ອາເມລິກາສົ່ງເຮືອບິນຖິ້ມລະເບີດ B-52 ບິນໄປຍັງເອີຣົບ
# ລູກເມືອງພວນ
ໜັງສືພິມ ວໍຊິງຕັນໂພດ ໄດ້ນຳເອົາຄຳຖະແຫລງຂອງກອງທັບອາກາດຂອງອາເມລິກາ ອອກມາເປີດເຜີຍໃນວັນທີ 20 ມີນາ ໃຫ້ຮູ້ວ່າ: ໃນວັນທີ 14 ມີນານີ້, ໄດ້ມີຝູງບິນຖິ້ມລະເບີດ B-52H 6 ລຳ ໄດ້ບິນອອກຈາກຖານທັບອາກາດ Barksdale, bang Louisiana ມຸ່ງໜ້າໄປຫາຖານທັບອາກາດຂອງອັງກິດ Fairford ເພື່ອເຂົ້າຮ່ວມພາລະກິດຕ່າງໆໃນເອີຣົບ ແລະ ວັນທີ 18 ມີນາ ຝູງບິນດັ່ງກ່າວໄດ້ປະຕິບັດການຝຶກຊ້ອມບິນຜ່ານເຂດຍຸດທະສາດຫລາຍແຫ່ງ, ໃນນັ້ນ ມີເຂດທະເລຂອງນັອກແວ, ທະເລບານຕິກ ແລະ ທະເລເມດີເຕລານຽນ.
ຈຸບິນ B-52 ທີ່ມາຈາກເກາະກວມ (Guam) ຂອງອາເມລິກາໄປຍັງຖານທັບ Fairford ແລ້ວໄດ້ບິນຝຶກຊ້ອມຢູ່ເອີຣົບ ແລະ ທະເລອິນເດຍ-ປາຊີຟິກ, ຈາກທິດເໜືອຈົນເຖິງທິດຕາເວັນອອກຂອງເກາະ Kamchatka ຕິດກັບຣັດເຊຍ. ການປະຕິບັດການບິນໃນຄັ້ງນີ້ແມ່ນປະຕິບັດຕາມຄຳໝັ້ນສັນຍາຂອງອາເມລິກາຕໍ່ກັບພັນທະມິດ ແລະ ຄູ່ຮ່ວມມື ເພື່ອປະຕິບັດການຂະຫຍາຍກຳລັງທະຫານໃນທົ່ວໂລກ.
ເປັນຄັ້ງທຳອິດນັບແຕ່ປີ 1950 ເປັນຕົ້ນມາ ທີ່ອາເມລິກາໄດ້ນຳເອົາເຮືອບິນ B-52 ເຂົ້າມາປະຈຳການ, B-52 ແມ່ນເຮືອບິນທີ່ອອກແບບມາຖິ້ມລະເບີດໄລຍະໄກໂດຍສະເພາະ ແລະ B-52 ແບບໃໝ່ຫລ້າສຸດແມ່ນອີງໃສ່ຮູບແບບຂອງປີ 1962. ພາຍຫລັງສົງຄາມເຢັນສິ້ນສຸດລົງ, ເຮືອບິນປະເພດນີ້ໄດ້ມີການປັບປຸງພັດທະນາຂຶ້ນຢ່າງຫລວງຫລາຍ ດ້ວຍລະບົບເອເລັກໂຕຣນິກ, ດ້ວຍເຕັກໂນໂລຊີສູງ ທັງໄດ້ຕິດຕັ້ງສູກສອນໄຟທີ່ມີຄວາມຊັດເຈນສູງ.
ການທີ່ອາເມລິກາສົ່ງເຮືອບິນ B-52 ຈຳນວນ 6 ລຳໄປຍັງເອີຣົບຄັ້ງນີ້ ເປັນຄັ້ງໃຫຍ່ກວ່າໝູ່ຕະຫລອດໄລຍະ 16 ປີຜ່ານມາ ທີ່ການພົວພັນອາເມລິກາ ແລະ ຣັດເຊຍໄດ້ກ້າວເຂົ້າສູ່ຄວາມເຄັ່ງຕຶງໃໝ່.
