ຜູ້ຊ່ຽວຊານຄາດວ່າຈະກຳຈັດ ວັນນະໂລກໃຫ້ໝົດໄປໃນປີ 2045

ຜູ້ຊ່ຽວຊານຄາດວ່າຈະກຳຈັດ ວັນນະໂລກໃຫ້ໝົດໄປໃນປີ 2045 - advert banner 728 90 728x90 - ຜູ້ຊ່ຽວຊານຄາດວ່າຈະກຳຈັດ ວັນນະໂລກໃຫ້ໝົດໄປໃນປີ 2045

      ທີ​ມຜູ້​ຊ່ຽວຊານສາກົນ​ຖະ​ແຫລ​ງວ່າ: ທົ່ວ​ໂລກ​ຈະ​ສາມາດ​ກຳຈັດ​ວັນນະ​ໂລກ​ໃຫ້​ໝົດ​ໄປ​ໄດ້​ພາຍ​ໃນ​ປີ 2045 ຖ້າ​ໄດ້​ຮັບ​ທຶນ​ສະໜັບສະໜູນ​ຢ່າງ​ເໝາະ​ສົມ​ໃນ​ການ​ກຳຈັດ​ພະຍາດ​ດັ່ງກ່າວ.

ຜູ້ຊ່ຽວຊານຄາດວ່າຈະກຳຈັດ ວັນນະໂລກໃຫ້ໝົດໄປໃນປີ 2045 - lattana 1 - ຜູ້ຊ່ຽວຊານຄາດວ່າຈະກຳຈັດ ວັນນະໂລກໃຫ້ໝົດໄປໃນປີ 2045

