ກະສິກຳ​ຢືນຢັນ ພະຍາດ​ອະຫິ​ວາ​ຫມູ ອາ​ຟຣິກກາ ​ບໍ່ສາມາດ​ຕິດຕໍ່ຈາກ​ສັດ​ສູ່​ຄົນ​ໄດ້

ກະສິກຳ​ຢືນຢັນ ພະຍາດ​ອະຫິ​ວາ​ຫມູ ອາ​ຟຣິກກາ ​ບໍ່ສາມາດ​ຕິດຕໍ່ຈາກ​ສັດ​ສູ່​ຄົນ​ໄດ້ - advert banner 728 90 728x90 - ກະສິກຳ​ຢືນຢັນ ພະຍາດ​ອະຫິ​ວາ​ຫມູ ອາ​ຟຣິກກາ ​ບໍ່ສາມາດ​ຕິດຕໍ່ຈາກ​ສັດ​ສູ່​ຄົນ​ໄດ້
ກະສິກຳ​ຢືນຢັນ ພະຍາດ​ອະຫິ​ວາ​ຫມູ ອາ​ຟຣິກກາ ​ບໍ່ສາມາດ​ຕິດຕໍ່ຈາກ​ສັດ​ສູ່​ຄົນ​ໄດ້ - Untitled 1 1024x708 - ກະສິກຳ​ຢືນຢັນ ພະຍາດ​ອະຫິ​ວາ​ຫມູ ອາ​ຟຣິກກາ ​ບໍ່ສາມາດ​ຕິດຕໍ່ຈາກ​ສັດ​ສູ່​ຄົນ​ໄດ້

     ​ໃນ​ວັນ​ທີ 21 ມີນາ ນີ້, ທ່ານ ບຸນ​ຂວາງ ຄຳ​ບຸນ​ເຮືອງ ຮອງ​ລັດຖະມົນຕີ ກະຊວງ ກະສິກຳ ​ແລະ ປ່າ​ໄມ້ ​ໄດ້​ຖະ​ແຫລ​ງຕໍ່ສື່ມວນຊົນກ່ຽວກັບ​ການ​ລະບາດ​ຂອງ​ພະຍາດ ອະຫິ​ວາ​ຫມູ ອາ​ຟຣິກກາ, ພ້ອມ​ທັງ​ຢືນຢັນ​ວ່າ: ພະຍາດ​ອະຫິ​ວາ​ຫມູ ອາ​ຟຣິກກາ ບໍ່ສາມາດ​ຕິດຕໍ່ຈາກ​ສັດ​ສູ່​ຄົນ​ໄດ້, ຊຶ່ງ​ທ່ານ ຮອງ​ລັດຖະມົນຕີ ​ໃຫ້​ຮູ້​ວ່າ: ພະຍາດ​ອະ​ຫິວາ​ຫມອາ​ຟຣິກກາ ຖື​ເປັນ​ພະຍາດ​ຕິດຕໍ່ຮ້າຍ​ແຮງ​ສຳລັບ​ຫມູ​ທຸກ​ຊະນິດ, ມີ​ສາ​ເຫດ​ມາ​ຈາກ​ເຊື້ອ​ໄວຣັດ ສາມາດ​ຕິດຕໍ່​ໂດຍ​ກົງ​ຈາກ​ການ​ສຳພັດ​ກັບ​ຫມູ​ຕິດ​ເຊື້ອ ຫລື ​ໂດຍ​ທາງ​ອ້ອມ​, ພະຍາດ​ນີ້ ມີ​ໄລຍະ​ພັກ​ເຊື້ອສັ້ນ​ປະມານ 2-3 ມື້, ສັດ​ອາດ​ຕາຍ​ຢ່າງ​ກະທັນຫັນ​ໂດຍ​ບໍ່ມີ​ອາການ​ສະ​ແດງ​ອອກ ຫລື ​ແບບ​ຊຳ​ເຮື້ອ, ຂື້ນຢູ່​ກັບ​ປະລິມານ​ຂອງ​ການ​ສຳ​ພັດ, ປະລິມານ ​ແລະ ຄວາມ​ຮຸນ​ແຮງ​ຂອງ​ເຊື້ອທີ່​ໄດ້​ຮັບ, ຫມູ​ທີ່​ເປັນ​ພະຍາດ​ນີ້ ຈະ​ມີ​ໄຂ້ ສູງ​ເຖິງ 42 ອົງສາ​ເຊ, ອາການ​ປວດຮາກ, ຖອກທ້ອງ, ກິນ​ອາຫານ​ຫລຸດ​ລົງ, ນ້ຳຕາ​ໄຫລ ​ແລະ ມີ​ລັກສະນະ​ຊືມ​ເຊື້ອ​ໃນ​ເລືອດ.

