ສະຜົມຖືກວິທີຊ່ວຍຫລຸດຜົມຂາດຫລົ່ນໄດ້

ສະຜົມຖືກວິທີຊ່ວຍຫລຸດຜົມຂາດຫລົ່ນໄດ້ - advert banner 728 90 728x90 - ສະຜົມຖືກວິທີຊ່ວຍຫລຸດຜົມຂາດຫລົ່ນໄດ້

    ການຫລຸດການຂາດຫລົ່ນຂອງເສັ້ນຜົມ ເລີ່ມຕົ້ນຳໄດ້ຈາກການສະຜົມຢ່າງຖືກວິທີ :

ສະຜົມຖືກວິທີຊ່ວຍຫລຸດຜົມຂາດຫລົ່ນໄດ້ - new3 - ສະຜົມຖືກວິທີຊ່ວຍຫລຸດຜົມຂາດຫລົ່ນໄດ້

     1. ຫວີຜົມກ່ອນຈະສະ : ຫາກທ່ານສະຜົມໃນຂະນະທີ່ຜົມຫຍຸ້ງກ້ຽວພັນກັນ ໂອກາດທີ່ທ່ານຈະສາງຜົນດ້ວຍນິ້ວມື ແລ້ວດຶງໆຈົນເສັ້ນຜົມຫລຸດຕິດມືອອກມາກໍມີສູງຂຶ້ນ ໂດຍສະເພາະຍາມທີ່ຜົມຖືກນຳ້ ແລະ ຢາສະຜົມເປັນເວລາທີ່ເສັ້ນຜົມກຳລັງຊຸ່ມຊື່ນ, ບາງ ແລະ ຈີກຂາດໄດ້ງ່າຍ. ດັ່ງນັ້ນ, ການສາງຜົມດ້ວຍຫວີໃຫ້ເສັ້ນຜົມລຽງເສັ້ນງາມກ່ອນເລີ່ມຕົ້ນສະ ຈຶ່ງສາມາດຊ່ວຍຫລຸດການດຶງເສັ້ນຜົມໄດ້ດີກ່ວາທີ່ທ່ານຄິດ.

     2. ບໍ່ສະຜົມດ້ວຍນຳ້ອຸ່ນໆຫລື ຮ້ອນຫລາຍ : ເສັ້ນຜົມຈະຍິ່ງອ່ອນແອ ແລະ ຂາດງ່າຍຫາກສຳຜັດກັບຄວາມຮ້ອນ, ຄວາມຮ້ອນຈາກນຳ້ອຸ່ນໆທີ່ເຮົາຮູ້ສຶກວ່າມັນສະບາຍກັບໜັງຫົວຂອງເຮົາຈະຍິ່ງເຮັດໃຫ້ໜັງຫົວແຫ້ງ, ເພີ່ມຄວາມສ່ຽງທີ່ເສັ້ນຜົມຈະຂາດ ຫລື ຫລົ່ນອອກມາໝົດຮາກໄດ້ງ່າຍຂຶ້ນ. ດັ່ງນັ້ນຈຶ່ງຄວນໃຊ້ນຳ້ອຸນຫະພູມທຳມະດາ ຫລື ບໍ່ຮ້ອນ – ບໍ່ເຢັນຈົນເກີນໄປສະຜົມຈະດີກ່ວາ.

     3. ບໍ່ປະຢັດຢາສະຜົມ : ບາງເທື່ອຄົນທີ່ຊື້ຢາສະຜົມຄາລາແພງມາ ອາດຈະພະຍາຍາມໃຊ້ຢາສະຜົມໜ້ອຍໆ ຫລື ຄິດວ່າໃຊ້ພຽງເທົ່ານີ້ກໍພຽງພໍສຳລັບສະຫົວແລ້ວ, ແຕ່ຄວາມຈິງແລ້ວ ປະລິມານຢາສະຜົມທີ່ຄວນໃຊ້ໃນແຕ່ລະຄົນບໍ່ເທົ່າກັນ, ຄົນທີ່ຜົມຍາວຜົມໜາກໍຕ້ອງໃຊ້ຢາສະຜົມຫລາຍກ່ວາຄົນທີ່ຜົມສັ້ນຜົມບາງ ດັ່ງນັ້ນ ພະຍາຍາມກະປະລິມານໃຫ້ພໍດີກັບການສະຜົມຂອງເຮົາ ເພາະຖ້າໃຊ້ຢາສະຜົມໜ້ອຍເກີນໄປ ແຮງນິ້ວມືໃນການຍ່ອງຜົມ, ເກົາ ຫລື ດຶງຈະຍິ່ງຮຸນແຮງ ແລະ ເສັ້ນຜົມກໍຈະຫລຸດຫລົ່ນຫລາຍຍິ່ງຂຶ້ນ ອາດຈະຄ່ອຍເທຢາສະຜົມອອກມາໃຊ້ເທື່ອລະໜ້ອຍ ຈົນສາມາດເຮັດຄວາມສະອາດຜົມໄດ້ຢ່າງບໍ່ລຳບາກ.

