ປ໊ອກບາ ເຜີຍສະໂມສອນໃນຝັນ
ແຟນບານ ແມນເຊັສເຕີ ຢູໄນເຕັດ ຫວັ່ນໃຈ ຫລັງ ປໍ ປ໊ອກບາ ມິດຟິວດາວດັງ ແມນເຊັສເຕີ ຢູໄນເຕັດ ເຜີຍທີມໃນຝັນທີ່ຢາກຈະຮ່ວມງານນຳ ແຕ່ຢືນຢັນຕອນນີ້ຍັງມີຄວາມສຸກດີກັບຕົ້ນສັງກັດ.
ປໍ ປ໊ອກບາ ກອງກາງຊຸບເປີສະຕາຊາວຝຣັ່ງຂອງ ແມນເຊັສເຕີ ຢູໄນເຕັດ ສະໂມສອນຍັກໃຫຍ່ແຫ່ງ ພຣີເມຍລີກ ອັງກິດ ຍອມຮັບວ່າ ຣີລ ມາດຣິດ ຍອມສະໂມສອນບານເຕະໃນ ລາ ລີກາ ສະເປນ ເປັນສະໂມສອນບານເຕະໃນຝັນສຳລັບຕົນ.
ປ໊ອກບາ ເຄີຍມີຂ່າວລືຢ່າງຕໍ່ເນື່ອງກ່ຽວກັບການອຳລາຖິ່ນ ໂອລ ແທຣັບຟອດ ຫລັງຈາກທີ່ມີບັນຫາກັບຜູ້ຈັດການທີມ ໂຊເຊ ມູຣິນໂຢ ແຕ່ຫລັງຈາກ ໂອເລ່ ກຸນນາ ໂຊລຊາ ກ້າວເຂົ້າມາຄຸມທີມແທນ ມູຣິນໂຢ ໃນເດືອນທັນວາປີກ່ອນ ປ໊ອກບາ ກໍກັບມາໂຊຟອມໄດ້ໂດດເດັ່ນອີກ ແລະ ຖືເປັນນັກເຕະກຳລັງສຳຄັນຂອງທັບ ແມນເຊັສເຕີ ຢູໄນເຕັດ ໃນປັດຈຸບັນ.
ສຳລັບລະດູການນີ້ ປ໊ອກບາ ລົງຫລິ້ນໃຫ້ ແມນເຊັສເຕີ ຢູໄນເຕັດ ໄປແລ້ວທັງໝົດ 37 ນັດ ຍິງໄດ້ 14 ປະຕູ.
