ອຸປະຕິເຫດໄຟໄໝ້ລົດເກັງ ມີຄົນເສຍຊີວິດຄາທີ່ 2 ຄົນ, ບາດເຈັບສາຫັດ 1 ຄົນ

ອຸປະຕິເຫດໄຟໄໝ້ລົດເກັງ ມີຄົນເສຍຊີວິດຄາທີ່ 2 ຄົນ, ບາດເຈັບສາຫັດ 1 ຄົນ - advert banner 728 90 728x90 - ອຸປະຕິເຫດໄຟໄໝ້ລົດເກັງ ມີຄົນເສຍຊີວິດຄາທີ່ 2 ຄົນ, ບາດເຈັບສາຫັດ 1 ຄົນ
ອຸປະຕິເຫດໄຟໄໝ້ລົດເກັງ ມີຄົນເສຍຊີວິດຄາທີ່ 2 ຄົນ, ບາດເຈັບສາຫັດ 1 ຄົນ - 53836672 2404153349618825 5065854715212857344 n - ອຸປະຕິເຫດໄຟໄໝ້ລົດເກັງ ມີຄົນເສຍຊີວິດຄາທີ່ 2 ຄົນ, ບາດເຈັບສາຫັດ 1 ຄົນ

      ​ເກີດ​ອຸປະຕິ​ເຫດ​ໄຟ​ໄໝ້​ລົດ​ເກັ່ງ​ໝາຍ​ເລກ​ທະບຽນ ສະຫວັນ​ນະ​ເຂດ 3422 ​ຢູ່​ເສັ້ນທາງ​ເລກ 9 ​ເຂດ​ບ້ານ​ນາ​ຈະ​ຫລີດ ກິ​ໂລ​ແມັດ​ທີ 24 (ສະຫວັນ-​ເຊ​ໂນ) ​ແຂວງ​ສະຫວັນ​ນະ​ເຂດ ຍ້ອນ​ຕີນລົດ​ແຕກ​ເສຍ​ຫລັກ​ເຈືອກ​ໄປ​ຕຳ​ໃສ່​ຂອບ​ທໍ່​ລະບາຍ​ນ້ຳ ​ເຮັດ​ໃຫ້​ລົດ​ປີ້ນ​ແລ້ວ​ເກີດ​ໄຟ​ໄໝ້​ຢ່າງ​ຮຸນ​ແຮງ ​ເຮັດ​ໃຫ້​ມີ​ຜູ້​ເສຍ​ຊີວິດ​ຄ່າ​ທີ່ 2 ຄົນ ​ແລະ ບາດ​ເຈັບ​ສາຫັດ 1 ຄົນ.

ອຸປະຕິເຫດໄຟໄໝ້ລົດເກັງ ມີຄົນເສຍຊີວິດຄາທີ່ 2 ຄົນ, ບາດເຈັບສາຫັດ 1 ຄົນ - lattana 1 - ອຸປະຕິເຫດໄຟໄໝ້ລົດເກັງ ມີຄົນເສຍຊີວິດຄາທີ່ 2 ຄົນ, ບາດເຈັບສາຫັດ 1 ຄົນ

