ໂມດຣິດ ຄວ້າລາງວັນນັກກິລາຊາຍດີເດັ່ນຂອງສື່

ໂມດຣິດ ຄວ້າລາງວັນນັກກິລາຊາຍດີເດັ່ນຂອງສື່ - advert banner 728 90 728x90 - ໂມດຣິດ ຄວ້າລາງວັນນັກກິລາຊາຍດີເດັ່ນຂອງສື່

      ລູກ້າ ​ໂມ​ດຣິດ ມິດ​ຟິວ ​ຣີລ ມາດຣິດ ​ໄດ້​ຮັບ​ລາງວັນ​ນັກ​ກິລາ​ຊາຍ​ດີ​ເດັ່ນ​ປະຈຳ​ປີ 2018 ຂອງ​ສະມາຄົມນັກ​ຂ່າວ​ສາຍ​ກິລາ​ນາໆ​ຊາດ​ໄປ​ຄອງ ​ໂດຍ​ລາວ​ເອົາ​ຊະນະ ​ໂນ​ວັກ ​ຢໍ​ໂຄ​ວິດ ນັກ​ເທັນ​ນິສຄົນ​ດັງ​ໄປ​ໄດ້.

ໂມດຣິດ ຄວ້າລາງວັນນັກກິລາຊາຍດີເດັ່ນຂອງສື່ - lattana 1 - ໂມດຣິດ ຄວ້າລາງວັນນັກກິລາຊາຍດີເດັ່ນຂອງສື່

      ລູກ້າ ​ໂມ​ດຣິດ ກອງ​ກາງ​ຊາວ​ໂຄຣ​ເອ​ເຊຍ ຂອງ ຣີລ ມາດຣິດ ສະ​ໂມ​ສອນ​ຍັກ​ໃຫຍ່​ແຫ່ງ ລາ ລີ​ກາ ສະ​ເປ​ນ ​ໄດ້​ຮັບ​ເລືອກ​ໃຫ້​ເປັນ​ຜູ້​ຊະນະ​ລາງວັນ​ນັກ​ກິລາ​ຊາຍ​ດີ​ເດັ່ນ​ປະຈຳ​ປີ 2018 ຂອງ​ສະມາຄົມ​ນັກ​ຂ່າວ​ສາຍ​ກິລານາໆ​ຊາດ (AIPS) ຫລັງ​ຈາກ​ສ້າງ​ຜົນງານ​ໄດ້​ໂດດ​ເດັ່ນ​ໃນ​ປີ​ກ່ອນ.

       2018 ຖື​ເປັນ​ປີ​ທີ່​ໜ້າ​ຈົດ​ຈຳ​ຂອງ ​ໂມ​ດຣິດ ​ເພາະ​ລາວ​ຊ່ວຍ​ໃຫ້​ຕົ້ນສັງກັດ​ຄວ້າ​ແຊ້ມ ຢູຟາ ​ແຊມ​ປ້ຽນລີກ ມາ​ຄອງ​ໄດ້ ​ແລະ ຍັງ​ພາ ​ໂຄຣ​ເອ​ເຊຍ ​ໄປ​ເຖິງ​ຮອບ​ຊີງ​ຊະນະ​ເລີດ​ຂອງ​ບານ​​ໂລກ​ນຳ​ອີກ ກ່ອນ​ຈະ​ເສຍ​ໃຫ້ ຝຣັ່ງ ​ໄປ​ແບບ​ໜ້າ​ເສຍດາຍ.

       ສຳລັບ​ລາງວັນ​ຂອງ AIPS ນັ້ນ ຈະ​ວັດ​ຈາກ​ການ​ໂຫວດ​ຂອງ​ນັກ​ຂ່າວ 359 ຄົນ​ຈາກ 87 ປະ​ເທດ ​ເຊິ່ງ ​ໂມ​ດຣິດ ​ໄດ້​ຮັບ​ຄະ​ແນ​ນ​ເຖິງ 419 ຄະ​ແນນ ​ເອົາ​ຊະນະ ​ໂນ​ວັກ ຢໍ​ໂຄ​ວິດ ນັກ​ເທັນ​ນິສ​ຊາວ​ເຊີບ ທີ່​ຕາມ​ມາ​ເປັນອັນ​ດັບ 2 ດ້ວຍ​ຄະ​ແນນ 337, ຂະນະ​ທີ່ ຣາຟາ​ເອລ ດາ​ນາວ ​ໄດ້​ທີ 3 ຈາກ​ການ​ທີ່​ມີ​ຄົນ​ໂຫວດ​ໃຫ້​ລາວ 290 ຄະ​ແນນ.

ໂມດຣິດ ຄວ້າລາງວັນນັກກິລາຊາຍດີເດັ່ນຂອງສື່ - 1 1 - ໂມດຣິດ ຄວ້າລາງວັນນັກກິລາຊາຍດີເດັ່ນຂອງສື່

     ນີ້​ຖື​ເປັນ​ລາງວັນ​ສ່ວນ​ຕົວ​ສາຂາ​ໃຫຍ່​ລາຍການ​ທີ 4 ຂອງ ​ໂມ​ດຣິດ ​ໃນ​ຮອບ 7 ​ເດືອນ​ຫລັງ​ສຸດ ​ເພາະ​ລາວ​ກໍ​ໄດ້​ລາງວັນ ບັນ​ລົງ ດໍ, ນັກ​ເຕະບານ​ຊາຍ​ດີ​ເດັ່ນ​ຂອງ​ສະຫະພັນ​ບານ​ເຕະ​ນາໆ​ຊາດ (ຟີ​ຟາ) ​ແລະ ນັກ​ເຕະ​ດີ​ເດັ່ນ​ຂອງ​ທະວີບ​ເອີຣົບຈາກ​ສະຫະພັນ​ບານ​ເຕະ​ນາໆ​ຊາດ (ຢູຟາ) ​ໄປ​ຄອງ​ກ່ອນ​ໜ້າ​ນີ້​ແລ້ວ.