ກະສິກຳ​ຢືນຢັນ ພະຍາດ​ອະຫິ​ວາ​ຫມູ ອາ​ຟຣິກກາ ​ບໍ່ສາມາດ​ຕິດຕໍ່ຈາກ​ສັດ​ສູ່​ຄົນ​ໄດ້ - lattana 1 - ກະສິກຳ​ຢືນຢັນ ພະຍາດ​ອະຫິ​ວາ​ຫມູ ອາ​ຟຣິກກາ ​ບໍ່ສາມາດ​ຕິດຕໍ່ຈາກ​ສັດ​ສູ່​ຄົນ​ໄດ້

     ​ເຖິງ​ແມ່ນ​ວ່າ​ພະຍາດ​ນີ້ ຈະ​ບໍ່ທັນ​ພົບ​ກໍລະນີ​ຕິດ​ເຊື້ອ​ໃນ​ຄົນ​ກໍ​ຕາມ ​ແຕ່​ເປັນພະຍາດ​ທີ່​ບໍ່ມີ​ວັກ​ຊິນ​ປ້ອງ​ກັນ ​ແລະ ຢາ​ປິ່ນປົວ​ສະ​ເພາະ​ເທື່ອ ໝາຍວ່າ​ສັດ​ທີ່​ຕິດ​ເຊື້ອ​ພະຍາດ​ນີ້ຕ້ອງຕາ​ຍ ຫລື ຖືກ​ຂ້າ​ຕາຍ 100%. ຖ້າ​ພະຍາດ ນີ້ຫາກ​ເຂົ້າ ສປປ ລາວ ​ໂອກາດ​ຫລາຍ​ທີ່​ຈະ​ມີ​ການ​ແຜ່​ລາມ ​ແລະ ຈະ​ສົ່ງ​ຜົນ​ກະທົບ​ໂດຍ​ກົງ ຕໍ່ຊາວ​ກະສິກອນ ​ແລະ ຜູ້​ປະກອບ​ການ​ລ້ຽງຫມູ ຍ້ອນ​ວ່າ ສ່ວນ​ໃຫຍ່​ຮູບ​ແບບ​ການ​ລ້ຽງຫມູ​ບ້ານ​ເຮົາ ຍັງ​ມີ​ການ​ລ້ຽງ​ແບບ​ຫລັງ​ບ້ານ, ຟາ​ມຂະຫນາດ​ນ້ອຍ ​ແລະ ກາງ ​ເປັນ​ລະບົບ​ເປີດ ຫລື ​ເຄິ່ງປິດ​ເຄິ່ງ​ເປີດ ບໍ່ມີ​ລະບົບ​ປ້ອງ​ກັນ​ທາງ​ດ້ານ​ຊີວະ​ທີ່​ເຂັ້ມ​ແຂງ, ອາຫານ​ທີ່​ນຳ​ມາລ້ຽງສັດ ກໍ​ນຳ​ມາ​ຈາກ​ຫລາຍ​ແຫ່ງ​ບໍ່ມີການ​ຢັ້ງຢືນ​ຄວາມ​ປອດ​ໄພ ​ແລະ ອີກ​ຈຳນວນໜຶ່ງກໍ​ຍັງ​ໃຊ້​ເສດ​ອາຫານ​ເຫລືອ​ກິນ​ຂອງ​ຄົນ ​ເຊິ່ງ​ເປັນ​ແຫລ່ງການ​ຕິດ​ເຊື້ອທີ່​ດີ.

