ຕໍາຫລວດບໍ່ແກ້ວເລັ່ງຕິດຕາມຂະບວນ ຄ້າຢາເສບຕິດລາຍໃຫຍ່ມາດໍາເນີນຄະດີ

- Yaba - ຕໍາຫລວດບໍ່ແກ້ວເລັ່ງຕິດຕາມຂະບວນ ຄ້າຢາເສບຕິດລາຍໃຫຍ່ມາດໍາເນີນຄະດີ
- Untitled design - ຕໍາຫລວດບໍ່ແກ້ວເລັ່ງຕິດຕາມຂະບວນ ຄ້າຢາເສບຕິດລາຍໃຫຍ່ມາດໍາເນີນຄະດີ

- Yaba - ຕໍາຫລວດບໍ່ແກ້ວເລັ່ງຕິດຕາມຂະບວນ ຄ້າຢາເສບຕິດລາຍໃຫຍ່ມາດໍາເນີນຄະດີ

 

​ເຈົ້າໜ້າ​ທີ່ ປກສ ແຂວງບໍ່ແກ້ວ ໃຫ້ຮູ້ວ່າ: ປັດຈຸບັນພວມຈັດກໍາລັງລົງຕິດຕາມຂະບວນການຄ້າຢາເສບຕິດ ລາຍໃຫຍ່ກຸ່ມໜຶ່ງທີ່ໄດ້ຖິ້ມຢາບ້າເກືອບໜຶ່ງລ້ານເມັດໄວ້ຢູ່ເຮືອຫາງລໍາໜຶ່ງແຄມທ່ານໍ້າຂອງເຂດດ່ານເມືອງປາກທາ ແຂວງບໍ່ແກ້ວ, ກ່ອນພາກັນເອົາຕົວຫລົບການຈັບກຸມຈາກເຈົ້າໜ້າທີ່ເມື່ອວັນທີ 7 ພຶດສະພາຜ່ານມານີ້.

 

ເຈົ້າໜ້າທີ່ ໃຫ້ຮູ້ວ່າ: ​ໃນ​ຂະນະ​ປະຕິບັດ​ໜ້າ​ທີ່ຢູ່​ເຂດ​ດ່ານປາກທາ ​ໄດ້​ສັງ​ເກດ​ເຫັນເຮືອ​ຫາງ​ລຳ​ໜຶ່ງທີ່ມີ​ 2 ຄົນ​ນັ່ງ ລ່ອງ​​ລົງມາ​ຕາມ​ແມ່ນ້ຳຂອງ​ແບບ​ຜິດສັງເກດ ຈຶ່ງ​ໄດ້​ຂີ່​ເຮືອໄລ່ຕາມຕິດເພື່ອກວດກາ, ແຕ່​ເຮືອລໍາດັ່ງກ່າວ​ໄດ້ຮີບຮ້ອນ​​ທຽບເຂົ້າ​ຝັ່ງຢ່າງໄວວາ​ ແລະ ຄົນທີ່ນັ່ງມານໍາເຮືອກໍໄດ້ພາກັນ​ເອົາ​ຕົວ​ຫລົບ​ໜີ​ເຂົ້າໄປໃນປ່າ ແລະ ພາຍຫລັງ​ກວດຄົ້ນ​ເຮືອ​ພົບ​ເຫັນຖົງປຸ໋ຍ 3 ໜ່ວຍທີ່ບັນຈຸ​ຢາ​ບ້າຈໍານວນ 453 ມັດ ​ເທົ່າ​ກັບ 9 ແສນກວ່າ​ເມັດ ​ເຊິ່ງຄາດວ່າມີເປົ້າໝາຍສົ່ງ ໄປໃຫ້ລູກຄ້າຢູ່ປະເທດໃກ້ຄຽງ ຈຶ່ງ​ໄດ້​ຍຶດຢາບ້າດັ່ງກ່າວ ແລະ ​ເຮືອໄວ້ເປັນຫລັກຖານ ເພື່ອຕິດຕາມຈັບຕົວຂະບວນ ການຄ້າຢາເສບຕິດລາຍໃຫຍ່ນີ້ມາດໍາເນີນຄະດີຕາມລະບຽບກົດໝາຍໂດຍໄວ.

