ຕຳຫລວດຫວຽດນາມຢຶດຢາບ້າ 300 ກກ ໃນນະຄອນໂຮ່ຈີມິງ

ຕຳຫລວດຫວຽດນາມຢຶດຢາບ້າ 300 ກກ ໃນນະຄອນໂຮ່ຈີມິງ - advert banner 728 90 728x90 - ຕຳຫລວດຫວຽດນາມຢຶດຢາບ້າ 300 ກກ ໃນນະຄອນໂຮ່ຈີມິງ

       ຕຳຫລວດ ​ແລະ ສື່​ທາງ​ການ​ລາຍ​ງານ​ໃນ​ວັນ​ທີ 21 ມີນາ​ວ່າ: ​ເຈົ້າໜ້າ​ທີ່​ບຸກທຳລາຍ​ເຄືອ​ຂ່າຍ​ຄ້າ​ຢາ​ບ້າ​ຢູ່​ຕຶກ​ແຫ່ງ​ໜຶ່ງ​ໃນ​ນະຄອນຫລວງ​ໂຮ່ຈີ​ມິ​ງ ​ເຊິ່ງຄາດ​ວ່າ​ເປັນ​ຂອງ​ຊາວ​ຈີນ​ທີ່​ໃຊ້​​ໂຮງງານ​ຕັດຫຍິບ​ເປັນ​ທຸລະ​ກິດ​ບັງ​ໜ້າ ​ເພື່ອ​ຄ້າ​ຢາ​ເສບ​ຕິດ.

ຕຳຫລວດຫວຽດນາມຢຶດຢາບ້າ 300 ກກ ໃນນະຄອນໂຮ່ຈີມິງ - lattana 1 - ຕຳຫລວດຫວຽດນາມຢຶດຢາບ້າ 300 ກກ ໃນນະຄອນໂຮ່ຈີມິງ

      ຕຳຫລວດ​ບຸກ​ເຂົ້າຕຶກ​ດັ່ງກ່າວ ​ເຊິ່ງມີ​ພະນັກງານ​ຮັກສາ​ຄວາມ​ປອດ​ໄພ ​ແລະ ກ້ອງ​ວົງ​ຈອນ​ປິດ​ຫລາຍ​ຈຸດ​ລະຫວ່າງ​ປະຕິບັດ​ການ​ກວດຄົ້ນ​ເປັນ​ເວລາ​ຫລາຍ​ຊົ່ວ​ໂມງ ຈົນ​ພົບ​ຫໍ່​ຢາ​ບ້າ​ຫລາຍຫໍ່​ທີ່​ເຊື່ອ​ວ່າ​ລັກລອບ​ນຳ​ເຂົ້າມາ​ຈາກ​ລາວ, ຢາ​ບ້າ​ທີ່ຢຶດມາ​ໄດ້​ມີນ້ຳໜັກ 300 ກິ​ໂລ ​ແລະ ຈັບ​ກຸມ​ຜູ້​ຖືກ​ສົງ​ໄສ 11 ຄົນ ​ໃນ​ຈຳນວນ​ນີ້​ເປັນ​ຊາວ​ຈີນ 8 ຄົນ ​ແລະ ຊາວຫວຽດນາມ 3 ຄົນ. ຜູ້​ຖືກ​ສົງ​ໄສ​ຄົນ​ສຳ​ຄັນ​ເປັນ​ຊາວ​ຈີນ​ໄວ 56 ປີ ​ເຊິ່ງມີ​ຄົນ​ຮັກ​ເປັນ​ຊາວ​ຫວຽດນາມ​ທີ່​ລະບຸ​ວ່າ​ເປັນ​ເຈົ້າຂອງ​ທຸລະ​ກິດ​ສົ່ງ​ອອກ​ເສື້ອຜ້າ ​ໂດຍ​ຄາດ​ວ່າ​ຜູ້​ຖືກ​ສົງ​ໄສ​ຊາວ​ຈີນ​ຄົນ​ດັ່ງກ່າວ​ຄ້າ​ຢາ​ເສບ​ຕິດ ດ້ວຍ​ການ​ເຮັດ​ທຸລະ​ກິດ​ສົ່ງ​ອອກ​ບັງ​ໜ້າ. ສຳນັກ​ຂ່າວ​ຫວຽດນາມ​ນິວຂອງ​ທາງ​ການ​ລາຍ​ງານ​ວ່າ: ຄາດ​ວ່າ​ຢາ​ເສບ​ຕິດ​ທີ່ຢຶດ​ໄດ້​ຖືກ​ຂົນ​ສົ່ງ​ມາ​ຈາກ​ລາວ​ທາງ​ແຂວງ​ກອນ​ຕູມ ​ເພື່ອ​ມາ​ຂາຍ​ຢູ່​ໂຮ​່ຈີ​ມິ​ງ. ຫວຽດນາມ​ມີ​ກົດໝາຍ​ປາບ​ປາມ​ການ​ຄ້າ​ຢາ​ເສບ​ຕິດ​ເຂັ້ມງວດ​ທີ່​ສຸດ​ແຫ່ງ​ໜຶ່ງ​ໃນ​ໂລກ, ຜູ້​ກະທຳ​ຜິດ​ໃນ​ຄະດີ​ຄອບ​ຄອງ​ເຮ​ໂຣອິນ​ນ້ຳໜັກ 600 ກຣາມຂຶ້ນ​ໄປ ຫລື ມີ​ຢາ​ບ້າ​ຫລາຍ​ກວ່າ 2,5 ກິ​ໂລ​ຂຶ້ນ​ໄປ ຈະ​ມີ​ໂທດ​ສູງ​ສຸດ​ເຖິງ​ປະຫານ​ຊີວິດ.

ຕຳຫລວດຫວຽດນາມຢຶດຢາບ້າ 300 ກກ ໃນນະຄອນໂຮ່ຈີມິງ - 1 1 - ຕຳຫລວດຫວຽດນາມຢຶດຢາບ້າ 300 ກກ ໃນນະຄອນໂຮ່ຈີມິງ