      ຫົວໜ້າ​ກອງ​ດຳ​ເນີນ-​ແກ້​ໄຂ​ຄະດີ​ອຸປະຕິ​ເຫດ ຕຳຫລວດ​ຈະລາຈອນ ປກສ ​ແຂວງ​ສະຫວັນ​ນະ​ເຂດ ​ໃຫ້​ຮູ້​ວ່າ: ອຸປະຕິ​ເຫດ​ດັ່ງກ່າວ​ເກີດ​ຂຶ້ນ​ໃນ​ເວລາ​ປະມານ 15:00 ​ໂມງ ຂອງ​ວັນ​ທີ 19 ມີນາ 2019 ​ເຊິ່ງຂັບ​ຂີ່​ໂດຍ​ທ້າວ ພຸດທະ​ເພັງ ອາຍຸ 36 ປີ ຢູ່​ບ້ານ​ຈອມ​ແກ້ວ ນະຄອນ​ໄກສອນ ພົມວິຫານ ມີ​ຜູ້​ຢູ່​ໃນ​ລົດ​ທັງ​ໝົດ 3 ຄົນ ຍິງ 2 ຄົນ, ຂັບ​ຂີ່​ມາ​ແຕ່​ເຊ​ໂນ​ມຸ່ງ​ໜ້າ​ເຂົ້າສູ່​ສະຫວັນ​ນະ​ເຂດ ດ້ວຍ​ຄວາມ​ໄວ​ພໍ​ສົມຄວນ ຈຶ່ງ​ພາ​ໃຫ້​ຕີນລົດ​ເບື້ອງໜ້າ​ແຕກ​ເສຍ​ຫລັກ​ເຈືອກ​ລົງ​ແຄມ​ທາງ​ໄປ​ຕຳ​ໃສ່​ຂອບ​ທໍ່​ລອດ​ທາງ​ລົດ​ປີ້ນ 1 ຮອບ ​ແລ້ວ​ເຮັດ​ໃຫ້​ນ້ຳມັນ​ຮົ່ວ​ໄຫລ​ຈົນ​ເກີດ​ໄຟ​ລຸກ​ໄໝ້, ຜູ້​ເຫັນ​ເຫດການ​ໄດ້​ພາກັນ​ຊ່ວຍ​ເຫລືອ​ເອົາ​ຜູ້​ທີ່​ຕິດ​ຢູ່​ໃນ​ລົດ​ອອກ​ມາ​ໄດ້​ທັນ​ກ່ອນ​ໄຟ​ລຸກ​ໄໝ້​ໝົດ​ຄັນ. ຈາກ​ອຸປະຕິ​ເຫດ​ໃນ​ຄັ້ງນີ້ ​ເຮັດ​ໃຫ້​ທ້າວ ພຸດທະ​ເພັງ ຜູ້​ຂັບ​ລົດ ​ແລະ ນາງ ປາລີ​ນາ​​ ​ໂງນ​ວໍ​ລະລາດ ອາຍຸ 31 ປີ ຢູ່​ບ້ານ​ໄຊ​ຍະ​ພູມ ນະຄອນ​ໄກສອນ ​ເສຍ​ຊີວິດ​ຄາ​ທີ່, ສ່ວນ​ອີກ​ຄົນ​ໜຶ່ງ​ ຄື​ນາງ ຈັນ​ພາ​ສຸກ ອາຍຸ 21 ປີ ຢູ່​ບ້ານ​ໂພນ​ສະຫວັນ​ໃຕ້ ​ໄດ້​ຮັບ​ບາດ​ເຈັບ​ສາ​ຫັດ ໜ່ວຍ​ກູ້​ໄພ​ສະຫວັນ​ນະ​ເຂດ​ໄດ້​ນຳ​ສົ່ງ​ໂຮງໝໍ.

      ອຸປະຕິ​ເຫດ​ຄັ້ງນີ້ ​ເປັນ​ອຸທາຫອນ​ໃຫ້​ນັກ​ຂັບ​ຂີ່​ທັງ​ຫລາຍ​ຮູ້​ວ່າ: ການ​ຂັບ​ຂີ່​ລົດ​ຕາມ​ທ້ອງ​ຖະໜົນ​ຕ້ອງ​ມີ​ຄວາມ​ລະມັດລະວັງ​ໃນ​ການກວດ​ເຊັກ​ສະພາບ​ລົດ​ກ່ອນ​ອອກ​ເດີນທາງ, ອັນ​ສຳຄັນ​ຕ້ອງ​ປະຕິບັດ​ລະບຽບ​ການ​ຈະລາຈອນ​ຢ່າງ​ເຂັ້ມງວດ ​ເພື່ອ​ຫລີກ​​ເວັ້ນການ​ສູນ​ເສຍ​ຊີວິດ ​ແລະ ວັດຖຸ​ຊັບ​ສິນ.

ອຸປະຕິເຫດໄຟໄໝ້ລົດເກັງ ມີຄົນເສຍຊີວິດຄາທີ່ 2 ຄົນ, ບາດເຈັບສາຫັດ 1 ຄົນ - 1 1 - ອຸປະຕິເຫດໄຟໄໝ້ລົດເກັງ ມີຄົນເສຍຊີວິດຄາທີ່ 2 ຄົນ, ບາດເຈັບສາຫັດ 1 ຄົນ