 

- Wave100S AD to Website 2020 0 - ຕໍາຫລວດບໍ່ແກ້ວເລັ່ງຕິດຕາມຂະບວນ ຄ້າຢາເສບຕິດລາຍໃຫຍ່ມາດໍາເນີນຄະດີ

ຂ່າວ​ໃຫ້​ຮູ້ຕື່ມ​ວ່າ: ​ໃນ​ວັນ​ທີ 9 ພຶດສະພາຜ່ານມາ, ​ເຈົ້າໜ້າ​ທີ່ ປກສ ​ເມືອງ​ຕົ້ນ​ເຜິ້ງ ​ແຂວງ​ບໍ່​ແກ້ວ ໄດ້ຈັບຂະບວນ ການຄ້າຢາເສບຕິດຕົວອັນຕະລາຍ​ຄື: ທ້າວ ຈາ​ຈ່າ ອາຍຸ 23 ປີ ຢູ່​ບ້ານ​ຫ້ວຍ​ສຸກ, ທ້າວ ຈາ​ໂຈ​ຄ່າ ອາຍຸ 30 ປີ ຢູ່​ບ້ານ​ປຸງ​ເລາະ ​ເມືອງ​ເມິງ​ ​ແລະ ທ້າວ ຈາ​ຕີ່ ອາຍຸ 26 ປີ ຢູ່​ບ້ານ​ຫ້ວຍ​ລົມ ​ເມືອງ​ຕົ້ນ​ເຜິ້ງ ​ແຂວງ​ບໍ່​ແກ້ວ ພ້ອມຂອງກາງຢາ​ບ້າ​ຈຳນວນ 24 ພັນ​ເມັດ ແລະ ລົດ​ວີ​ໂກ້​ສີ​ປອນ​ເງິນໝາຍ​ເລກ​ທະບຽນ ກກ 3008 ບໍ່​ແກ້ວ ແລະ ລົດຈັກໜຶ່ງຄັນບໍ່​ມີ​ເລກທະບຽນ ທີ່ພວກກ່ຽວນໍາໃຊ້ເຄື່ອນໄຫວກະທໍາຜິດ ຈຶ່ງໄດ້ຍືດໄວ້ເປັນຫລັກຖານໃນການດໍາເນີນຄະດີຕາມລະ ບຽບກົດໝາຍ.

 

ຜ່ານ​ການ​ສືບສວນ-ສອບ​ສວນ​ຂອງເຈົ້າໜ້າທີ່ພວກ​ກ່ຽວ​ຮັບ​ສາລະພາບ​ວ່າ: ຢາ​ບ້າ​ດັ່ງກ່າວ​ເອົາ​ມາ​ຈາກ​ເຄືອຂ່າຍ ຄ້າຢາເສບຕິດຢູ່​ປະ​ເທດໃກ້ຄຽງ​ເພື່ອ​ໄປ​ສົ່ງ​ໃຫ້ລູກຄ້າຢູ່ພາຍໃນແຂວງບໍ່ແກ້ວ ​ໂດຍ​ໄດ້ຮັບ​ຄ່າ​ຈ້າງ​ຈຳນວນ 30 ພັນ ບາດ (ສະກຸນເງິນໄທ) ​ແຕ່​ຖືກ​ເຈົ້າໜ້າ​ທີ່ຈັບຕົວ​ໄດ້​ກ່ອນ.

- WhatsApp Image 2020 05 27 at 5 - ຕໍາຫລວດບໍ່ແກ້ວເລັ່ງຕິດຕາມຂະບວນ ຄ້າຢາເສບຕິດລາຍໃຫຍ່ມາດໍາເນີນຄະດີ
- WhatsApp Image 2020 05 27 at 5 - ຕໍາຫລວດບໍ່ແກ້ວເລັ່ງຕິດຕາມຂະບວນ ຄ້າຢາເສບຕິດລາຍໃຫຍ່ມາດໍາເນີນຄະດີ
error: Alert: ເນື້ອຫາຂ່າວມີລິຂະສິດ !!