     ທ່ານ ຮອງ​ລັດຖະມົນຕີ ກະຊວງ ກະສິກຳ ​ແລະ ປ່າ​ໄມ້ ​ໃຫ້​ຮູ້​ວ່າ: ປັດຈຸບັນ ພະຍາດ​ດັ່ງກ່າວ ​ກຳລັງ​ມີ​ການ​ແຜ່​ລະບາດ ຢູ່ ສປ ຈີນ ​ແລະ ສສ ຫວຽດນາມ ກາຍ​ເປັນ​ສິ່ງ​ທ້າ​ທາຍ ​ແລະ ​ໄພ​ຂົ່ມຂູ່ ທັງ​ສອງ​ປະ​ເທດ, ພ້ອມ​ກັນ​ນັ້ນ ກໍ​ມີ​ຊາຍ​ແດນ​ຕິດ​ກັບ ສປປ ລາວ ​ແລະ ກໍ​ມີ​ການ​ໄປມາ​ແລກປ່ຽນຊື້ຂາຍ​ສິນຄ້າ ລວມທັງ ໝູ ​ແລະ ຜະລິດ​ຕະພັນໝູ ຊຶ່ງ​ອາດ​ເຮັດ​ໃຫ້​ພະຍາດ​ເລັດ​ລອດ​ເຂົ້າ​ມາ​ໃນ ສປປ ລາວ, ສະ​ນັ້ນ ​ເພື່ອ​ຫລຸດຜ່ອນ​ຄວາມ​ສ່ຽງ ​ແລະ ການ​ແຜ່​ລະບາດ ລັດຖະບານ ຈຶ່ງ​ໄດ້​ມີ​ການ​ເຝົ້າ​ລະວັງ ​ແລະ ອອກ​ມາດ​ຕະການ ປ້ອງ​ກັນ​ຄື: ອອກ​ແຈ້ງ​ການ​ກ່ຽວກັບ​ການ​ສະກັດ​ກັ້ນ, ຫ້າມ​ນຳ​ເຂົ້າ​ຫມູ ​ແລະ ຜະລິດ​ຕະພັນ​ຫມູ​ທຸກ​ຊະນິດ ຈາກ​ສອງ​ປະ​ເທດ​ດັ່ງກ່າວ, ​ໃຫ້ຊາວ​ກະສິກອນ ​ແລະ ຫົວໜ່ວຍທຸລະ​ກິດ​ລ້ຽງຫມູ ​ເອົາ​ໃຈ​ໃສ່​ຕິດຕາມ ​ເຝົ້າ​ລະວັງ ສະພາບ​ຝູງ​ສັດ​ໃນ​ຟາ​ມຂອງ​ຕົນ, ດ້ວຍ​ລະບົບ​ປ້ອງ​ກັນ​ຄວາມ​ປອດ​ໄພ​ທາງ​ຊີວະ ຢ່າງ​ມີ​ປະສິດທິພາບ, ​ເຮັດ​ການ​ອະນາ​ໄມ​ຂ້າ​ເຊື້ອຟາ​ມ, ຄອກ​ສັດ ດ້ວຍ​ຢາຂ້າ​ເຊື້ອ ​ໂຊດຽມ​ໄຮ​ດຣັ​ອກ​ໄຊ 8% ​ໄຮ​ໂປຄລໍຣາຍ ​ແລະ ຟອກ​ມາ​ລິນ 3%, ຖ້າ​ພົບ​ເຫັນ​ສັດ​ມີ​ອາການ​ຜິດ​ປົກກະຕິ​ກໍ​ໃຫ້​ລາຍ​ງານ​ເຈົ້າໜ້າທີ່​ສັດຕະວະ​ແພດ​ໂດຍ​ດ່ວນ ​ເພື່ອ​ກວດກາ ​ແລະ ປ້ອງ​ກັນ.

ກະສິກຳ​ຢືນຢັນ ພະຍາດ​ອະຫິ​ວາ​ຫມູ ອາ​ຟຣິກກາ ​ບໍ່ສາມາດ​ຕິດຕໍ່ຈາກ​ສັດ​ສູ່​ຄົນ​ໄດ້ - 1 1 - ກະສິກຳ​ຢືນຢັນ ພະຍາດ​ອະຫິ​ວາ​ຫມູ ອາ​ຟຣິກກາ ​ບໍ່ສາມາດ​ຕິດຕໍ່ຈາກ​ສັດ​ສູ່​ຄົນ​ໄດ້