັນ​ຍາ​ບັນ​ຄົນ​ລາວ​ເຮົາ ​ເສື່ອ​ມຖອຍ​ແທ້​ບໍ່? - 33547 - ຈັນ​ຍາ​ບັນ​ຄົນ​ລາວ​ເຮົາ ​ເສື່ອ​ມຖອຍ​ແທ້​ບໍ່?
(ພາບປະກອບ)

error: Content is protected !!