ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວຄົບຮອບ 64 ປີ

ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວຄົບຮອບ 64 ປີ - lp02 medal for national hero speech kraisone web - ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວຄົບຮອບ 64 ປີ
ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວຄົບຮອບ 64 ປີ - Untitled design - ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວຄົບຮອບ 64 ປີ

ພັກປະຊາຊົນປະຕິວັດລາວ ມີຕົ້ນກຳເນີດມາຈາກ ພັກຄອມມູນິດ ອີນດູຈີນ ເຊີ່ງແມ່ນປະທານ ໂຮ່ຈິມິນ ເປັນຜູ້ສ້າງຕັ້ງຂຶ້ນໃນວັນທີ່ 3/2/1930. ພັກຄອມມູນິດ ອີນດູຈີນ ເປັນພັກຂອງ 3 ປະເທດລວມເຂົ້າກັນ: ລາວ, ຫວຽດນາມ ແລະ ກຳປູເຈຍ. ພາຍໃຕ້ການຊີ້ນຳນຳພາຂອງພັກຄອມມູນິດ ອີນດູຈີນ, ຂະບວນການຕໍ່ສູ້ກັບພວກລ່າເມືອງຂຶ້ນຝຼັ່ງ ຢູ່ທັງສາມປະເທດແມ່ນມີຂະບວນການແຂງແຮງພໍສົມຄວນ. ເມື່ອເຫັນສະຖານະການຕໍ່ສູ້ຢູ່ແຕ່ລະປະເທດມີຄວາມເຂັ້ມແຂງຄືແນວນັ້ນ, ປະທານໂຮ່ຈິມິນ ຈຶ່ງໄດ້ໃຫ້ແຕ່ລະປະເທດຈັດຕັ້ງພັກຂອງປະເທດໃຜລາວຂຶ້ນ ເພື່ອສະດວກໃນການຊີ້ນຳນຳພາ ແລະ ໃກ້ສິດທັນການກ່ວາເກົ່າ. ມາເຖິງເດືອນ 2/1951 ສະມາຊິກພັກຂອງລາວຈິ່ງໄດ້ແຍກອອກຈາກ ພັກຄອມມຸຍນິດ ອີນດູຈີນ ມາສ້າງຕັ້ງເປັນພັກຂອງຕົນຂຶ້ນ, ໃສ່ຊື່ວ່າ: ຄະນະພັກແຄວ້ນລາວ ເພື່ອສືບຕໍ່ນຳພາປະຊາຊົນລາວ ທຳການຕໍ່ສູ້ກັບສັດຕູຜູ້ຮຸກຮານ. ຢູ່ໃນກອງປະຊຸມໃຫ່ຍຄັ້ງປະຖົມມະລຶກ( ຄັ້ງທີ I ) ແຕ່ວັນທີ 22/3 – 6/4/1955 ຈຶ່ງໄດ້ປ່ຽນຊື່ຈາກຄະນະພັກແຄວ້ນລາວ ມາເປັນ: ພັກປະຊາຊົນລາວ ແລະ ຢູ່ໃນກອງປະຊຸມໃຫ່ຍຄັ້ງທີ II, ໃນເດືອນ 2/1972 ຈຶ່ງໄດ້ໃສ່ຊື່ວ່າ: ພັກປະຊາຊົນປະຕິວັດລາວ ຈົນເຖິງປັດຈຸບັນ.

ຕະຫຼອດໄລຍະ 64 ປີພັກປະຊາຊົນປະຕິວັດລາວ ໄດ້ເຕີບໃຫ່ຍເຂັ້ມແຂງຢ່າງບໍ່ຢຸດຢັ້ງ, ນຳພາປະເທດຊາດລຸດພົ້ນອອກຈາກແອກປົກຄອງຂອງພວກຈັກະພັດຜູ້ຮຸກຮານ ແລະ ລູກແຫຼ້ງຕີນມືຂອງພວກເຂົາ, ສາມາດ ສະຖາປະນາເປັນປະເທດສາທາລະນະລັດປະຊາທິປະໄຕປະຊາຊົນລາວ ຢ່າງສົມບູນໃນວັນທີ 2 ທັນວາ 1975. ປັດຈຸບັນກຳລັງນຳພາປະຊາຊົນລາວທັງຊາດດຳເນີນ 2 ໜ້າທີ່ຍຸດທະສາດຂອງພັກ: ປົກປັກຮັກສາ ແລະ ສ້າງສາປະເທດຊາດ ກ້າວໄປເຖິງຄຳຂວັນທີ່ວ່າ: ສັນຕິພາບ ເອກະລາດ ປະຊາທິປະໄຕ ເອກະພາບ ແລະ ວັດຖະນາຖາວອນ.

ຕະຫຼອດໄລຍະ 64 ປີຜ່ານມາພັກໄດ້ຈັດຕັ້ງກອງປະຊຸມໃຫ້ຍຂອງຕົນເຖິງ 10 ຄັ້ງແລ້ວ. ຢູ່ໃນແຕ່ລະກອງປະຊຸມໃຫ່ຍນັ້ນ, ພັກໄດ້ວາງແນວທາງການເມືອງ, ແຜນພັດທະນາເສດຖະກິດ-ສັງຄົມຂອງປະເທດຢ່າງສອດຄ່ອງເໝາະສົມໃນແຕ່ລະໄລຍະ. ຈຸດປະສົງສຸດທ້າຍຂອງພັກກໍແມ່ນເຮັດໃຫ້: ປະເທດຊາດມັ່ງຄັ່ງເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມມີຄວາມຍຸຕິທຳ ສີວິໄລ ແລະ ນຳພາປະເທດຊາດລຸດພົ້ນອອກຈາກສະພາວະປະເທດດ້ອຍພັດທະນາຢ່າງມີໄຊ.

+ ກອງປະຊຸມໃຫຍ່ຄັ້ງທີ I ຈັດ​ຂຶ້ນລະຫວ່າງ​ວັນ​ທີ: 22/03/-06/04/1955

+ ຄັ້ງທີ II: 03/02/1972

+ ຄັ້ງທີ III: 27/04/1892

+ ຄັ້ງທີື IV: 13/11/1986

+ ຄັ້ງທີ V: 27-29/03/1991

ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວຄົບຮອບ 64 ປີ - Wave100S AD to Website 2020 0 - ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວຄົບຮອບ 64 ປີ

+ ຄັ້ງທີື VI: 18-20/03/1996

+ ຄັ້ງທີ VII: 12-14/03/2001

+ ຄັ້ງທີ VIII: 18-21/03/2006

+ ຄັ້ງທີ IX: 17-21/03/2011

+ ຄັ້ງທີ X: 18-22/01/2016

ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວຄົບຮອບ 64 ປີ - WhatsApp Image 2020 05 27 at 5 - ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວຄົບຮອບ 64 ປີ
ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວຄົບຮອບ 64 ປີ - WhatsApp Image 2020 05 27 at 5 - ຊົມເຊີຍວັນສ້າງຕັ້ງ ພັກປະຊາຊົນປະຕິວັດລາວຄົບຮອບ 64 ປີ
error: Alert: ເນື້ອຫາຂ່າວມີລິຂະສິດ !!