ມູຣິນໂຢ ຍົກ ເອັມບັບເປ້ ດາວຍິງເປແອສເຊ ມູນຄ່າເໜືອ ເມສຊີ-ໂຣນັລໂດ້
March 20, 2019 - 5:10 PM
ໂຊເຊ ມູຣິນໂຢ ຜູ້ຈັດການທີມຄົນດັງຊາວໂປຣຕຸເກດ ອອກມາຍົກຍ້ອງ ຄີລິຍັນ ເອັມບັບເປ້ ກອງໜ້າທີມຊາດຝຣັ່ງຂອງ ປາຣີ ແຊງແຊກແມງ ຄືດາວເຕະທີ່ມີມູນຄ່າສູງທີ່ສຸດໃນໂລກ ແລະ ສູງກວ່າ 2 ຊຸບເປີສະຕາ ລິໂອເນລ ເມສຊີ ຂອງ ບາເຊໂລນາ ແລະ ຄຣິສເຕຍໂນ ໂຣນັລໂດ້ ຂອງ ຢູເວນຕຸສ.
ມູຣິນໂຢ ເບິ່ງວ່າ: ຈາກອາຍຸທີ່ຍັງນ້ອຍ ແລະ ຝີຕີນທີ່ເກັ່ງ ເຮັດໃຫ້ ເອັມບັບເປ້ ອາດຈະກາຍເປັນນັກເຕະທີ່ມີມູນຄ່າສູງກວ່າ ເມສຊີ ແລະ ໂຣນັລໂດ້ ທີ່ມີອາຍຸ 31 ແລະ 34 ປີຕາມລຳດັບ ລວມທັງ ເນມາ ເພື່ອນຮ່ວມທີມ ທີ່ມີອາຍຸ 27 ປີແລ້ວ.