      ຜູ້​ແທນ​ພິ​ເສດ​ສະຫະ​ປະຊາ​ຊາດ​ດ້ານ​ວັນນະ​ໂລກ ກ່າວ​ວ່າ: ການ​ປິ່ນປົວ​ໃຫ້​ດີ​ຂຶ້ນ ​ແລະ ​ເນັ້ນ​ເຖິງ​ການ​ປ້ອງ​ກັນ​ພະຍາດ ​ເປັນ​ສິ່ງ​ສຳຄັນ​ທີ່​ຈະ​ຊ່ວຍ​ຫລຸດ​ຈຳນວນ​ຜູ້​ປ່ວຍ​ວັນນະ​ໂລກ​ຫລາຍ​ກວ່າ 10 ລ້ານ​ຄົນ​ທີ່​ມີ​ລາຍ​ງານ​ໃນ​ແຕ່ລະ​ປີ. ລາຍ​ງານ​ລະບຸ​ວ່າ: ພະຍາດ​ປອດ​ຊ້ຳ​ເຮື້ອ ​ເຊິ່ງສາມາດປ້ອງ​ກັນ ​ແລະ ປິ່ນປົວ​ໄດ້​ຖ້າ​ກວດ​ພົບ​ແຕ່​ຫົວ​ທີ່ ​ເຊິ່ງວັນນະ​ໂລກ​ເປັນ​ໜຶ່ງ​ໃນ​ພະຍາດ​ລະບາດ​ອັນ​ດັບ​ຕົ້ນໆ​ທີ່​ເປັນສາ​ເຫດການ​ເສຍ​ຊີວິດ ​ໂດຍ​ມີ​ລາຍ​ງານ​ຜູ້​ເສຍ​ຊີວິດ​ປີ​ລະ​ຫລາຍ​ກວ່າ 1,6 ລ້ານ​ຄົນ. ຜູ້​ຊ່ຽວຊານ UN ກ່າວ​ວ່າ: ວັນນະ​ໂລກ​ເປັນ​ບັນຫາ​ໃຫຍ່ ​ແລະ ກໍ່​ໃຫ້​ເກີດ​ຄວາມ​ເສຍ​ຫາຍ​ທາງ​ເສດຖະກິດ​ຫລາຍ ທັງ​ໃນ​ກຸ່ມ​ປະ​ເທດ​ພັດທະນາ ​ແລະ ກຳລັງ​ພັດທະນາ. ດັ່ງນັ້ນ ຈຶ່ງ​ຈຳ​ເປັນ​ຕ້ອງ​ລິ​ເລີ່​ມມາດ​ຕະການ​ປ້ອງ​ກັນ​ວັນນະ​ໂລກ, ​ເຖິງ​ວ່າວັນນະ​ໂລກ​ຈະ​ເປັນ​ພະຍາດ​ທີ່​ຂ້າ​ຊີວິດ​ຄົນ​ເກືອບ​ເທົ່າ​ກັບ​ຜູ້​ເສຍ​ຊີວິດ​ຈາກ​ການ​ຕິດ​ເຊື້ອ​ເຮ​ສ​ໄອ​ວີ/​ເອສ໌ ​ແລະ ມາ​ເລ​ເລຍ​ລວມກັນ​ໃນ​ແຕ່ລະ​ປີ, ​ແຕ່​ພັດ​ໄດ້​ຮັບ​ທຶນ​ວິ​ໄຈ​ພຽງ 10% ​ເມື່ອ​ທຽບ​ໃສ່​ທຶນ​ວິ​ໄຈ​ພະຍາດ​ເອດ​ສ໌. ຄະນະ​ຜູ້​ຊ່ຽວຊານ​ຈາກ 13 ປະ​ເທດ​ມີ​ລາຍ​ງານ​ໃນ​ວາລະສານ​ການ​ແພດ​ແລນ​ເຊ​ດ ລະບຸ​ວ່າ: ທຶນ​ສະໜັບສະໜູນ​ເພື່ອ​ວິ​ໄຈ ​ແລະ ພັດທະນາ​ທົ່ວ​ໂລກ​ຈຳ​ເປັນ​ຕ້ອງ​ເພີ່ມ​ຂຶ້ນ 4 ​ເທົ່າ​ເປັນ 3.000 ລ້ານ​ໂດ​ລາ​ຕໍ່​ປີ, ຖ້າ​ຕ້ອງການ​ກຳຈັດ​ວັນນະ​ໂລກ​ໃຫ້​ໝົດ​ໄປ​ຢ່າງ​ໄດ້ຜົນ ​ໂດຍ​ຍົກ​ຕົວຢ່າງ​ຢູ່​ອິນ​ເດຍ ​ເຊິ່ງມີ​ຜູ້​ເສຍ​ຊີວິດ​ຈາກ​ວັນນະ​ໂລກ​ເຖິງ​ 1 ​ໃນ 3 ຂອງ​ທົ່ວ​​ໂລກ ​ໄດ້​ຮັບ​ການ​ປິ່ນປົວ ​ແລະ ກວດ​ແຕ່​ຫົວ​ທີ່ ຈະ​ສາມາດ​ຫລຸດ​ການ​ເສຍ​ຊີວິດລົງ​ໄດ້​ເກືອບ 1 ​ໃນ 3 ​ເຊິ່ງມີຄ່າ​ໃຊ້​ຈ່າຍ​ປະມານ 290 ລ້ານ​ໂດ​ລາ​ໃນ​ແຕ່ລະ​ປີ.

ຜູ້ຊ່ຽວຊານຄາດວ່າຈະກຳຈັດ ວັນນະໂລກໃຫ້ໝົດໄປໃນປີ 2045 - 1 1 - ຜູ້ຊ່ຽວຊານຄາດວ່າຈະກຳຈັດ ວັນນະໂລກໃຫ້ໝົດໄປໃນປີ 2045
ຜູ້ຊ່ຽວຊານຄາດວ່າຈະກຳຈັດ ວັນນະໂລກໃຫ້ໝົດໄປໃນປີ 2045 - Tiger Head 728x90 - ຜູ້ຊ່ຽວຊານຄາດວ່າຈະກຳຈັດ ວັນນະໂລກໃຫ້ໝົດໄປໃນປີ 2045
error: Content is protected !!