     4. ນວດໜັງຫົວຄ່ອຍໆ : ເຂົ້າໃຈວ່າຫລາຍຄົນມັກເກົາໜັງຫົວແຮງໆ ເພາະຮູ້ສຶກວ່າການໃຊ້ປາຍນິ້ວຄ່ອຍໆນວດໜັງຫົວບໍ່ໄດ້ ເຮັດໃຫ້ໜັງຫົວສະອາດ ຫລື ກຳຈັດນຳ້ມັນສ່ວນເກີນຈາກໜັງຫົວອອກໄປໄດ້, ແຕ່ຄວາມຈິງແລ້ວ ການນວດໜັງຫົວຈະຊ່ວຍເຮັດໃຫ້ເລືອດໄຫລວຽນໄດ້ດີ, ກະຕຸ້ນໃຫ້ຮາກຜົມຈັບກັບຮູຂຸມຂົນເທິງໜັງຫົວໄດ້ດີ ແລະ ແຂງແຮງຫລາຍຍິ່ງຂຶ້ນ. ການເກົາແຮງໆບໍ່ໄດ້ຊ່ວຍເຮັດຄວາມສະອາດໄດ້ດີຂຶ້ນ, ແຕ່ຍັງເຮັດໃຫ້ເສັ້ນຜົມຖືກດຶງ ແລະ ຖົກອອກມາຈາກຮູຂຸມຂົນເທິງໜັງຫົວຫລາຍຂຶ້ນ ຜົມຈຶ່ງຫລຸດຫລົ່ນຫລາຍກ່ວາທີ່ຄວນຈະເປັນ. ນອກຈາກນີ້ ຍັງອາດເຮັດໃຫ້ໜັງຫົວເປັນບາດ ແລະ ກະຕຸ້ນໃຫ້ເກີດຂີ້ຄັນແຄໄດ້. ດັ່ງນັ້ນ, ຄວນຈະໃຈເຢັນໆຄ່ອຍໆນວດ ຫລື ເກົາໜັງຫົວຄ່ອຍໆ ແລະ ຫາກຮູ້ສຶກວ່າຍັງບໍ່ສະອາດພໍ ສາມາດສະຜົມຫລາຍກ່ວາ 1 ເທື່ອໄດ້.

ສະຜົມຖືກວິທີຊ່ວຍຫລຸດຜົມຂາດຫລົ່ນໄດ້ - lattana 1 - ສະຜົມຖືກວິທີຊ່ວຍຫລຸດຜົມຂາດຫລົ່ນໄດ້

     5. ບໍ່ຫວີຜົມຂະນະທີ່ຜົມປຽກ: ຫລາຍຄົນມັກໃຊ້ຫວີສາງຜົມໃຫ້ເຊົາພັນກັນຫລັງສະທັນທີ ເມື່ອຜົມຍັງປຽກຢູ່ ການຫວີຜົມແລ້ວດຶງ ເຮັດໃຫ້ເສັ້ນຜົມຂາດໄດ້ງ່າຍທີ່ສຸດ ດັ່ງນັ້ນຄວນເປົ່າໃຫ້ແຫ້ງກ່ອນຈຶ່ງຄ່ອຍຫວີ.

     6. ເຊັດຜົມແຮງໆ : ການເຊັດຜົມແຮງໆໃນລັກສະນະຮຸກຖູຜົມດ້ວຍຜ້າແພ ນອກຈາກຈະເຮັດໃຫ້ຜົມຂາດຫລົ່ນຫລາຍຂຶ້ນແລ້ວ ຍັງເຮັດໃຫ້ກ້ຽວພັນກັນຫລາຍກ່ວາເກົ່າ ດັ່ງນັ້ນຫລັງສະຜົມແລ້ວຄວນໃຊ້ຜ້າຂົນໜູຫໍ່ເພື່ອເຊັດນຳ້ອອກໃຫ້ ໄດ້ຫລາຍທີ່ສຸດ ແລ້ວຄ່ອຍໆແກະຜ້າອອກມາ ແລ້ວເປົ່າຜົມໃຫ້ແຫ້ງກ່ອນທີ່ຜົມຈະແຫ້ງດີຈຶ່ງຄ່ອຍເລີ່ມຫລີຜົມເພື່ອຈັດແຕ່ງຊົງຕໍ່ໄປ.

     ນອກຈາກການສະຜົມໃຫ້ຖືກວິທີແລ້ວ ຄວນກິນອາຫານທີ່ຊ່ວຍບຳລຸງຜົວໄປນຳ ເຊັ່ນ : ຖົ່ວຊະນິດຕ່າງໆ, ທັນຍາພືດ, ນົມ, ໂຢເກິດ, ປາແຊວມັອນ,  ຜັກໃບຂຽວ, ໄຂ່, ຫອຍ ແລະ ໝາກກ້ວຍຫອມ.

error: Content is protected !!